Росси Азьмуртлэсь Федерал Ӧтчамлы вазиськонзэ Удмуртиын быдэсъян сярысь вераськизы Кун Кенешын депутатлэн нуналэз улсын
28.01.2020
Туннэ Кун Кенешын депутатлэн нуналэз ортчиз. Сое Кун Кенешлэн Тӧроезлэн Нырысетӥ воштӥсез, кышкыттэмлыкъя, Регламентъя но Кун Кенешлэсь ужзэ радъянъя ялан ужась ӧрилэн кивалтӥсез Владимир Невоструев нуиз. Пумиськонын эскерем валтӥсь ужпум – Росси Азьмуртлэсь Федерал Ӧтчамлы вазиськонзэ Удмуртиын быдэсъян.
Кун Кенешын Послание тазьы нырысьсэ эскериськиз. Кун Кенешысь но муниципал огазеяськонъёсысь депутатъёс сяна, вераськонэ пыриськизы Кивалтэтысь но ӧнерчиос. «Азьмуртэн верам уноез ӵектонъёс 2020-тӥ арлэн кутсконысеныз ужаны кулэ ини. Соин ик шаерамы солы катрадлыкен инъет кылдытоно, - пусйиз Владимир Невоструев. – Та уже Кун Кенеш но, интыосысь депутат кенешъёс но ӝегатскытэк пыриськыны кулэ».
Нырысь-валысь быдэстоно ужпумъёс пӧлы вице-спикер пыртӥз демографи югдурез умоятонъя ужрадъёсты, яслиосын но нылпи садъёсын интыос кылдытонъя, пиналъёсты школаосын сюдонэз радъянъя ужъёсты. Владимир Невоструев озьы ик нимысьтыз саклык висъяны куриз Быдӟым Вормонлы 75 ар тырмонэз пусъён ужрадъёслы.
Люкаськемъёс азьын вераськиз Удмурт Элькунлэн Тӧроезлэн но Кивалтэтэзлэн Администрациенызы кивалтӥсь Сергей Смирнов. Со пусйиз, Посланиын пусъем уноезъя удысъёсъя шаермы туннэ азинлыко ужа ини шуыса. Озьы, 2019 арлэн йылпумъянъёсызъя Удмуртие 107,7 млрд. манет инвестициос кыскемын. Ужбергатонэз азинтыны луонлыкъёс кылдытонъя Удмуртия Россиысь устоосыз улосъёс пӧлы пыриз. Азинсконъёс вань мерлыко удысын но. Кылем ар ӵоже Элькунамы 27 ясли лэсьтэмын. Удмуртия пыриз 19 улосъёс пӧлы, кудъёсаз та ужъёс дыраз быдэстэмын. Туэ 247,9 млн. манет келямын луоз мерлыко контрактъёслы. Азьвыл арен ӵошатыса, со 39 поллы тросгес, пусйиз Сергей Смирнов. Со 1900 семьяослы мерлыко контрактъя уже пыриськыны луонлык сётоз. 1 млн. манетлы йылэтэмын луоз льготникъёслы эмъюмъёс басьтыны уксё. Но эмудыс азьын бадӟымесь ужпумъёс сыло на. Кызьы вераз Кун Кенешлэн Тӧроезлэн воштӥсез, тазалыкез утёнъя, семья но демографи политикая ялан ужась ӧрилэн кивалтӥсез Надежда Михайлова, туэ пӧсьтолэзьысен шаерамы нырысь-валысь эмъюрттэт сётон удысэз выльдонъя ужрадъёс кутскозы. Азьланьтӥськоз ФАП-ёсты лэсьтон. Та дырлы Удмуртилы 80-лэсь ятыр выль медпункт кулэ. Туэ 54-зэ ӝутыны чакламын.
Покчи классъёсын дышетскисьёсты дунтэк сюдон, вылӥ дышетсконниосын бюджет интыослэсь лыдзэс йылэтон, ӧнерчиосты целевой амалэн дасян но дышетон удысъя пусъем мукет ужрадъёс сярысь ивортон лэсьтӥз Элькунысь дышетонъя но наукая министр Светлана Болотникова. Наукая, дышетонъя, культурая, йӧскалык но егитъёсын ужан политикая но спортъя ялан ужась ӧрилэн кивалтӥсез Татьяна Ишматова вераз школаосы вылӥ ӝоглыко интернетэз вуттонлэн кулэлыкез сярысь. Со гурт но кар школаосын дышетскисьёс понна одӥг кадь луоныкъёс кылдытыны юрттоз. Огъя кенешон бере, ӝутэм ужпумъёсты сэрттон-пертчон азьланьтӥськиз комиссиослэн но депутат фракциослэн паськытатэм кенешонъёсазы.
