Федерал Ӧтчамлэн Комиссиез Селталан школа лэсьтыны уксё висъянэз умоен лыдъяз
09.11.2020
Россиысь Федерал Ӧтчамлэн бюджетысь коньдон висъянэз чакланъя Комиссиез Удмуртиысь Селта черкогуртын школа лэсьтыны туэ уксё висъян сярысь решение кутӥз. Со понна Элькунэ 133 миллион манет лэземын луоз. Со сярысь ивортӥз Кун Думаысь депутат, Кун Думаысь «Единая Россия» фракцилэн кивалтӥсезлэн Нырысетӥ воштӥсез Андрей Исаев. Удмуртилэн федерал парламентысь депутатэз Селта ёрослэн центраз выль школа пуктон ужпумез нимысьтыз чакласа возиз.
Селталан 384 интылы начальной школа пуктэмын луоз. Коньдон быдэсак туэ асэстэмын луыны кулэ. Та дырлы дышетсконнилэн фундаментэз дась ини, борддоръёсыз ӝынылы ӝутэмын. Лэсьтӥськон 2021 арын быдэстэмын луыны кулэ.
Тодады вайытом, 5 шуркынмонэ Селта ёросысь Копки черкогуртын выль культура юрт усьтӥськиз. Со Владимир Путинлэн кичӧлтэмезъя ужась «Культура» йӧскалык проект улсын лэсьтэмын. Огъя вераса, 2020 арын Селта ёросын улӥсьёс понна 2 фельдшер-акушер пункт лэсьтэмын луоз. Соос Выль Монья но Бадӟым Кильмезь-Бия гуртъёсын ужаны кутскозы. Ёросысь 8,5 иськем сюрес тупатъямын. Колесур, Копки, Селта, Сюромошур гуртъёсы но черкогуртъёсы вылӥ ӝоглыко Интернет вуттэмын луоз.
Селталан 384 интылы начальной школа пуктэмын луоз. Коньдон быдэсак туэ асэстэмын луыны кулэ. Та дырлы дышетсконнилэн фундаментэз дась ини, борддоръёсыз ӝынылы ӝутэмын. Лэсьтӥськон 2021 арын быдэстэмын луыны кулэ.
Тодады вайытом, 5 шуркынмонэ Селта ёросысь Копки черкогуртын выль культура юрт усьтӥськиз. Со Владимир Путинлэн кичӧлтэмезъя ужась «Культура» йӧскалык проект улсын лэсьтэмын. Огъя вераса, 2020 арын Селта ёросын улӥсьёс понна 2 фельдшер-акушер пункт лэсьтэмын луоз. Соос Выль Монья но Бадӟым Кильмезь-Бия гуртъёсын ужаны кутскозы. Ёросысь 8,5 иськем сюрес тупатъямын. Колесур, Копки, Селта, Сюромошур гуртъёсы но черкогуртъёсы вылӥ ӝоглыко Интернет вуттэмын луоз.