Кузётэм пудо-животэн ужанъя катэ воштонъёс пыртэмын
28.02.2020
Кун Кенешлэн кызь одӥгетӥ сессияз кузётэм пудо-животэн ужанъя катэ воштонъёс юнматэмын. Соосты кулэ кариз пудо-животэз но пӧйшуръёсты вӧсь каремлэсь утён сярысь федерал кат. Со кутэмын вал 2018-тӥ арлэн пумаз, но куд-ог ёзэтъёсыз ужаны кутскизы та арысен. Соосъя кышкыт выжыысь пуныосты намордниктэк поттаны, йӧтылыны луоно зоопаркъёсты возьыны, озьы ик кыр пӧйшуръёсты дорын возьыны уг яра ини. Ужаны кутскиз приютъёслэсь ужзэс радъясь ёзэт. Соя приютъёслэн кузёоссы азе пудо-животъёслэн кузёоссылы кадь ик куронъёс пуктӥсько.
Со сяна, 1-тӥ толшорысен кужымаз пыре программа, кудӥзъя калгись пудоез виылыны уг яра, сое луэ кутыны, сузяны, вакцинировать карыны но азьвыл интыяз ик берыктыны гинэ.
Катын та ужлы субвенциосты лыдъян выль методика сётӥське. Шорлыдын вераса, одӥг пудо-животэз кутон, сое приютэ нуон, вакцинация ортчытон, сузян, маркировка пуктон но выльысь ас интыяз нуыса лэзён понна 4 но ӝыны сюрс манет кулэ.
Кызьы вераз ветеринарияя Валтӥсь управленилэн кивалтӥсезлэн воштӥсез Ирина Крылова, шаерамы катэз быдэсъянъя дорожной карта дасямын. Со 2020-тӥ-2023-тӥ аръёслы чакламын. Валтӥсь ужрадъёс пӧлын – уже кутӥськисьтэм юртъёсты пусъён, азьланяз соосты приютъёслы шуыса тупатъян, озьы ик приютъёс лэсьтон понна музъем висъян.
Со сяна, 1-тӥ толшорысен кужымаз пыре программа, кудӥзъя калгись пудоез виылыны уг яра, сое луэ кутыны, сузяны, вакцинировать карыны но азьвыл интыяз ик берыктыны гинэ.
Катын та ужлы субвенциосты лыдъян выль методика сётӥське. Шорлыдын вераса, одӥг пудо-животэз кутон, сое приютэ нуон, вакцинация ортчытон, сузян, маркировка пуктон но выльысь ас интыяз нуыса лэзён понна 4 но ӝыны сюрс манет кулэ.
Кызьы вераз ветеринарияя Валтӥсь управленилэн кивалтӥсезлэн воштӥсез Ирина Крылова, шаерамы катэз быдэсъянъя дорожной карта дасямын. Со 2020-тӥ-2023-тӥ аръёслы чакламын. Валтӥсь ужрадъёс пӧлын – уже кутӥськисьтэм юртъёсты пусъён, азьланяз соосты приютъёслы шуыса тупатъян, озьы ик приютъёс лэсьтон понна музъем висъян.