Надежда Михайлова коронавирусэз шараян лабораторилэн уженыз тодматскиз
27.03.2020
Кун Кенешлэн Тӧроезлэн воштӥсез, тазалыкез утёнъя, демографи но семья политикая ялан ужась комиссилэн кивалтӥсез Надежда Михайлова СПИД-эз но паласькись висёнъёсты ялонъя но йӧнатонъя Удмурт элькун центре вуылӥз. Та центрын интыяськемын коронавирус через шараянъя Удмуртиысь одӥгез лаборатория.
Кызьы вераз ужъюртлэн кивалтӥсез Олег Горбунов, Удмуртиын, котькуд улосвылын сямен ик, адямиосты коронавируслы эскеронъя радлык юнматэмын. Нырысь ик эскерыны чакламын черлам адямиосын пумиськылэм но кунгож сьӧрысь бертэм муртъёсты. Бадӟым люкетэз эскеронъёс мыно Роспотребнадзорлэн лабораторияз. Озьы ик та ужез нуо СПИД центр но «Медлабэкспресс» компания. Вань анализъёсты басьто эмужъюртъёсын. Эскеронлэсь кулэлыксэ интыысь эмчиос чаклало. Адямилэн коронавируслы эскериськемез потэ ке, со улон интыезъя поликлиникае вазиськыны кулэ.
Надежда Михайлова пусйиз, элькунамы эскеронъёсты ортчытон умой радъямын шуыса. «Ньыль адямилы диагноз пуктэмын, 600-лэсь троссэ чакласа возё. Вирусэз шараяны кулэ луись ваньмыз тӥрлык вань».
Тазалыкез утёнъя, демографияя но семья политикая комиссилэн кивалтӥсез висёнлэсь вӧлмонзэ алон ужрадъёслы кулэ саклык висъяны куриз.
«Вазиськеме потэ шаерамы улисьёслы. Нырысетӥез ик – куалектыны кулэ ӧвӧл. Урод мылкыд мугорлэсь висёнъёслы пумитъяськон кужымзэ лябӟытэ. Чаклано чылкытлыкъя вань куронъёсты, ӧжытгес адямиосын пумиськылоно. Сӥзе та дырдэс семьядылы», - дэмлаз Надежда Михайлова.
Кызьы вераз ужъюртлэн кивалтӥсез Олег Горбунов, Удмуртиын, котькуд улосвылын сямен ик, адямиосты коронавируслы эскеронъя радлык юнматэмын. Нырысь ик эскерыны чакламын черлам адямиосын пумиськылэм но кунгож сьӧрысь бертэм муртъёсты. Бадӟым люкетэз эскеронъёс мыно Роспотребнадзорлэн лабораторияз. Озьы ик та ужез нуо СПИД центр но «Медлабэкспресс» компания. Вань анализъёсты басьто эмужъюртъёсын. Эскеронлэсь кулэлыксэ интыысь эмчиос чаклало. Адямилэн коронавируслы эскериськемез потэ ке, со улон интыезъя поликлиникае вазиськыны кулэ.
Надежда Михайлова пусйиз, элькунамы эскеронъёсты ортчытон умой радъямын шуыса. «Ньыль адямилы диагноз пуктэмын, 600-лэсь троссэ чакласа возё. Вирусэз шараяны кулэ луись ваньмыз тӥрлык вань».
Тазалыкез утёнъя, демографияя но семья политикая комиссилэн кивалтӥсез висёнлэсь вӧлмонзэ алон ужрадъёслы кулэ саклык висъяны куриз.
«Вазиськеме потэ шаерамы улисьёслы. Нырысетӥез ик – куалектыны кулэ ӧвӧл. Урод мылкыд мугорлэсь висёнъёслы пумитъяськон кужымзэ лябӟытэ. Чаклано чылкытлыкъя вань куронъёсты, ӧжытгес адямиосын пумиськылоно. Сӥзе та дырдэс семьядылы», - дэмлаз Надежда Михайлова.