Атыкай музъемез утисьлэн нуналаз Ижкарысь ожъя но ужъя данлыклэн Монументэз доры сяськаос понӥзы

Туннэ, 23 тулыспалэ, Кун Кенешлэн Тӧроез Алексей Прасолов элькун парламентысь депутатъёсын ӵош ожъя но ужъя данлыклэн Монументэз доры сяськаос понӥз. Сӥё-дано ужрадэ озьы ик пыриськизы Кун Кенешлэн Аппаратаз ужасьёс, Элькун Кивалтэтлэн ёзчиосыз но солэн Тӧроез Ярослав Семёнов, ожысь ветеранъёс, фронт мышкын ужамъёс, мерлыко огазеяськонъёслэн ёзчиоссы, «Юнармия» огъя росси движенилэн ёзчиосыз, бырем ожгарчиослэн семьяоссы, карын улӥсьёс. Люкаськемъёс Атыкай музъеммы понна улонзэс сётэм ожгарчиосты чус улон минутэн буре ваизы. Элькун парламентысь депутатъёс но Кун Кенешлэн Аппаратаз ужасьёс озьы ик сяськаос понӥзы Быдӟым Атыкай оже пыриськем Удмурт АССР-лэн Вылӥ Кенешысьтыз депутатъёслы сӥзем синпелет азе.