Владимир Невоструев Яр ёрослэн активеныз пумиськылӥз
25.01.2020
Туннэ Кун Кенеше Яр ёросын улӥсьёс вуылӥзы. Пумиськонэз радъяз Кун Кенешлэн Тӧроезлэн Нырысетӥ воштӥсез, кышкыттэмлыкъя, Регламентъя но Кун Кенешлэсь ужзэ радъянъя ялан ужась комиссилэн кивалтӥсез Владимир Невоструев. Со куноослы Удмуртиысь каткылдытъясь вылӥ ёзлэн ужамез сярысь вераз, юанъёслы валэктон сётӥз.
Нырысетӥ вице-спикер элькун парламентлэн Росси Азьмуртлэсь Федерал Собранилы Посланизэ быдэсъян бордын ужамез сярысь ивортӥз. Кун Кенешын та ласянь нимысьтыз план кылдытэмын луоз, отчы пыртыны аслэсьтыз ӵектонъёссэ дася котькуд комиссия но фракция.
Пумиськонын ӝутэм эшшо одӥгез ужпум – Быдӟым Атыкай ожын Вормонлэсь 75 ар тырмонзэ пусъён. Юбилей улсын шаерамы синпелетъёсты но мемориалъёсты тупатъяны-выльдыны чакламын. Та уже интыосын улӥсьёс асьсэос но мыло-кыдо пыриськыны кулэ, пусйиз Владимир Невоструев.
Вераськон озьы ик мынӥз Росси Конституцие пыртоно воштонъёс, федерал катрадлыкысь выльдӥськонъёс, мерлыко политика но уж удысын югдур сярысь.
Туннэ ик Яр ёросысь куноос понна элькун парламентлэн юртаз экскурсия радъямын вал. Озьы ик соосты зоопарке, адӟытонъёсъя «Галерея» центре, Михаило-Архангельсокй кафедральной соборе но драмая Ӟуч театре нуллӥзы.
Нырысетӥ вице-спикер элькун парламентлэн Росси Азьмуртлэсь Федерал Собранилы Посланизэ быдэсъян бордын ужамез сярысь ивортӥз. Кун Кенешын та ласянь нимысьтыз план кылдытэмын луоз, отчы пыртыны аслэсьтыз ӵектонъёссэ дася котькуд комиссия но фракция.
Пумиськонын ӝутэм эшшо одӥгез ужпум – Быдӟым Атыкай ожын Вормонлэсь 75 ар тырмонзэ пусъён. Юбилей улсын шаерамы синпелетъёсты но мемориалъёсты тупатъяны-выльдыны чакламын. Та уже интыосын улӥсьёс асьсэос но мыло-кыдо пыриськыны кулэ, пусйиз Владимир Невоструев.
Вераськон озьы ик мынӥз Росси Конституцие пыртоно воштонъёс, федерал катрадлыкысь выльдӥськонъёс, мерлыко политика но уж удысын югдур сярысь.
Туннэ ик Яр ёросысь куноос понна элькун парламентлэн юртаз экскурсия радъямын вал. Озьы ик соосты зоопарке, адӟытонъёсъя «Галерея» центре, Михаило-Архангельсокй кафедральной соборе но драмая Ӟуч театре нуллӥзы.