Версия для слабовидящих
«Кышкыттэмлыко нылпи сад» ӵектослэсь быдэсъяськемзэ Элькун Тӧро дорын ортчем кенешонын эскеризы

«Кышкыттэмлыко нылпи сад» ӵектослэсь быдэсъяськемзэ Элькун Тӧро дорын ортчем кенешонын эскеризы

17.02.2020
«Кышкыттэмлыко нылпи сад» ӵектослэсь быдэсъяськемзэ Элькун Тӧро дорын ортчем кенешонын эскеризы
Туннэ Элькун Тӧро дорын ортчем кенешонын Кун Кенешлэн Тӧроезлэн Нырысетӥ воштӥсез, кышкыттэмлыкъя, Регламентъя но Кун Кенешлэсь ужзэ радъянъя комиссилэн кивалтӥсез Владимир Невоструев «Кышкыттэмлыко нылпи сад» ӵектослэн быдэсъяськемез сярысь ивортон лэсьтӥз. Проект кылдытэмын Элькун Тӧролэн Александр Бречаловлэн но «Единая Россия» партилэн улосвыл ёзэзэзлэн кичӧлтэмзыя.
Ӵектос быдэсъяське ар кутсконысен. Владимир Невоструевлэн верамезъя, сое кылдытыны муг луизы анай-атайёслэн уно вазиськонъёссы. Соосъя депутатъёс пӧртэм нылпи садъёсы потало, отын ужасьёсын но анай-атайёсын пумиськонъёс ортчытъяло, соосын нылпиосты кышкытлыкъёслэсь утён сярысь верасько.
«Кылем ар ӵоже шаерамы 27 выль нылпи сад но ясли ӝутэмын. Пиналъёслэн туала куронъёсъя лэсьтэм юртъёсын улыны но дышетскыны луонлыкъёссы будо. Но туннэ тросэз нылпи садъёс 1980-тӥ - 90-ти аръёсы пуктэм юртъёсы интыяськемын на. Соос вужмо, кышкыттэмлыкъя куронъёслы тупамысь дугдо», - валэктӥз Нырысетӥ вице-спикер.
Пумиськонъёсын чузъяськем куронъёс пӧлысь тужгес ӵем чузъяськисьёсыз - нылпи ужъюртъёслэсь азбаръёссэс котыртон но югдытон, пыдын ветлон сюресъёсты, пыран-потанъёсты тупатъян, пересьмем писпуосты утялтон. Та дырлы 21 нылпи садъёсы 20-лэсь ятыр югдытӥсь тӥрлык пуктэмын, 16 писпуос утялтэмын. Матысь дыре эшшо ог 30 лампаос юнматыны но 40-лэсь трос писпуосты погыртыны чакламын на.
Унозэ ужпумъёсты депутатъёс асьсэ кужымен быдэстыны тыршо, но вань сыӵеосыз, кудъёсызлы уно коньдон кулэ. Соосты Ижкарлэн вуоно арлы бюджетаз пыртыны ӵектозы. Быдэстэм ужъёс сярысь ивортонъёсты но коньдэтэ дэмланъёсты Элькун Тӧроезлы оштолэзьлэн кутсконаз возьматозы.
«Кышкыттэмлыко нылпи сад» проект валаны юрттэ, адямиосын ваче син пумиськылонъёс туж кулэ шуыса, - вераз Владимир Невоструев. – Кылдылӥсь ужпумъёсты сэрттэм-пертчем сяна, соос валэктон уж нуыны, шаерамы югдур сярысь ивортонъёсты меӵак адямиос доры вуттыны луонлык сёто». Таӵе уже со вань депутатъёсты пыриськыны, «Кышкыттэмлыко нылпи сад» ӵектосэз асьсэлэн округъёсазы азинтыны ӧтиз.
Александр Бречалов ужлэсь кулэлыксэ пусйиз. Адямиосын кусып возён – депутатъёслэн валтӥсь ужзы, шуиз Тӧро. Нош калыклэсь куронъёссэ быдэсъян понна, со уже предприятиосты но организациосты, бизнесэз кыскыны ӵектӥз.


Возврат к списку