Алексей Прасолов Кун Кенешлэн Тӧроезлэн ужоскетъёсызлэсь куштӥськиз

Туннэ Кун Кенешлэн азьвыл чакламтэ 23 сессияз депутатъёс «Кун Кенешлэн куатетӥ ӧтчамезлэн Тӧроезлэсь ужоскетъёссэ дырызлэсь вазь дугдытон сярысь» пуктэт юнматӥзы. Та сярысь куриськонэн Алексей Прасолов ачиз вазиськиз. Сессие люкаськемъёслы со кема аръёс ӵоже ӵош ужамзы понна тау каремзэ вераз, депутатъёсты но куноосты Кун Кенешлэн 25 ар тымронэныз ӟечкылаз.
Удмуртилэн Тӧроез Александр Бречалов Алексей Прасоловлы Тау карон гожтэт сётӥз. «Удмуртия понна Тӥ – историе пырем адями. Капчигес вераны со объектъёсты, кудъёссэ лэсьтонэ Тӥ ӧд пыриське. Оскисько, валче ужмес азьланьтом шуыса. Тӥ умой тодӥськоды, кыӵе ужпумъёс сыло та дыре
Элькунмы, кунмы, «Единая Россия» партия азьын. Соин ик азьланяз но ӵош ужалом»,- пусйиз Тӧро.
Спикерлэн ужезлэсь куштӥськыса, Алексей Прасолов элькун парламентын депутат луыса кылёз.