Версия для слабовидящих
Дмитрий Арсибеков Можгалан выль йӧ аренаез лэсьтонлэсь мынэмзэ эскериз

Дмитрий Арсибеков Можгалан выль йӧ аренаез лэсьтонлэсь мынэмзэ эскериз

24.01.2020
Дмитрий Арсибеков Можгалан выль йӧ аренаез лэсьтонлэсь мынэмзэ эскериз
Можгалан азьланьтӥське йӧ аренаез лэсьтон. Ужъёс мыно Удмуртиысь Кивалтэт но Михаил Гуцериевлэн «САФМАР» благотворительной фондэз куспын 2018-2020 аръёслы чаклам огкыл улсын.
Лэсьтӥськонэн тодматскыны Можгала вуылӥз Кун Кенешысь депутат, «Белкамнефть» акционер огазеяськонлэн валтӥсь директорез Дмитрий Арсибеков. Та предприятие «САФМАР»-лэн Удмуртиысь представителез луэ.
Арсибековлэн верамезъя, ужъёс чакламъя мыно. Али йӧ ареналэсь пушсэ лэсьто. Та арын объект быдэсак вуттэмын луыны кулэ.
«Можга» арена паськыт удысо луоз. Йӧ сяна, отын волейболэн, баскетболэн шудон, эктонъёслы но тренажёръёслы залъёс чакламын. Юртлэн огъя быдӟалаез – 6,5 сюрс квадрат метрлэсь ятыр. Лэсьтӥськон ужъёслэн дунзы – 300 миллион манет.
Йӧ дворецез чидатэк возьмало ини Можгалась пинал спортсменъёс – «Луч» хоккей командалэн ёзчиосыз. Со 2006 арысен ужа. Клуб пыр потэмъёс туннэ «Ижсталь», Татарстанысь но мукет улосъёсысь командаос понна шудо.


Возврат к списку