Кун Кенешын чеберлыко киужъёсты азинтон ужпумъёсты эскеризы
08.02.2020
Туннэ наукая, дышетонъя, культурая, йӧскалык но егитъёсын ужан политикая но спортъя ялан ужась комиссилэн кивалтӥсез Татьяна Ишматова чебер киужъёсъя удысэз азинтон ужпумъёслы сӥзем кенешон ортчытӥз. Вераськонэ пыриськизы Элькунысь культурая министр Владимир Соловьёв, йӧскалык политикая министр Лариса Буранова, Удмуртиысь Мерлыко палаталэн Тӧроез Рашид Хуснутдинов, экономикая Министерствоысь туризмез азинтонъя управленилэн кивалтӥсез Юлия Железняк, туризмъя но киужъёсъя Йӧскалык центрлэн кивалтӥсез Татьяна Коротаева, калык творчествоя Элькун юртысь чебер киужъёсъя ёзлэн кивалтӥсез Ольга Пислегова.
Тодады вайытом, 2019 арын 4 тулыспалэ Удмуртиысь чебер киужъёсъя Элькун центр экономикая Министерстволэн бурд улаз выжтэмын, нимыз Туризмъя но киужъёсъя Йӧскалык центрлы воштэмын вал. Центр азе пуктэм валтӥсь ужпумъёс – синпель киужъёсты кылдытон но соосты паськыт вузпӧре поттон, элькунлэсь туризмъя данзэ юнматон но вӧлмытон. Культурая дунлыкъёсты утчан но эскерон уж быдэсак кельтэмын вал чебер киужъёсъя ёз вылэ. Сое калык творчествоя Элькун юртэ выжтӥзы. Ёросъёсысь кибашлыослэн юртъёссы культурая Министерстволэн бурд улаз ик кылизы.
Татьяна Ишматова пусйиз, чебер киужъёсъя удыслэн кулэлыкез туж бадӟым шуыса. Удмуртилэсь лулчеберетъя данзэ вӧлмытэм сяна, со удмурт калыклэсь вашкала сям-йылолъёссэ утьыны юрттэ. Соин ик удыслы котьку кун ласянь юрттэт висъяськыны, сое азинтон понна интыосысь аскивалтон но кун тӧрлык ёзъёс куспын валчеужан умой радъямын кулэ, лыдъя депутат.
Удмуртиысь культурая министрлэн Владимир Соловьёвлэн верамезъя, берло ар ӵоже ёросъёсысь кибашлыослэн юртъёссы азинлыко ужазы, ужасьёслэн лыдзы ӧз кулэсмы. Ужъюртъёслэн ваньбур поттонзы 49 процентлы йылӥз. Тодады вайытом, Элькунлэн Тӧроез соос азе ваньбур поттонэз 30 процентлы будэтыны ужпум пуктӥз вал.
«Кибашлыос ужбергатон шоры учконзэс воштӥзы, - пусйиз министр. – Соос бюджетысь юрттэт возьмаса уг пуко ини. Мыло-кыдо потало пӧртэм адӟытонъёсы, пырисько конкурсъёсы но семинаръёсы, дышетско тодон-валанъёсты будэтонъя центрын».
Калык творчествоя Элькун юртысь чебер киужъёсъя ёзлэн ужамез сярысь вераз солэн кивалтӥсез Ольга Пислегова. «Удмурт кун университетысь кылъя но литературая Институтэн ӵош али Удмуртиысь чебер киужъёсъя энциклопедия дасяськом, - ивортӥз со. – Азьланьтӥсько эскеронъёс, ужзэ нуэ эскерисьёслэн но дунъясьёслэн кенешсы. Азьвыл сямен ик отчы тодосчиос но суредасьёс пыро».
«Туризмъя но чеберлыко киужъёсъя Йӧскалык центр ортчем ар ӵоже пайдалыко ужаз, - пусйиз солэн кивалтӥсез Татьяна Коротаева. - Чебер киужъёсты лэсьтэм но вузам сяна, со пӧртэм пумиськонъёсты, экскурсиосты, мастер-классъёсты, дышетонъёсты радъян бордын тыршиз». Кивалтӥсьлэн верамезъя, бадӟым уж лэсьтӥське интернет вотэсын, южтолэзе отын вузкаронни усьтӥськыны кулэ. Соку котькуд мылкыд карись пӧртэм ёросъёсысь но каръёсысь кибашлыослэсь ужъёссэс онлайн-амалэн басьтыны быгатоз.
