Эскеремын Кез ёросысь тазалыкез утён удысэз азинтон но демографи политикаез быдэсъян ужпумъёс
05.11.2020Кун Кенешлэн Тӧроезлэн Нырысетӥ воштӥсез Надежда Михайлова видеоконференция амалэн тазалыкез утёнъя, демографи но семья политикая ялан ужась ӧрилэсь кенешонзэ ортчытӥз. Депутатъёс Кез ёросэз экономика но мерлык удысъёсъя азинтон ужпумъёсты эскеризы.
«Кез ёрос» муниципал огазеяськонлэн кивалтӥсез Иван Богданов демографи политикалэн ёросын быдэсъяськемез сярысь вераз. Со пусйиз, 2020 арлэн кутсконэзлы ёросын 19 433 адями улэ вал шуыса. 34 процентэз семьяос одӥг пиналэз будэто, ӝыныяз семьяосын кык пиналзы. 15 процентэз семьяос трос нылпиё лыдъясько – отын куинь но солэсь трос пиналэз будэто. Туэ 9 толэзь ӵоже ёросын 139 нылпи вордӥськиз, соос пӧлысь 29-эз – семьяосазы нырысетӥосыз. Азьвыл арлэн та вакытэныз ӵошатыса, вордӥськон учыръёс 14 процентлы йылӥзы.
Муниципал огазеяськонлэн кивалтӥсез верамъя, интыысь аскивалтон ёзъёслэн валтӥсь ужпумзы – семьялэсь дунлыксэ юнматон, пинал вордыны но сое будэтыны луонлыкъёс кылдытон, нылпи куштон учыръёсты алон.
Йӧскалык проектъёс улсын ёросын выль мерлыко юртъёс лэсьтӥсько: ужаны кутскиз ини выль ясли-сад, али эшшо одӥгзэ ӝуто. Кез каргуртын 500 интылы выль школа пуктӥське. 2021 арлэн кутсконаз сое усьтыны чакламын.
Ёросысь тазалыкез утён сӧзнэтлэн ужамез сярысь вераз Кез ёрос эмъяськоннилэн валтӥсь врачез Леонид Малыгин. Та сӧзнэтэ ёрос эмъяськоннилэн поликлиникаез но кык амбулаториосыз, 25 фельдшер-акушер пункт пыро. Ёросын 51 врач но 166 шоръёзо ӧнерчиос ужало. Чакламын на эшшо 5 ФАП усьтыны. Соосты лэсьтон кутскемын ини.
Эмъяськонниосын паласькись черъёслэсь утиськонъя вань куронъёс быдэсъясько.
Депутатъёс саклык висъязы коронавирус инфекциез вазь шараянлэн кулэлыкезлы. Тужгес но зол уж нуоно 65 арес но солэсь быдӟымгес муртъёс пӧлын. Со сяна, вунэтоно ӧвӧл ужаны быгатӥсь калык сярысь. Соос пӧлын кулон учыръёсты алон ужрадъёсты дасяно, тазалыко улон сямъёс сярысь валэктон ужез кужмоятоно. Озьы ик ӵектэмын ёросысь эмудыслы ӧнерчиосты целевой амалэн дасян ужез азьланьтыны.
Кез ёросэз экономика но мерлык удысъёсъя азинтон ужпумез рос-просгес эскерыны чакламын Кун Кенешлэн Президиумезлэн кенешоназ.
«Кез ёрос» муниципал огазеяськонлэн кивалтӥсез Иван Богданов демографи политикалэн ёросын быдэсъяськемез сярысь вераз. Со пусйиз, 2020 арлэн кутсконэзлы ёросын 19 433 адями улэ вал шуыса. 34 процентэз семьяос одӥг пиналэз будэто, ӝыныяз семьяосын кык пиналзы. 15 процентэз семьяос трос нылпиё лыдъясько – отын куинь но солэсь трос пиналэз будэто. Туэ 9 толэзь ӵоже ёросын 139 нылпи вордӥськиз, соос пӧлысь 29-эз – семьяосазы нырысетӥосыз. Азьвыл арлэн та вакытэныз ӵошатыса, вордӥськон учыръёс 14 процентлы йылӥзы.
Муниципал огазеяськонлэн кивалтӥсез верамъя, интыысь аскивалтон ёзъёслэн валтӥсь ужпумзы – семьялэсь дунлыксэ юнматон, пинал вордыны но сое будэтыны луонлыкъёс кылдытон, нылпи куштон учыръёсты алон.
Йӧскалык проектъёс улсын ёросын выль мерлыко юртъёс лэсьтӥсько: ужаны кутскиз ини выль ясли-сад, али эшшо одӥгзэ ӝуто. Кез каргуртын 500 интылы выль школа пуктӥське. 2021 арлэн кутсконаз сое усьтыны чакламын.
Ёросысь тазалыкез утён сӧзнэтлэн ужамез сярысь вераз Кез ёрос эмъяськоннилэн валтӥсь врачез Леонид Малыгин. Та сӧзнэтэ ёрос эмъяськоннилэн поликлиникаез но кык амбулаториосыз, 25 фельдшер-акушер пункт пыро. Ёросын 51 врач но 166 шоръёзо ӧнерчиос ужало. Чакламын на эшшо 5 ФАП усьтыны. Соосты лэсьтон кутскемын ини.
Эмъяськонниосын паласькись черъёслэсь утиськонъя вань куронъёс быдэсъясько.
Депутатъёс саклык висъязы коронавирус инфекциез вазь шараянлэн кулэлыкезлы. Тужгес но зол уж нуоно 65 арес но солэсь быдӟымгес муртъёс пӧлын. Со сяна, вунэтоно ӧвӧл ужаны быгатӥсь калык сярысь. Соос пӧлын кулон учыръёсты алон ужрадъёсты дасяно, тазалыко улон сямъёс сярысь валэктон ужез кужмоятоно. Озьы ик ӵектэмын ёросысь эмудыслы ӧнерчиосты целевой амалэн дасян ужез азьланьтыны.
Кез ёросэз экономика но мерлык удысъёсъя азинтон ужпумез рос-просгес эскерыны чакламын Кун Кенешлэн Президиумезлэн кенешоназ.