Кун Кенешлэн Президиумезлэн ёзчиосыз Удмуртилэн Кун Думаысь депутатъёсыныз пумиськылӥзы
29.01.2020
Туннэ Кун Кенешлэн Президиумезлэн ёзчиосыз Кун Думае Удмуртилэсь быръем депутатъёсын пумиськылӥзы. Кун Думаысь «Единая Россия» фракцилэн кивалтӥсезлэн воштӥсез Андрей Исаев, коньдэтъя но вытъёсъя Комитетлэн ёзчиез Валерий Бузилов, дышетонъя но наукая Комитетлэн ёзчиез Алексей Загребин федерал катрадлыке пыртыны дасяськись воштонъёс сярысь веразы, Росси Азьмуртлэсь Посланизэ быдэсъянъя ӵектонъёсын тодматскизы.
Нимысьтыз саклык висъязы Росси Конституцие пыртыны дасяськись воштонъёслы. Андрей Исаев пусйиз, кунлэсь валтӥсь катсэ выльдон сярысь вераськонъёс кемалась мыно вал ини шуыса. Депутат тужгес но кулэен лыдъя мерлыко пуштросэн воштонъёсты: тужгес пичи уждунэз прожиточной минимумен ӵошкатон, пенсиосты будэтъян, быръем тӧрлык ёзъёслэсь но Кун Кенешлэсь луонлыкъёссэс паськытатон.
Удмуртилэн парламентысь депутатъёс федерал катрадлыкез тупатъянъя асьсэлэсь ӵектонъёссэс шараязы.
Андрей Исаев умоен лыдъяз ужъя, мерлыко политикая но ветеранъёслэн ужъёссыя ялан ужась комиссилэн кивалтӥсезлэсь Алексей Черновлэсь ож вакытэ концлагерьёсын но мукет пытсам интыосын возем быдэ вуымтэ муртъёслы мынон-ветлонъя капчиятонъёс тупатыны ӵектонзэ. Али таӵе адямиос ожысь ветеранъёс радэ пыртэмын, озьы ке но, транспортэн ветлонъя капчиятонъёс соослы чакламын ӧвӧл.
«Единая Россия» фракцилэн кивалтӥсез Елена Дербилова «Земский доктор» но «Земский учитель» программаосы тупатонъёс пыртыны дэмлаз. Соос программая ужаны лыктэм ӧнерчиосты гуртэ кельтыны юрттозы.
Наукая, дышетонъя, культурая, йӧскалык но егитъёсын ужан политикая но спортъя ялан ужась ӧрилэн кивалтӥсез Татьяна Ишматова классэн кивалтӥсьёслы чаклам юрттэтэз ӧнер сётӥсь дышетсконниосысь группаослэн кураторъёссылы но чакланы ӵектӥз. Со сяна, та юрттэт выт тыронлэсь мозмытэмын мед луысал, мылкыдзэ шараяз депутат.
Вераськон озьы ик мынӥз ӧнерчиосты целевой амалэн дышетон, эмчиосты янгышъёссы понна кылкутытон, Быдӟым Вормонлэсь 75 ар тырмонзэ пусъён сярысь.
Андрей Исаев ивортӥз «Ужъя данлыко кар» ним сярысь катӵектосэз эскеронлэн мынэмез сярысь. Сое «Единая Россия» фракциын эскерыку, депутат та дано нимез Ижкарлы нырысетӥосыз пӧлын сётыны куриз. Кун Кенешлэн Тӧроезлэн Нырысетӥ воштӥсез Владимир Невоструев вераз, Удмуртиысь депутатъёс ваньзэ лэсьтозы, Удмуртилэн шоркарез Вормонлэсь юбилейзэ выль инлыкен пумитаны мед быгатоз шуыса.
Нимысьтыз саклык висъязы Росси Конституцие пыртыны дасяськись воштонъёслы. Андрей Исаев пусйиз, кунлэсь валтӥсь катсэ выльдон сярысь вераськонъёс кемалась мыно вал ини шуыса. Депутат тужгес но кулэен лыдъя мерлыко пуштросэн воштонъёсты: тужгес пичи уждунэз прожиточной минимумен ӵошкатон, пенсиосты будэтъян, быръем тӧрлык ёзъёслэсь но Кун Кенешлэсь луонлыкъёссэс паськытатон.
Удмуртилэн парламентысь депутатъёс федерал катрадлыкез тупатъянъя асьсэлэсь ӵектонъёссэс шараязы.
Андрей Исаев умоен лыдъяз ужъя, мерлыко политикая но ветеранъёслэн ужъёссыя ялан ужась комиссилэн кивалтӥсезлэсь Алексей Черновлэсь ож вакытэ концлагерьёсын но мукет пытсам интыосын возем быдэ вуымтэ муртъёслы мынон-ветлонъя капчиятонъёс тупатыны ӵектонзэ. Али таӵе адямиос ожысь ветеранъёс радэ пыртэмын, озьы ке но, транспортэн ветлонъя капчиятонъёс соослы чакламын ӧвӧл.
«Единая Россия» фракцилэн кивалтӥсез Елена Дербилова «Земский доктор» но «Земский учитель» программаосы тупатонъёс пыртыны дэмлаз. Соос программая ужаны лыктэм ӧнерчиосты гуртэ кельтыны юрттозы.
Наукая, дышетонъя, культурая, йӧскалык но егитъёсын ужан политикая но спортъя ялан ужась ӧрилэн кивалтӥсез Татьяна Ишматова классэн кивалтӥсьёслы чаклам юрттэтэз ӧнер сётӥсь дышетсконниосысь группаослэн кураторъёссылы но чакланы ӵектӥз. Со сяна, та юрттэт выт тыронлэсь мозмытэмын мед луысал, мылкыдзэ шараяз депутат.
Вераськон озьы ик мынӥз ӧнерчиосты целевой амалэн дышетон, эмчиосты янгышъёссы понна кылкутытон, Быдӟым Вормонлэсь 75 ар тырмонзэ пусъён сярысь.
Андрей Исаев ивортӥз «Ужъя данлыко кар» ним сярысь катӵектосэз эскеронлэн мынэмез сярысь. Сое «Единая Россия» фракциын эскерыку, депутат та дано нимез Ижкарлы нырысетӥосыз пӧлын сётыны куриз. Кун Кенешлэн Тӧроезлэн Нырысетӥ воштӥсез Владимир Невоструев вераз, Удмуртиысь депутатъёс ваньзэ лэсьтозы, Удмуртилэн шоркарез Вормонлэсь юбилейзэ выль инлыкен пумитаны мед быгатоз шуыса.