Удмуртиысь волонтёръёс адямиослы юрттэт сётон амалъёсты эскеризы
27.03.2020
Туннэ, 27 южтолэзе, «Единая Россия» партилэн улосысь мерлыко приёмнояз коронавирусэн нюръяськонъя волонтёр штаблэн люкаськонэз ортчиз.
«Вакытлэн косэмезъя но улосвыл штаблэн куремезъя, ми волонтёр корпус кылдытӥм. Со арлыдо муртъёслы но шуг югдуре сюрем улосчиосмылы юрттоз. Огазеяськизы «Единая Россия», огъя калык фронт, «Молодая гвардия», Вормонлэн волонтёръёсыз, волонтёр эмчиос, - вераз Кун Кенешлэн Тӧроезлэсь ужзэ быдэсъясь Владимир Невоструев. – Асьмеос ӵош ужаськом коронавирусэз вормон бордын».
Удмурт Элькунын коронавирусэн нюръяськонъя югдур сярысь ивортӥз Кун Кенешлэн Тӧроезлэн воштӥсез, тазалыкез утёнъя, демографияя но семья политикая комиссилэн кивалтӥсез Надежда Михайлова. Солэн верамезъя, 27 южтолэзьлы нимысьтыз чакласа возьыны 68 адями басьтэмын.
Спортъя но егитъёсын ужан политикая министрлэн воштӥсез Дмитрий Плешаков верамъя, Добровольцы России dobro.ru сайтын волонтёръёсты нимлыко пусъён кутскемын.
«Туннэ нуналлы отын шаерысьтымы 146 адями пусйиськемын. 8-800-200-34-11 федерал пӧсь герӟетэ 22 вазиськон вуиз. 10-эзъя соку ик юрттэт сётэмын. Волонтёръёс утиськон арбериосты басьтӥзы. Та дырлы валтӥсез ужпум – адямиослы пӧсь герӟетъя вазиськыны луонлык сярысь ивортон», - вераз Дмитрий Плешаков.
Егитъёс озьы ик адямиослы доразы дырзэс пайдаё ортчытонъя дэмланъёсын, утиськон арбериосты лэсьтонъя дышетонъёсын видеороликъёс дасяло.
Со сяна, дасямын «Добрососедство» ӵектос. Отчы пыриськыны мылкыд карисьёс огназы улӥсь бускельёссы интые вузкаронние яке аптекае ветлыны, жуг-жаг поттыны, пудо-животсэс кыре поттаны юрттыны быгато. Таӵе уж мыноз каръёсын но, ёросъёсын но. Радъясьёслэн малпамзыя, тодмо муртъёссылы адямиос ӟечгес оско, соослы дӥсьтысагес вазисько.
«Адямиослы иворъёсты ӝоггес вуттоно, - шуиз Владимир Невоструев. – Котькуд подъездын юрттэт басьтыны луонлыкъёс сярысь ялонъёс луыны кулэ. Со понна плакатъёс но листовкаос дасяно. Та ласянь управляющей компаниосын кенешоно».
Кулэлык кылдэмъя, волонтёръёсты бичан азьланьтэмын луоз. Туннэ ини та уже пыриськыны дась вылӥ дышетсконниосысь егитъёс.
«Вакытлэн косэмезъя но улосвыл штаблэн куремезъя, ми волонтёр корпус кылдытӥм. Со арлыдо муртъёслы но шуг югдуре сюрем улосчиосмылы юрттоз. Огазеяськизы «Единая Россия», огъя калык фронт, «Молодая гвардия», Вормонлэн волонтёръёсыз, волонтёр эмчиос, - вераз Кун Кенешлэн Тӧроезлэсь ужзэ быдэсъясь Владимир Невоструев. – Асьмеос ӵош ужаськом коронавирусэз вормон бордын».
Удмурт Элькунын коронавирусэн нюръяськонъя югдур сярысь ивортӥз Кун Кенешлэн Тӧроезлэн воштӥсез, тазалыкез утёнъя, демографияя но семья политикая комиссилэн кивалтӥсез Надежда Михайлова. Солэн верамезъя, 27 южтолэзьлы нимысьтыз чакласа возьыны 68 адями басьтэмын.
Спортъя но егитъёсын ужан политикая министрлэн воштӥсез Дмитрий Плешаков верамъя, Добровольцы России dobro.ru сайтын волонтёръёсты нимлыко пусъён кутскемын.
«Туннэ нуналлы отын шаерысьтымы 146 адями пусйиськемын. 8-800-200-34-11 федерал пӧсь герӟетэ 22 вазиськон вуиз. 10-эзъя соку ик юрттэт сётэмын. Волонтёръёс утиськон арбериосты басьтӥзы. Та дырлы валтӥсез ужпум – адямиослы пӧсь герӟетъя вазиськыны луонлык сярысь ивортон», - вераз Дмитрий Плешаков.
Егитъёс озьы ик адямиослы доразы дырзэс пайдаё ортчытонъя дэмланъёсын, утиськон арбериосты лэсьтонъя дышетонъёсын видеороликъёс дасяло.
Со сяна, дасямын «Добрососедство» ӵектос. Отчы пыриськыны мылкыд карисьёс огназы улӥсь бускельёссы интые вузкаронние яке аптекае ветлыны, жуг-жаг поттыны, пудо-животсэс кыре поттаны юрттыны быгато. Таӵе уж мыноз каръёсын но, ёросъёсын но. Радъясьёслэн малпамзыя, тодмо муртъёссылы адямиос ӟечгес оско, соослы дӥсьтысагес вазисько.
«Адямиослы иворъёсты ӝоггес вуттоно, - шуиз Владимир Невоструев. – Котькуд подъездын юрттэт басьтыны луонлыкъёс сярысь ялонъёс луыны кулэ. Со понна плакатъёс но листовкаос дасяно. Та ласянь управляющей компаниосын кенешоно».
Кулэлык кылдэмъя, волонтёръёсты бичан азьланьтэмын луоз. Туннэ ини та уже пыриськыны дась вылӥ дышетсконниосысь егитъёс.