Удмуртилэн Тӧроез элькунысь экономикалэн 2020 арлэн нырысетӥ ӝыныяз ужамез сярысь вераз
23.06.2020
Туннэ Кун Кенешлэн кызь куатетӥ сессиезлэн кенешоназ депутатъёс азьын ивортон лэсьтӥз Элькунлэн Тӧроез Александр Бречалов. Со экономикалэн нырысетӥ паларе ужамезлы йылпумъянъёсты шараяз.
Туэ нырысетӥ кварталэ Удмуртиысь экономикае 16,35 млрд. манет инвестициос кыскемын. Азьвыл арлэн та вакытэныз ӵошатыса, со 7,4 процентлы ятыргес. Промышленность удысын 197,3 миллиард манет тыр ваньбур поттэмын. Азьвыл арлэн та вакытэзлы со 98,7 процент. Гурт удысысь продукцилэн огъя дуныз - 20 миллиард манет. 2019 арлэн та вакытаз сярысь со 3,1 процентлы тросгес.
Лэсьтӥськон удысын ужъёслэн быдӟалазы 34,7 процентлы йылӥз. 5 толэзь ӵоже 261,1 сюрс квадрат метр выль улон интыос вуттэмын. Со 23 процентлы ӧжытгес азьвыл арлэн та вакытызлэсь. Но оскон вань - ар пумозь вань чаклам ужъёс быдэстэмын луозы.
Пандемия вакытэ тужгес кулэез – ужан интыосты но уждунэз утён, пусйиз Тӧро. 4 толэзь ӵоже шоро-куспо уждунлэн быдӟалаез 34 482 манет луиз. 2019 арын сярысь со 6,8 процентлы ятыргес.
1 инвожолы ужтэк кылемен 20,4 сюрс адями пусъемын вал. Ужаны быгатӥсь калыклэн со 2,68 процентэз. Вераны кулэ, ужтэк кылемъёслы пособиез будэтэм бере, уж утчанъя службаосы лыктыны кутскизы азьвыл но ужтэк пукем но пусйиськылымтэ муртъёс.
Экономика тупатӥське, пусйиз Александр Бречалов. Али шаерамы кӧня ке бадӟым инвестици проектъёсты дасяло. Промышленность удысын, кылсярысь, 34 ӵектос быдэстэмын луыны быгатоз. Соослэн огъя дунзы - 10 млрд 100 млн манет. Ӵектосъёс улсын 2 600 выль ужан инты кылдытэмын луоз. Агропром огъетын 35 проект дасяське. Соос 2 млрд 256 млн манет инвестициос кыскыны, 200 выль ужан инты кылдытыны быгатозы. Со сяна, вуоно арын Грахын быдэстыны чаклам 2,5 млрд манет тыр инвестпроект 140 выль ужан инты сётоз.
Элькунлэн Тӧроез бюджетэ вуись табышъёс сярысь но вераз. 1 инвожолы отчы 19 млрд 300 млн манет тыронъёс вуизы. Чакламлэсь со 7 млрд 800 млн манетлы ӧжытгес. Но инвожое югдур тупатскыны ӧдъяз ини. Нимаз адямиослэн табышсылы вытъёс чотын коньдэтэ 1 млрд 200 млн манет возьмало.
«Югдур нуналлы быдэ вошъяське, но 6 толэзь ӵоже лэсьтэм уж – син азьын, - шуиз Александр Бречалов. – Тау карисько тыршемды понна, малы ке шуоно, огъя лыдпусъёс шаерамы аламаесь ӧвӧл».
Кун Кенешлэн Тӧроез Владимир Невоструев пусйиз, депутат корпуслэн валтӥсь ужпумез со – калыклэсь улонзэ умоятон но экономикалы азинскыны луонлыкъёс кылдытон. Коронавируслэн пандемиез элькунмылэн бюджетэз вылын но шӧдӥськиз. Кыӵе ужрадъёс кутоно экономикалэсь пӧртэм удысъёссэ азинтон понна – та ласянь уж мыноз али элькун парламентысь вань комиссиосын, вераз спикер.
Туэ нырысетӥ кварталэ Удмуртиысь экономикае 16,35 млрд. манет инвестициос кыскемын. Азьвыл арлэн та вакытэныз ӵошатыса, со 7,4 процентлы ятыргес. Промышленность удысын 197,3 миллиард манет тыр ваньбур поттэмын. Азьвыл арлэн та вакытэзлы со 98,7 процент. Гурт удысысь продукцилэн огъя дуныз - 20 миллиард манет. 2019 арлэн та вакытаз сярысь со 3,1 процентлы тросгес.
Лэсьтӥськон удысын ужъёслэн быдӟалазы 34,7 процентлы йылӥз. 5 толэзь ӵоже 261,1 сюрс квадрат метр выль улон интыос вуттэмын. Со 23 процентлы ӧжытгес азьвыл арлэн та вакытызлэсь. Но оскон вань - ар пумозь вань чаклам ужъёс быдэстэмын луозы.
Пандемия вакытэ тужгес кулэез – ужан интыосты но уждунэз утён, пусйиз Тӧро. 4 толэзь ӵоже шоро-куспо уждунлэн быдӟалаез 34 482 манет луиз. 2019 арын сярысь со 6,8 процентлы ятыргес.
1 инвожолы ужтэк кылемен 20,4 сюрс адями пусъемын вал. Ужаны быгатӥсь калыклэн со 2,68 процентэз. Вераны кулэ, ужтэк кылемъёслы пособиез будэтэм бере, уж утчанъя службаосы лыктыны кутскизы азьвыл но ужтэк пукем но пусйиськылымтэ муртъёс.
Экономика тупатӥське, пусйиз Александр Бречалов. Али шаерамы кӧня ке бадӟым инвестици проектъёсты дасяло. Промышленность удысын, кылсярысь, 34 ӵектос быдэстэмын луыны быгатоз. Соослэн огъя дунзы - 10 млрд 100 млн манет. Ӵектосъёс улсын 2 600 выль ужан инты кылдытэмын луоз. Агропром огъетын 35 проект дасяське. Соос 2 млрд 256 млн манет инвестициос кыскыны, 200 выль ужан инты кылдытыны быгатозы. Со сяна, вуоно арын Грахын быдэстыны чаклам 2,5 млрд манет тыр инвестпроект 140 выль ужан инты сётоз.
Элькунлэн Тӧроез бюджетэ вуись табышъёс сярысь но вераз. 1 инвожолы отчы 19 млрд 300 млн манет тыронъёс вуизы. Чакламлэсь со 7 млрд 800 млн манетлы ӧжытгес. Но инвожое югдур тупатскыны ӧдъяз ини. Нимаз адямиослэн табышсылы вытъёс чотын коньдэтэ 1 млрд 200 млн манет возьмало.
«Югдур нуналлы быдэ вошъяське, но 6 толэзь ӵоже лэсьтэм уж – син азьын, - шуиз Александр Бречалов. – Тау карисько тыршемды понна, малы ке шуоно, огъя лыдпусъёс шаерамы аламаесь ӧвӧл».
Кун Кенешлэн Тӧроез Владимир Невоструев пусйиз, депутат корпуслэн валтӥсь ужпумез со – калыклэсь улонзэ умоятон но экономикалы азинскыны луонлыкъёс кылдытон. Коронавируслэн пандемиез элькунмылэн бюджетэз вылын но шӧдӥськиз. Кыӵе ужрадъёс кутоно экономикалэсь пӧртэм удысъёссэ азинтон понна – та ласянь уж мыноз али элькун парламентысь вань комиссиосын, вераз спикер.