Кун Кенешлэн кызь тямысэтӥ сессияз кутэм куд-ог катъёс но пуктэтъёс сярысь
28.10.2020
27 коньывуонэ 2020 арын Кун Кенешлэн куатетӥ ӧтчамезлэн кызь тямысэтӥ сессиез ортчиз. Солэн ужанрадаз 22 ужпум пыртэмын вал, 13-ез со – элькун катъёслэн ӵектосъёссы. Сессиын вить инъет луись кат кутэмын, вить ужась катъёсы воштонъёс пыртэмын. Куинез катӵектосъёс нырысетӥ лыдӟемен юнматэмын.
Кун Кенешлэн куатетӥ ӧтчамысьтыз депутатлэн Зоя Ивановна Степновалэн улонысь кошкеменыз валче, сессиын солэсь ужоскетъёссэ дугдытон сярысь пуктэт юнматэмын.
Быдэсак кутэмын быръёнъёсты но референдумъёсты ортчытонэ воштонъёс пыртон сярысь закон. Соосъя куара сётонэз куинь нуналозь кыскыны луэ. Сыӵе луонлык сёто федерал катрадлыке пыртэм воштонъёс.
Депутатъёс ТОСЭР-ёсты азинтонъя куд-ог йылпумъянъёсын тодматскизы. Таӵе инлыксы туннэ вань Глазов но Сарапул каръёслэн. Сессиын соослэн ужамзы сярысь пуктэт юнматэмын. Та интывылъёсы уногес инвестициосты кыскыны юрттон понна, экономика политикая, промышленностья но инвестициосъя ялан ужась комиссилы федерал но элькун катрадлыке воштонъёс дасяны ӵектэмын.
Быдэсак кутэмын Удмуртиын улӥсь куд-ог пойшур-тылобурдоосты пӧйшураны лэзем узырлык пӧлы пыртон сярысь кат. Соя шаерамы пурысь куакаос но бакланъёс вылэ пӧйшуран усьтӥськоз. Инкуазез утёнъя министерствоысь ӧнерчиослэн верамзыя, та бурдоос изъян ваё, дуно тылобурдоослэсь каръёссэс таркало, пузъёссэс но пиоссэс сиё. Кат кужымаз пыроз печатлам бӧрсьы 10 нунал ортчыса.
Кутэмын Кун Кенешлэн вуоно аръёслы бюджетлэн ӵектосэзъя кылзонъёсты ортчытон сярысь пуктэтэз. Выль коронавирус инфекцилэсь вӧлмонзэ алон понна, кылзонъёс нимысьтыз куронъёсты чакласа радъяськозы.
Очной амалэн кылзонъёсы пыриськыны быгатозы Элькунлэн Тӧроез, солэн оскем муртэз (муртъёсыз), Кун Кенешысь депутатъёс, Элькун Кивалтэтлэн ёзчиосыз, Эскеронъя Кун комитетын ужасьёс, Кун Кенешлэн Аппаратысьтыз ӧнерчиос. Кылзонъёслэн трансляцизы мыноз Кун Кенешлэн нимлыко сайтаз (www.udmgossovet.ru). Вуэм ӵектонъёс 3 календарь нунал ӵоже бюджетъя, вытъёсъя но коньдон ужпумъёсъя комиссиен эскеремын но Элькун Кивалтэтэ келямын луыны кулэ.
Нырысетӥ лыдӟемен кутэмын Элькунлэн праздник но буре ваён нуналъёсыз сярысь катӵектос. Соин Удмуртилэн дырпусаз 13 выль праздник но 14 буре ваён нунал юнматэмын. Праздник нуналъёс сӥземын политика, культура но мерлык улонысь тужгес пусйымон ужрадъёслы, сям-йылолъёслы. Буре ваён дырпусъёс герӟаськемын историысь тужгес пусйымон учыръёсын, озьы ик шаерамы ужам адямиосын. Соос пӧлын кунлыкез кылдытӥсьёслэн - Трокай Борисовлэн, Кузебай Гердлэн, озьы ик Григорий Верещагинлэн, Пётр Чайковскийлэн, Михаил Калашниковлэн но мукет дано улосчиосмылэн вордӥськем нуналъёссы. Пусйыны чакламын Ижкар – Балезино чугун сюрес лэсьтонэз йылпумъян нуналэз но. Праздникъёс пӧлын - Удмуртилэн кунлык басьтон нуналэз, Удмуртилэн Конституциезлэн нуналыз, Гербер ортчытон нунал, мушкасьлэн но песянайлэн нуналъёссы.
