Усьтӥськиз Кун Кенешлэн кызь куатетӥ сессиез
23.06.2020
Туннэ Ижкарын ужаны кутскиз Кун Кенешлэн куатетӥ ӧтчамезлэн кызь куатетӥ сессиез. Со кышкыттэмлыкъя куронъёсты чакласа ортче. Сессилэн ужаз пырисько Удмурт Элькунлэн Тӧроез Александр Бречалов, Федераци Кенешлэн тӧроезлэн нырысетӥ воштӥсез Юрий Фёдоров.
Кенешонлэн трансляциез мынэ Кун Кенешлэн сайтаз. Ужанрадлыке 30-лэсь ятыр ужпум пыртэмын, 18-эз со – элькун катъёслэн ӵектосъёссы. Депутатъёс эскерозы тамак луисьтэм никотино суретъёсты Удмуртиын вузанъя чурытатонъёс пуктӥсь, кудӟытӥсь юонъёсты улон коркаосын вузанъя куронъёсты юнматӥсь катӵектосъёсты.
Со сяна, ужанрадлыке пыртэмын «Туризмез азинтонъя куд-ог ужпумъёс сярысь» катлэн ӵектосэз. Со та удыслы катрадлыкен инъет кылдытэ.
Депутатъёс озьы ик эскерозы элькун бюджетлэн но эмстрахованияя улосвыл фондлэн коньдэтэзлэн 2019 арлэн быдэстӥськемзы сярысь законъёсты.
Сессиын Кун Кенешлэн Тӧроез Владимир Невоструев элькун парламентлэн 2019 арын ужамез сярысь ивортон лэсьтоз.
Кенешонлэн трансляциез мынэ Кун Кенешлэн сайтаз. Ужанрадлыке 30-лэсь ятыр ужпум пыртэмын, 18-эз со – элькун катъёслэн ӵектосъёссы. Депутатъёс эскерозы тамак луисьтэм никотино суретъёсты Удмуртиын вузанъя чурытатонъёс пуктӥсь, кудӟытӥсь юонъёсты улон коркаосын вузанъя куронъёсты юнматӥсь катӵектосъёсты.
Со сяна, ужанрадлыке пыртэмын «Туризмез азинтонъя куд-ог ужпумъёс сярысь» катлэн ӵектосэз. Со та удыслы катрадлыкен инъет кылдытэ.
Депутатъёс озьы ик эскерозы элькун бюджетлэн но эмстрахованияя улосвыл фондлэн коньдэтэзлэн 2019 арлэн быдэстӥськемзы сярысь законъёсты.
Сессиын Кун Кенешлэн Тӧроез Владимир Невоструев элькун парламентлэн 2019 арын ужамез сярысь ивортон лэсьтоз.