Владимир Невоструев Ижкарысь гурт возёсъя кун академиын дышетскисьёсын пумиськылӥз
04.02.2020
Туннэ Кун Кенешлэн Тӧроезлэн Нырысетӥ воштӥсез, кышкыттэмлыкъя, Регламентъя но Кун Кенешлэсь ужзэ радъянъя комиссилэн кивалтӥсез Владимир Невоструев Ижкарысь гурт возёсъя кун академиысь зооинженерия факультетын дышетскисьёсын пумиськылӥз. Пумиськонэ пыриськиз Кун Кенешысь депутат, гурт возёсъя кун академилэн ректорез Александр Любимов.
Вераськонлэн валтӥсь ужпумез – Росси Азьмуртлэн 2020 арын 15 толшоре чузъяськем Посланиез. Та ужакагаз кунмылэн улоназ ортчытоно быдӟымесь воштӥськонъёслы инъет сётэ, пусйиз Владимир Невоструев.
Нырысетӥ вице-спикер вакчияк вераз Азьмуртлэн егитъёсын герӟаськем валтӥсь ӵектонъёсыз сярысь. Кылсярысь, анай капитал сярысь программалэсь ужан дырзэ 2026 арозь йылэтон но коньдонэз нырысетӥ пинал вордӥськем бере тырон.
«Со туж умой юрттэт, - шуиз Владимир Невоструев. – Егит семья улон инты басьтоно кариськиз ке, 6 процентъем ипотека кредитъя программае пырыны быгатоз. Нощ пинал вордӥз ке, кредитэзлэсь оглюкетсэ анай капиталэныз ворсамез луоз. Со сяна, пинал вордӥсь студент семьяослы 100 сюрс манет висъя на Элькунмы. Кылем ар ӵоже 103 студент семья сыӵе юрттэтэз басьтӥз ини. Йылэтэмын нылпиослы пособиос тырон дыр. Азьвыл со нылпилы 1,5 арес тырмытозь чакламын ке вал, табере 3 аресозь тыриськоз».
Элькун парламентлэн Тӧроезлэн Нырысетӥ воштӥсез вераз вылӥ тодон-валан сётон удысъя ӵектонъёс сярысь но. Со умой дунъет сётӥз ӧнерчиосты целевой амалэн дасянэз азинтонлы. Лэчытлыксэ уг ышты егитъёсты гуртъёсы ужаны кельтон ужпум. 2019 арын юнматэмын вал гурт интывылъёсты азинтонъя федерал программа. Со 2020-2025 аръёслы чакламын. Программа гуртысь улонлэсь ӟечлыксэ каръёслы матэ карон понна малпамын. Со понна гуртын эмъюрттэт сётон но дышетон сӧзнэтэз азинтыны, выль уж интыос кылдытыны кулэ. Программая гуртоослы капчиятэм ипотека кредитование, сюрес лэсьтон, газ кыскон, шутэтскон но спортэн вырон объектъёсты лэсьтон, котыр интывылъёсты тупатъян ӵектэмын.
Агропром огъет азьын бадӟымесь ужпумъёс сыло, пусйиз Владимир Невоструев. Соин ик Элькунмылы котькулэсь но зол кулэ быгатӥсь, визьмо но азьлане учкыны тыршись ӧнерчиос. Соос гуртын ваньбур поттон удысэз ӝутыны, импортэз йылэтыны луонлыкъёс кылдытыны юрттозы. «Оскем потэ, дышетскондэс йылпумъяса, тодон-валанъёстэс гуртын, музъем вылын кутоды шуыса»,- мылкыдзэ шараяз депутат.
Студентъёслэн верамзыя, гуртын ужаны мылкыдзы соослэн вань. Но вань ужпумъёс, кудъёссэ матысь дыре сэрттыны-пертчыны кулэ. Кылсярысь, егит ӧнерчиослы коньдон юрттэт сётон амалъёсты паськытатоно. Со сяна, уж сётӥсьёс ӵемысь ужам опытэз кулэ каро, нош толло студентлэн со луыны уг быгаты на.
Владимир Невоструев академиын вакансиосъя ярмарка ортчыны ӵектӥз. Со улсын вуоно ӧнерчиос уж ӵектӥсьёсын тодматскыны но целевой контрактъёс гожтыны быгатозы. Озьы ик егитъёслы рос-прос валэктоно, кун ласянь кыӵе юрттэт сётон амалъёс вань туннэ гуртэ лыктэм ужасьёслы. Со сярысь ивортонэз дышетсконнилэн сайтаз но интыяны умой луысал.