Кун Кенешын Послание тазьы нырысьсэ эскериськиз. Кун Кенешысь но муниципал огазеяськонъёсысь депутатъёс сяна, вераськонэ пыриськизы Кивалтэтысь но ӧнерчиос. «Азьмуртэн верам уноез ӵектонъёс 2020-тӥ арлэн кутсконысеныз ужаны кулэ ини. Соин ик шаерамы солы катрадлыкен инъет кылдытоно, - пусйиз Владимир Невоструев. – Та уже Кун Кенеш но, интыосысь депутат кенешъёс но ӝегатскытэк пыриськыны кулэ».
Нырысь-валысь быдэстоно ужпумъёс пӧлы вице-спикер пыртӥз демографи югдурез умоятонъя ужрадъёсты, яслиосын но нылпи садъёсын интыос кылдытонъя, пиналъёсты школаосын сюдонэз радъянъя ужъёсты. Владимир Невоструев озьы ик нимысьтыз саклык висъяны куриз Быдӟым Вормонлы 75 ар тырмонэз пусъён ужрадъёслы.
Люкаськемъёс азьын вераськиз Удмурт Элькунлэн Тӧроезлэн но Кивалтэтэзлэн Администрациенызы кивалтӥсь Сергей Смирнов. Со пусйиз, Посланиын пусъем уноезъя удысъёсъя шаермы туннэ азинлыко ужа ини шуыса. Озьы, 2019 арлэн йылпумъянъёсызъя Удмуртие 107,7 млрд. манет инвестициос кыскемын. Ужбергатонэз азинтыны луонлыкъёс кылдытонъя Удмуртия Россиысь устоосыз улосъёс пӧлы пыриз. Азинсконъёс вань мерлыко удысын но. Кылем ар ӵоже Элькунамы 27 ясли лэсьтэмын. Удмуртия пыриз 19 улосъёс пӧлы, кудъёсаз та ужъёс дыраз быдэстэмын. Туэ 247,9 млн. манет келямын луоз мерлыко контрактъёслы. Азьвыл арен ӵошатыса, со 39 поллы тросгес, пусйиз Сергей Смирнов. Со 1900 семьяослы мерлыко контрактъя уже пыриськыны луонлык сётоз. 1 млн. манетлы йылэтэмын луоз льготникъёслы эмъюмъёс басьтыны уксё. Но эмудыс азьын бадӟымесь ужпумъёс сыло на. Кызьы вераз Кун Кенешлэн Тӧроезлэн воштӥсез, тазалыкез утёнъя, семья но демографи политикая ялан ужась ӧрилэн кивалтӥсез Надежда Михайлова, туэ пӧсьтолэзьысен шаерамы нырысь-валысь эмъюрттэт сётон удысэз выльдонъя ужрадъёс кутскозы. Азьланьтӥськоз ФАП-ёсты лэсьтон. Та дырлы Удмуртилы 80-лэсь ятыр выль медпункт кулэ. Туэ 54-зэ ӝутыны чакламын.
Покчи классъёсын дышетскисьёсты дунтэк сюдон, вылӥ дышетсконниосын бюджет интыослэсь лыдзэс йылэтон, ӧнерчиосты целевой амалэн дасян но дышетон удысъя пусъем мукет ужрадъёс сярысь ивортон лэсьтӥз Элькунысь дышетонъя но наукая министр Светлана Болотникова. Наукая, дышетонъя, культурая, йӧскалык но егитъёсын ужан политикая но спортъя ялан ужась ӧрилэн кивалтӥсез Татьяна Ишматова вераз школаосы вылӥ ӝоглыко интернетэз вуттонлэн кулэлыкез сярысь. Со гурт но кар школаосын дышетскисьёс понна одӥг кадь луоныкъёс кылдытыны юрттоз. Огъя кенешон бере, ӝутэм ужпумъёсты сэрттон-пертчон азьланьтӥськиз комиссиослэн но депутат фракциослэн паськытатэм кенешонъёсазы.