Кун Кенешлэн куатетӥ ӧтчамысьтыз депутатлэн Зоя Ивановна Степновалэн улонысь кошкеменыз валче, сессиын солэсь ужоскетъёссэ дугдытон сярысь пуктэт юнматэмын.
Быдэсак кутэмын быръёнъёсты но референдумъёсты ортчытонэ воштонъёс пыртон сярысь закон. Соосъя куара сётонэз куинь нуналозь кыскыны луэ. Сыӵе луонлык сёто федерал катрадлыке пыртэм воштонъёс.
Депутатъёс ТОСЭР-ёсты азинтонъя куд-ог йылпумъянъёсын тодматскизы. Таӵе инлыксы туннэ вань Глазов но Сарапул каръёслэн. Сессиын соослэн ужамзы сярысь пуктэт юнматэмын. Та интывылъёсы уногес инвестициосты кыскыны юрттон понна, экономика политикая, промышленностья но инвестициосъя ялан ужась комиссилы федерал но элькун катрадлыке воштонъёс дасяны ӵектэмын.
Быдэсак кутэмын Удмуртиын улӥсь куд-ог пойшур-тылобурдоосты пӧйшураны лэзем узырлык пӧлы пыртон сярысь кат. Соя шаерамы пурысь куакаос но бакланъёс вылэ пӧйшуран усьтӥськоз. Инкуазез утёнъя министерствоысь ӧнерчиослэн верамзыя, та бурдоос изъян ваё, дуно тылобурдоослэсь каръёссэс таркало, пузъёссэс но пиоссэс сиё. Кат кужымаз пыроз печатлам бӧрсьы 10 нунал ортчыса.
Кутэмын Кун Кенешлэн вуоно аръёслы бюджетлэн ӵектосэзъя кылзонъёсты ортчытон сярысь пуктэтэз. Выль коронавирус инфекцилэсь вӧлмонзэ алон понна, кылзонъёс нимысьтыз куронъёсты чакласа радъяськозы.
Очной амалэн кылзонъёсы пыриськыны быгатозы Элькунлэн Тӧроез, солэн оскем муртэз (муртъёсыз), Кун Кенешысь депутатъёс, Элькун Кивалтэтлэн ёзчиосыз, Эскеронъя Кун комитетын ужасьёс, Кун Кенешлэн Аппаратысьтыз ӧнерчиос. Кылзонъёслэн трансляцизы мыноз Кун Кенешлэн нимлыко сайтаз (www.udmgossovet.ru). Вуэм ӵектонъёс 3 календарь нунал ӵоже бюджетъя, вытъёсъя но коньдон ужпумъёсъя комиссиен эскеремын но Элькун Кивалтэтэ келямын луыны кулэ.
Нырысетӥ лыдӟемен кутэмын Элькунлэн праздник но буре ваён нуналъёсыз сярысь катӵектос. Соин Удмуртилэн дырпусаз 13 выль праздник но 14 буре ваён нунал юнматэмын. Праздник нуналъёс сӥземын политика, культура но мерлык улонысь тужгес пусйымон ужрадъёслы, сям-йылолъёслы. Буре ваён дырпусъёс герӟаськемын историысь тужгес пусйымон учыръёсын, озьы ик шаерамы ужам адямиосын. Соос пӧлын кунлыкез кылдытӥсьёслэн - Трокай Борисовлэн, Кузебай Гердлэн, озьы ик Григорий Верещагинлэн, Пётр Чайковскийлэн, Михаил Калашниковлэн но мукет дано улосчиосмылэн вордӥськем нуналъёссы. Пусйыны чакламын Ижкар – Балезино чугун сюрес лэсьтонэз йылпумъян нуналэз но. Праздникъёс пӧлын - Удмуртилэн кунлык басьтон нуналэз, Удмуртилэн Конституциезлэн нуналыз, Гербер ортчытон нунал, мушкасьлэн но песянайлэн нуналъёссы.