«Туннэ гуртын ужаны туж тунсыко, шуиз Нырысетӥ вице-спикер. – Ӝутӥсько выль фермаос, пыӵатӥсько выль технологиос. Гуртын уж трос. Соин ик али отчы берытскыны мылкыд карисьёс пумен тросгес луо».
Вераськонлэн валтӥсь ужпумез – Росси Азьмуртлэн 2020 арын 15 толшоре чузъяськем Посланиез. Та ужакагаз кунмылэн улоназ ортчытоно быдӟымесь воштӥськонъёслы инъет сётэ, пусйиз Владимир Невоструев.
Нырысетӥ вице-спикер вакчияк вераз Азьмуртлэн егитъёсын герӟаськем валтӥсь ӵектонъёсыз сярысь. Кылсярысь, анай капитал сярысь программалэсь ужан дырзэ 2026 арозь йылэтон но коньдонэз нырысетӥ пинал вордӥськем бере тырон.
«Со туж умой юрттэт, - шуиз Владимир Невоструев. – Егит семья улон инты басьтоно кариськиз ке, 6 процентъем ипотека кредитъя программае пырыны быгатоз. Нощ пинал вордӥз ке, кредитэзлэсь оглюкетсэ анай капиталэныз ворсамез луоз. Со сяна, пинал вордӥсь студент семьяослы 100 сюрс манет висъя на Элькунмы. Кылем ар ӵоже 103 студент семья сыӵе юрттэтэз басьтӥз ини. Йылэтэмын нылпиослы пособиос тырон дыр. Азьвыл со нылпилы 1,5 арес тырмытозь чакламын ке вал, табере 3 аресозь тыриськоз».
Элькун парламентлэн Тӧроезлэн Нырысетӥ воштӥсез вераз вылӥ тодон-валан сётон удысъя ӵектонъёс сярысь но. Со умой дунъет сётӥз ӧнерчиосты целевой амалэн дасянэз азинтонлы. Лэчытлыксэ уг ышты егитъёсты гуртъёсы ужаны кельтон ужпум. 2019 арын юнматэмын вал гурт интывылъёсты азинтонъя федерал программа. Со 2020-2025 аръёслы чакламын. Программа гуртысь улонлэсь ӟечлыксэ каръёслы матэ карон понна малпамын. Со понна гуртын эмъюрттэт сётон но дышетон сӧзнэтэз азинтыны, выль уж интыос кылдытыны кулэ. Программая гуртоослы капчиятэм ипотека кредитование, сюрес лэсьтон, газ кыскон, шутэтскон но спортэн вырон объектъёсты лэсьтон, котыр интывылъёсты тупатъян ӵектэмын.
Агропром огъет азьын бадӟымесь ужпумъёс сыло, пусйиз Владимир Невоструев. Соин ик Элькунмылы котькулэсь но зол кулэ быгатӥсь, визьмо но азьлане учкыны тыршись ӧнерчиос. Соос гуртын ваньбур поттон удысэз ӝутыны, импортэз йылэтыны луонлыкъёс кылдытыны юрттозы. «Оскем потэ, дышетскондэс йылпумъяса, тодон-валанъёстэс гуртын, музъем вылын кутоды шуыса»,- мылкыдзэ шараяз депутат.
Студентъёслэн верамзыя, гуртын ужаны мылкыдзы соослэн вань. Но вань ужпумъёс, кудъёссэ матысь дыре сэрттыны-пертчыны кулэ. Кылсярысь, егит ӧнерчиослы коньдон юрттэт сётон амалъёсты паськытатоно. Со сяна, уж сётӥсьёс ӵемысь ужам опытэз кулэ каро, нош толло студентлэн со луыны уг быгаты на.
Владимир Невоструев академиын вакансиосъя ярмарка ортчыны ӵектӥз. Со улсын вуоно ӧнерчиос уж ӵектӥсьёсын тодматскыны но целевой контрактъёс гожтыны быгатозы. Озьы ик егитъёслы рос-прос валэктоно, кун ласянь кыӵе юрттэт сётон амалъёс вань туннэ гуртэ лыктэм ужасьёслы. Со сярысь ивортонэз дышетсконнилэн сайтаз но интыяны умой луысал.
«Туннэ гуртын ужаны туж тунсыко, шуиз Нырысетӥ вице-спикер. – Ӝутӥсько выль фермаос, пыӵатӥсько выль технологиос. Гуртын уж трос. Соин ик али отчы берытскыны мылкыд карисьёс пумен тросгес луо».