Ижкарын «Слава ВДВ» монумент усьтӥзы
19.09.2020
Туннэ нылпи творчествоя Дворецлэн сквераз «Слава ВДВ» монументэз усьтон сӥё-дано ужрад ортчиз. Синпелет Россилэн Омыр десант войскоосызлы 90 ар тырмонлы сӥземын.
Ужрадэ пыриськизы Кун Кенешлэн Тӧроез Владимир Невоструев, Элькун Кивалтэтлэн Тӧроез Ярослав Семёнов, Россилэн Героез, авиациысь подполковник Валерий Чухванцев, Ижкарлэн Тӧроез Олег Бекмеметьев, Росси Кун Думалэн депутатъёсыз, Кун Кенешысь депутатъёс, Кивалтэтлэн ёзчиосыз, министерствоослэн но ведомствоослэн кивалтӥсьёссы, мерлыко огазеяськонъёслэн ёзчиоссы, Удмуртиысь десантникъёслэн огазеяськонзылэн ёзчиосыз, «пӧсь интыосын» ожмаськонъёсы пыриськемъёс.
Монументэз Быдӟым Атыкай ожын но интыосын ортчем вачевуонъёсын бырем Удмуртиысь десантникъёслэн ымныр тусъёссы чеберто.
Кун Кенешлэн Тӧроез Владимир Невоструев умоен пусйиз, синпелетэз усьтон пыӵал-тӥрлык лэсьтӥсьёслэн нуналазы ортче шуыса. Ижкарын улӥсьёслэн, ветеранъёслэн, ожгар огазеяськонъёслэн ёзчиоссылэн огъя тыршеменызы Ижкарын аспӧртэмлыко мемориал но, трос калык люкаськылоно эшшо одӥг чебер инты но кылдӥз. Кун Кенешлэн Тӧроез ветеранъёслы но ожгарчи десантникъёслы тау кариз егитъёс но нылпиос пӧлын Атыкай музъемез гажан мылкыд пыӵатонъя бадӟым уж нуэмзы понна.
Монументэз усьтон ужрад улсын дырез утись капсула понӥзы. Отчы ожгарчи десантникъёслэн гожтэтъёссы тыремын. Капсулаез 10 ар ортчыса, 2030 арын 2 гудырикошконэ, усьтыны чакламын. Соку Россиысь Омыр десант войскоослы 100 ар тырмоз.
Ужрадэ пыриськизы Кун Кенешлэн Тӧроез Владимир Невоструев, Элькун Кивалтэтлэн Тӧроез Ярослав Семёнов, Россилэн Героез, авиациысь подполковник Валерий Чухванцев, Ижкарлэн Тӧроез Олег Бекмеметьев, Росси Кун Думалэн депутатъёсыз, Кун Кенешысь депутатъёс, Кивалтэтлэн ёзчиосыз, министерствоослэн но ведомствоослэн кивалтӥсьёссы, мерлыко огазеяськонъёслэн ёзчиоссы, Удмуртиысь десантникъёслэн огазеяськонзылэн ёзчиосыз, «пӧсь интыосын» ожмаськонъёсы пыриськемъёс.
Монументэз Быдӟым Атыкай ожын но интыосын ортчем вачевуонъёсын бырем Удмуртиысь десантникъёслэн ымныр тусъёссы чеберто.
Кун Кенешлэн Тӧроез Владимир Невоструев умоен пусйиз, синпелетэз усьтон пыӵал-тӥрлык лэсьтӥсьёслэн нуналазы ортче шуыса. Ижкарын улӥсьёслэн, ветеранъёслэн, ожгар огазеяськонъёслэн ёзчиоссылэн огъя тыршеменызы Ижкарын аспӧртэмлыко мемориал но, трос калык люкаськылоно эшшо одӥг чебер инты но кылдӥз. Кун Кенешлэн Тӧроез ветеранъёслы но ожгарчи десантникъёслы тау кариз егитъёс но нылпиос пӧлын Атыкай музъемез гажан мылкыд пыӵатонъя бадӟым уж нуэмзы понна.
Монументэз усьтон ужрад улсын дырез утись капсула понӥзы. Отчы ожгарчи десантникъёслэн гожтэтъёссы тыремын. Капсулаез 10 ар ортчыса, 2030 арын 2 гудырикошконэ, усьтыны чакламын. Соку Россиысь Омыр десант войскоослы 100 ар тырмоз.