Ужзэ мытӥз Кун Кенешлэн кызь одӥгетӥ сессиез
27.02.2020
Туннэ ужзэ мытӥз Кун Кенешлэн 21-тӥ сессиез. Депутатъёс 16 юанъёсты сэрттӥзы-пертчизы. Соос пӧлын – 9 элькун катӵектосъёс.
Юнматэмын трос нылпиё семьяослы юрттэт сётонэз паськытатон ужрадъёс. Озьы трос нылпи будэтӥсь ваньмыз семьяос табере транспортлы вытъя капчиятонъёс басьтозы. Со сяна, 1-тӥ южтолэзьысен ини таӵе семьяосысь пиналъёс школаын дунтэк сиськыны быгатозы. Тодады вайытом, кылем арлэн пумаз таӵе ӵектонзэ шараяз вал Удмуртилэн Тӧроез Александр Бречалов.
Сессиын кунпуш ужпумъёсъя министерстволэн но Удмуртиысь адямилэн эрикрадъёсызъя Уполномоченнойлэн 2019-тӥ арын ужамзы сярысь ивортонъёс кылзэмын. Трос юанъёс ӝутӥськизы Эскерись кун комитетлэн отчётэз бӧрсьы. Отын верамын вал, кылем ар ӵоже шаерамы 2 но 3 дасмос миллиард манет бюджет коньдон пайдатэк кутэмын шуыса. Кызьы валэктӥз Кун Кенешлэн Тӧроезлэн Нырысетӥ воштӥсез, кышкыттэмлыкъя, Регламентъя но Кун Кенешлэсь ужзэ радъянъя ялан ужась комиссилэн кивалтӥсез Владимир Невоструев, коньдонэз лушкан сярысь татын вераськон уг мыны.
Депутатъёс Элькунлэн 2020-тӥ арлы бюджетэз сярысь катэ воштонъёсты юнматӥзы. Коньдэтлэн табышъёсыз 5 млрд 534 млн манетлы йылэтэмын, уже кутон люкетэз - 5 млрд 117 млн манетлы. Ватсаса вуэм уксё кун программаосты но йӧскалык ӵектосъёсты быдэсъяны мыноз. 417 млн манетлы бадӟымгес луиз профицит.
Табышъёс ватсаськизы вытъёс чотын. Огазеяськонъёслэн прибыльзылы но нимаз адямиослэн доходъёссылы вытъёс чотын бюджетэ 4,6 млрд манет вуиз. Акциос но мукет тыронъёс эшшо 900 млн манет ваизы на. Озьы элькунлэн 2020 арлы коньдэтэзлэн табыш люкетэз 83 млрд 612 млн манетозь вутз. Уже кутон люкетлэн быдӟалаез 82 млрд 749 млн манетозь йылӥз. Профицит - 863 млн манет.
Юнматэмын трос нылпиё семьяослы юрттэт сётонэз паськытатон ужрадъёс. Озьы трос нылпи будэтӥсь ваньмыз семьяос табере транспортлы вытъя капчиятонъёс басьтозы. Со сяна, 1-тӥ южтолэзьысен ини таӵе семьяосысь пиналъёс школаын дунтэк сиськыны быгатозы. Тодады вайытом, кылем арлэн пумаз таӵе ӵектонзэ шараяз вал Удмуртилэн Тӧроез Александр Бречалов.
Сессиын кунпуш ужпумъёсъя министерстволэн но Удмуртиысь адямилэн эрикрадъёсызъя Уполномоченнойлэн 2019-тӥ арын ужамзы сярысь ивортонъёс кылзэмын. Трос юанъёс ӝутӥськизы Эскерись кун комитетлэн отчётэз бӧрсьы. Отын верамын вал, кылем ар ӵоже шаерамы 2 но 3 дасмос миллиард манет бюджет коньдон пайдатэк кутэмын шуыса. Кызьы валэктӥз Кун Кенешлэн Тӧроезлэн Нырысетӥ воштӥсез, кышкыттэмлыкъя, Регламентъя но Кун Кенешлэсь ужзэ радъянъя ялан ужась комиссилэн кивалтӥсез Владимир Невоструев, коньдонэз лушкан сярысь татын вераськон уг мыны.
Депутатъёс Элькунлэн 2020-тӥ арлы бюджетэз сярысь катэ воштонъёсты юнматӥзы. Коньдэтлэн табышъёсыз 5 млрд 534 млн манетлы йылэтэмын, уже кутон люкетэз - 5 млрд 117 млн манетлы. Ватсаса вуэм уксё кун программаосты но йӧскалык ӵектосъёсты быдэсъяны мыноз. 417 млн манетлы бадӟымгес луиз профицит.
Табышъёс ватсаськизы вытъёс чотын. Огазеяськонъёслэн прибыльзылы но нимаз адямиослэн доходъёссылы вытъёс чотын бюджетэ 4,6 млрд манет вуиз. Акциос но мукет тыронъёс эшшо 900 млн манет ваизы на. Озьы элькунлэн 2020 арлы коньдэтэзлэн табыш люкетэз 83 млрд 612 млн манетозь вутз. Уже кутон люкетлэн быдӟалаез 82 млрд 749 млн манетозь йылӥз. Профицит - 863 млн манет.