Версия для слабовидящих
Кузётэм пудо-животэн ужанъя куронъёсты тӥям понна кылкутон тупатэмын луыны быгатоз

Кузётэм пудо-животэн ужанъя куронъёсты тӥям понна кылкутон тупатэмын луыны быгатоз

11.06.2020
Туннэ Кун Кенешлэн Тӧроезлэн воштӥсез Александр Прозоров кунэз лэсьтонъя, интыысь аскивалтонъя но кышкыттэмлыкъя ялан ужась ӧрилэсь кенешонзэ ортчытӥз. Депутатъёс куд-ог каттӥянъёс понна кылкутон сярысь катэ воштонъёсты эскеризы. Соос пудо-животэн ужанъя катрадлыкез тӥянэн герӟаськемын. Тодады вайытом, туэ тулыспал толэзе Кун Кенеш кузётэм пудо-животэз кутылэм но возем понна субвенциосты лыдъян выль радлыкез юнматӥз. Со сяна, Элькун Кивалтэт кузётэм пудо-животэн ужанъя пуктэт юнматӥз, катрадлыкез быдэсъянъя нимысьтыз «дорожной карта» дасяз. Выль кат кузётэм пудо-животэз кутылыку вӧсь карем, соосты приютъёсын возёнъя куронъёсты тӥям понна административной кылкутонэз чакла. Озьы ик кылкутон тупатыны ӵекто пудо-животэз чакламтэ интыосын – нылпи но спорт площадкаосын поръятэм, соослэсь бервылзэс утялтытэк кельтэм понна. Со сяна, элькун катэ выль ёзэт ватсаны ӵекто. Со Удмурт Элькунлэн Горд книгаяз пыртэм будосъёсты, пӧйшуръёсты, губиосты но ӝуйыосты изъянтэм понна кылкутон тупатоз. Та законэн ик благоустройствоя куронъёсты быдэсъямтэ понна кылкутон тупатыны чакламын. Кылсярысь, лэсьтӥськон интыосты котыртымтэ понна, муниципал асъетъёсысь музъемъёс вылэ ас мылкыд каремъя лэсьтӥськем но мукет куронъёсты тӥям понна штраф тырытыны быгатозы. Депутатъёс катӵектос понна дурбасьтӥзы но матысь сессиын сое кутыны дэмлазы.

Возврат к списку