Кенешонэ пыриськисьёс лэсьтэм ужлы умой дунъет сётӥзы но пусйизы, удысысь воштӥськонъёслэсь кулэлыксэс калык тодыны но валаны кулэ. Со понна туризмъя но чебер киужъёсъя удыслэн концепциезлы но сӧзнэтэзлы презентация ортчытыны ӵектэмын.
Тодады вайытом, 2019 арын 4 тулыспалэ Удмуртиысь чебер киужъёсъя Элькун центр экономикая Министерстволэн бурд улаз выжтэмын, нимыз Туризмъя но киужъёсъя Йӧскалык центрлы воштэмын вал. Центр азе пуктэм валтӥсь ужпумъёс – синпель киужъёсты кылдытон но соосты паськыт вузпӧре поттон, элькунлэсь туризмъя данзэ юнматон но вӧлмытон. Культурая дунлыкъёсты утчан но эскерон уж быдэсак кельтэмын вал чебер киужъёсъя ёз вылэ. Сое калык творчествоя Элькун юртэ выжтӥзы. Ёросъёсысь кибашлыослэн юртъёссы культурая Министерстволэн бурд улаз ик кылизы.
Татьяна Ишматова пусйиз, чебер киужъёсъя удыслэн кулэлыкез туж бадӟым шуыса. Удмуртилэсь лулчеберетъя данзэ вӧлмытэм сяна, со удмурт калыклэсь вашкала сям-йылолъёссэ утьыны юрттэ. Соин ик удыслы котьку кун ласянь юрттэт висъяськыны, сое азинтон понна интыосысь аскивалтон но кун тӧрлык ёзъёс куспын валчеужан умой радъямын кулэ, лыдъя депутат.
Удмуртиысь культурая министрлэн Владимир Соловьёвлэн верамезъя, берло ар ӵоже ёросъёсысь кибашлыослэн юртъёссы азинлыко ужазы, ужасьёслэн лыдзы ӧз кулэсмы. Ужъюртъёслэн ваньбур поттонзы 49 процентлы йылӥз. Тодады вайытом, Элькунлэн Тӧроез соос азе ваньбур поттонэз 30 процентлы будэтыны ужпум пуктӥз вал.
«Кибашлыос ужбергатон шоры учконзэс воштӥзы, - пусйиз министр. – Соос бюджетысь юрттэт возьмаса уг пуко ини. Мыло-кыдо потало пӧртэм адӟытонъёсы, пырисько конкурсъёсы но семинаръёсы, дышетско тодон-валанъёсты будэтонъя центрын».
Калык творчествоя Элькун юртысь чебер киужъёсъя ёзлэн ужамез сярысь вераз солэн кивалтӥсез Ольга Пислегова. «Удмурт кун университетысь кылъя но литературая Институтэн ӵош али Удмуртиысь чебер киужъёсъя энциклопедия дасяськом, - ивортӥз со. – Азьланьтӥсько эскеронъёс, ужзэ нуэ эскерисьёслэн но дунъясьёслэн кенешсы. Азьвыл сямен ик отчы тодосчиос но суредасьёс пыро».
«Туризмъя но чеберлыко киужъёсъя Йӧскалык центр ортчем ар ӵоже пайдалыко ужаз, - пусйиз солэн кивалтӥсез Татьяна Коротаева. - Чебер киужъёсты лэсьтэм но вузам сяна, со пӧртэм пумиськонъёсты, экскурсиосты, мастер-классъёсты, дышетонъёсты радъян бордын тыршиз». Кивалтӥсьлэн верамезъя, бадӟым уж лэсьтӥське интернет вотэсын, южтолэзе отын вузкаронни усьтӥськыны кулэ. Соку котькуд мылкыд карись пӧртэм ёросъёсысь но каръёсысь кибашлыослэсь ужъёссэс онлайн-амалэн басьтыны быгатоз.
Кенешонэ пыриськисьёс лэсьтэм ужлы умой дунъет сётӥзы но пусйизы, удысысь воштӥськонъёслэсь кулэлыксэс калык тодыны но валаны кулэ. Со понна туризмъя но чебер киужъёсъя удыслэн концепциезлы но сӧзнэтэзлы презентация ортчытыны ӵектэмын.