Версия для слабовидящих
Агропром огъетъя ялан ужась комиссия элькун бюджетлэсь 2021 арлы но вуоно 2022 но 2023 аръёслы ӵектоссэ эскериз

Агропром огъетъя ялан ужась комиссия элькун бюджетлэсь 2021 арлы но вуоно 2022 но 2023 аръёслы ӵектоссэ эскериз

11.11.2020
Агропром огъетъя ялан ужась комиссия  элькун бюджетлэсь 2021 арлы но вуоно 2022 но 2023 аръёслы ӵектоссэ эскериз
Агропром огъетъя, музъем кусыпъёсъя, инкуазез уже кутонъя но утёнъя ялан ужась комиссиысь депутатъёс Удмурт Элькунэз 2021 арын азинтонъя Прогнозлэсь но 2021 арлы но вуоно 2022 но 2023 аръёслы бюджетлэсь ӵектосъёссэс эскеризы. Кенешонэз нуиз Владимир Варламов. Вераськонэ пыриськизы удыслыко министерствоослэн но ведомствоослэн кивалтӥсьёссы.
Удмуртиысь коньдон ужпумъёсъя министр Станислав Евдокимов пусйиз, коньдэтэз кылдытыку, нырысь интые пуктӥськиз мерлыко ужпумъёсты быдэстон. 2021 арлы табышъёслэн быдӟалазы 65 млрд. 935 млн. манет чакламын. Со пӧлысь 51 млрд. 415 млн. манетэз – вытъёсъя тыронъёс. Федерал юрттэтлэн быдӟалаез 14 млрд. 520 млн. манет пусъемын. Кыкетӥ лыдӟонлы федерал коньдонлэн быдӟалаез воштӥськоз, оскытӥз Евдокимов.
Уже кутыны вуоно арын 65 млрд. 959 млн. манетэз чакламын. Коньдон 29 кун программаосъя люкылӥськоз. 71 процентэз уксё мерлыко ужпумъёслы мыноз.
Депутатъёс комиссилэн чаклано удысъёсызлы коньдон висъянэз эскеризы. Ивортонъёс лэсьтӥзы Кивалтэтлэн Тӧроезлэн воштӥсез – гурт возёсъя но сиён-юон поттонъя министр Ольга Абрамова, инкуазь узырлыкъёсъя но соосты утёнъя министр Денис Удалов, ветеринарияя Валтӥсь управленилэн кивалтӥсез
Роман Габдрахманов.
Ольга Абрамовалэн верамезъя, агропром огъетлы юрттэтлэн быдӟалаез будэ. 2021 ар Удмуртиын гуртлэн Ареныз ялэмын, соин валче элькунлэн кивалтӥсьёсыз удыслы бадӟымгес саклык висъяны тыршо. Юрттэт сётӥськоз ваньбур поттӥсьёслы но, гурт интывылъёслы азинтон ужрадъёслы но, инвестици ӵектосъёсты быдэсъянлы но.
Комиссия ӵектос понна дурбасьтӥз но вуоно сессиын сое нырысетӥ лыдӟемен кутыны дэмлаз.

Возврат к списку