Версия для слабовидящих
Владимир Невоструев: Росси Конституцие воштонъёс понна куара сётонэ котькуд адями пыриськыны кулэ

Владимир Невоструев: Росси Конституцие воштонъёс понна куара сётонэ котькуд адями пыриськыны кулэ

25.06.2020
Владимир Невоструев: Росси Конституцие воштонъёс понна куара сётонэ котькуд адями пыриськыны кулэ
Туннэ, 25 инвожое, Удмуртиын, вань мукет улосъёсын сямен ик, Росси Федерацилэн Конституцияз воштонъёс понна куара сётон участокъёс усьтӥськизы. Нырысьёсыз пӧлын куара сётонэ пыриськиз Кун Кенешлэн Тӧроез Владимир Невоструев.
Конституцие воштонъёс пыртон – историе кылись ужрад, соин ик Россилэн котькуд кунмуртэз соосъя куара сётонэ пыриськыны кулэ, пусйиз элькун парламентлэн спикерез.
«Малпасько, тросэз улосчиосмы туннэ Россилэн азинскон сюресэз понна дурбасьто. Куронъёс, кудъёсыз пыртӥсько али Конституцие, асьмелы туж кулэ. Уноез соос нимаз катъёсын кутэмын ини. Нош Конституциен юнматыса, асьмеос кунрадлыкмес нокин сӧрыны луонтэм зол кариськом. Малпасько нокинлэн но уг поты выльысь адӟемез 90-тӥ аръёсы ортчем тӥяськонэз», - шуиз Владимир Невоструев.
Тодады вайытом, Росси Конституцие воштонъёсъя куара сётон Удмуртиын кыстӥськоз 1 пӧсьтолэзёзь. Быръён участокъёс усьтэмын 8.00-сен 20.00 часозь.


Возврат к списку