Ӧнерчиосты целевой амалэн дасян ужпумъёсты эскеризы котрес ӝӧк сьӧрын кенешонын
31.01.2020
Удмуртиын ӧнерчиосты целевой амалэн дасян ужпумъёсты эскеризы Кун Кенешын ортчем котрес ӝӧк сьӧрын пумиськонын. Кенешонэз нуиз наукая, дышетонъя, культурая, йӧскалык но егитъёсын ужан политикая но спортъя комиссилэн кивалтӥсез Татьяна Ишматова. Вераськонэ пыриськизы Кун Думаысь депутат Алексей Загребин, элькун парламентысь депутатъёс, министерствоосысь, вылӥ дышетсконниосысь, предприятиосысь но огазеяськонъёсысь ыстэм муртъёс.
2019 арын 1 толшоре ужаны кутскизы дышетонъя федерал катэ пыртэм воштонъёс, кудъёсызъя целевой амалэн дышетон сярысь огкылъёс юнматыны луэ вылӥ но, ӧнер сётӥсь но дышетсконниосын. Со сяна, таӵе огкылъёс лэсьтыны луэ дышетскыны кутскем ини муртъёсын но. Азьвыл сыӵе луонлык сётӥське вал абитуриентъёс ласянь гинэ. Паськытатэмын огкыл гожтыны быгатӥсь уж сётӥсьёс. Табере предприятиос но организациос сяна, асьсэлы ужасьёсты дасяны быгато кун но муниципал тӧрлык ёзъёс, нимаз ужбергатӥсьёс. Соос дышетскись муртэн огкыл меӵак, дышетсконниез куспазы пыртытэк, гожтыны быгато.
Но уж сётӥсь (заказчик) егит муртэ дышетонъя кылкутон вылаз басьтэ – солы коньдонэн юрттэт тыре, дышетскон вакытэзлы улон инты сётэ, диплом басьтэм бераз – ужаны басьтэ. Студент азе пуктӥськись куронъёс пӧлын – умой дышетскон но, диплом басьтэмез бере, предприятиын одно ик 3 ар ӵоже ужан.
Удмуртиын федерал законэз быдэсъянъя нимысьтыз катӵектос дасямын. Со Элькун Кивалтэтлы целевой дышетонъя квотаос юнматыны луонлык сётэ, огкыллэсь куронъёссэ быдэсъясьтэм муртъёс понна кылкутон юнматэ. Кивалтэт озьы ик целевой амалъя дышетскем муртъёсты уже интыянъя югдурез чакласа возёнэз вылаз басьтэ.
Вераськонэ пыриськисьёс пусйизы, целевой приёмез нуыку, дышетсконниос, предприятиос но министерствоос валче ужаны кулэ шуыса. Саклык висъяно егитъёслэн гуртъёсысь кошкыны тыршемзылы. Дышетсконзэс йылпумъяса, уноез соос муниципал огазеяськонъёсы берытскыны мылкыд уг каро ини. Чузъяськем ӵектонъёс пӧлын озьы ик – пӧртэм удысъёсын ужасьёслы кулэяськонъя улосвыл программа кылдытон.
2019 арын 1 толшоре ужаны кутскизы дышетонъя федерал катэ пыртэм воштонъёс, кудъёсызъя целевой амалэн дышетон сярысь огкылъёс юнматыны луэ вылӥ но, ӧнер сётӥсь но дышетсконниосын. Со сяна, таӵе огкылъёс лэсьтыны луэ дышетскыны кутскем ини муртъёсын но. Азьвыл сыӵе луонлык сётӥське вал абитуриентъёс ласянь гинэ. Паськытатэмын огкыл гожтыны быгатӥсь уж сётӥсьёс. Табере предприятиос но организациос сяна, асьсэлы ужасьёсты дасяны быгато кун но муниципал тӧрлык ёзъёс, нимаз ужбергатӥсьёс. Соос дышетскись муртэн огкыл меӵак, дышетсконниез куспазы пыртытэк, гожтыны быгато.
Но уж сётӥсь (заказчик) егит муртэ дышетонъя кылкутон вылаз басьтэ – солы коньдонэн юрттэт тыре, дышетскон вакытэзлы улон инты сётэ, диплом басьтэм бераз – ужаны басьтэ. Студент азе пуктӥськись куронъёс пӧлын – умой дышетскон но, диплом басьтэмез бере, предприятиын одно ик 3 ар ӵоже ужан.
Удмуртиын федерал законэз быдэсъянъя нимысьтыз катӵектос дасямын. Со Элькун Кивалтэтлы целевой дышетонъя квотаос юнматыны луонлык сётэ, огкыллэсь куронъёссэ быдэсъясьтэм муртъёс понна кылкутон юнматэ. Кивалтэт озьы ик целевой амалъя дышетскем муртъёсты уже интыянъя югдурез чакласа возёнэз вылаз басьтэ.
Вераськонэ пыриськисьёс пусйизы, целевой приёмез нуыку, дышетсконниос, предприятиос но министерствоос валче ужаны кулэ шуыса. Саклык висъяно егитъёслэн гуртъёсысь кошкыны тыршемзылы. Дышетсконзэс йылпумъяса, уноез соос муниципал огазеяськонъёсы берытскыны мылкыд уг каро ини. Чузъяськем ӵектонъёс пӧлын озьы ик – пӧртэм удысъёсын ужасьёслы кулэяськонъя улосвыл программа кылдытон.