Кун Кенешлэн автобазаысьтыз автомобильёс огдырлы поликлиникаослы сётэмын луозы

Кун Кенешлэн автобазаысьтыз тямыс автомобиль «МедподдЕРжка» акция улсын Ижкарысь поликлиникаослы огдырлы сётэмын луоз. Соос участковой терапевтъёсты коронавирусэн черлам адямиос доры нуллыны кутӥськозы. Сыӵе пуктэт юнматӥз Кун Кенешлэн Президиумез.
Кызьы вераз Кун Кенешлэн Тӧроез Владимир Невоструев, пандемия уг чигна, эмчиослы соин нюръяськыны пумен шуггес луэ. «Та вакытэ эмчиослы юрттэт кулэ. Вазиськисько котькуд депутатлы, тазалыкез утисьёслы юрттыны луонлык мед шедьтоды шуыса», - вераз Владимир Невоструев.
«МедподдЕРжка» акция сярысь 27 коньывуонэ «Единая Россия» фракцилэн кенешоназ ивортӥз Элькун Тӧролэн но Кивалтэтлэн Администрацизылэн кивалтӥсез Сергей Смирнов.
Акция улсын та дыре 40 пала мылкыд карисьёс Ижкарысь эмъяськонниосын тыршо ини. Соос эмъюртъёсы лыктӥсьёслэсь температуразэс эскеро, регистратураосын юрттӥсько, колл-центръёсын тыршо. Ог 10 водительёс эмчиосты секытэн нылкышноос, пиналъёс, сӧсыръёс доры нулло. Ужзы бырем бере, эмчиосты доразы вутто.
Кун Кенешлэн базаысьтыз 8 машинаосты поликлиникаос уже кутыны быгатозы ни вордӥськонысен.
Вераны кулэ, Кун Кенеш азьвылгес но 3 автомобильёссэ Ижысь эмъяськонниослы шуыса висъялляз ни.
«Единая Россия» партилэн улосвыл ёзэз вань мылкыд карисьёсты «МедподдЕРжка» акцие пыриськыны ӧте.