Удмуртиын «Кышкыттэмлыко нылпи сад» ӵектос ужаны кутскиз
20.01.2020
«Единая Россия» партилэн Удмуртиысь улосвыл ёзэз «Кышкыттэмлыко нылпи сад» проектлы кичӧлтон сётӥз. Со улсын Кун Кенешысь но Ижкар Думаысь депутатъёс нылпи садъёсы ветлӥсь пиналъёслэн анай-атайёсынызы пумиськонъёс ортчытъялозы, соосын нылпиосты кышкытлыкъёслэсь утён сярысь вераськозы.
Озьы депутатъёс вуылӥзы Ижкарысь 143 № нылпи садэ. Анай-атайёсын пумиськылӥзы Кун Кенешысь ужъя, мерлыко политикая но ветеранъёслэн ужъёссыя комиссилэн кивалтӥсез Алексей Чернов, кышкыттэмлыкъя, Регламентъя но Кун Кенешлэсь ужзэ радъянъя комиссилэн кивалтӥсезлэн воштӥсез Сергей Лукъянчиков, Ижкар Думаысь депутат Владимир Гасов. Вераськон мынӥз нылпи садлэсь азбарзэ югдытон, кенеръёссэ тупатъян, липетсэ выльдон сярысь.
Сэрттӥзы-пертчизы огъя ёросысь нылпи садъёс понна лэчыт луись ужпумъёсты но. Соос пӧлын – писпуослэсь йылъёссэс вандылон, пересьмемъёссэ писпуосты погыръян.
Пумиськон дыръя анай-атайёс нылпиосты утёнъя асьсэлэсь куронъёссэс кагаз вылэ гожъяны быгатӥзы. Сыӵе юалляськонъёс радъяськозы мукет нылпи садъёсын но. Чузъяськем ӵектонъёсты Ижкарлэсь вуоно арлы бюджетсэ кылдытыку лыдэ басьтозы.
Озьы депутатъёс вуылӥзы Ижкарысь 143 № нылпи садэ. Анай-атайёсын пумиськылӥзы Кун Кенешысь ужъя, мерлыко политикая но ветеранъёслэн ужъёссыя комиссилэн кивалтӥсез Алексей Чернов, кышкыттэмлыкъя, Регламентъя но Кун Кенешлэсь ужзэ радъянъя комиссилэн кивалтӥсезлэн воштӥсез Сергей Лукъянчиков, Ижкар Думаысь депутат Владимир Гасов. Вераськон мынӥз нылпи садлэсь азбарзэ югдытон, кенеръёссэ тупатъян, липетсэ выльдон сярысь.
Сэрттӥзы-пертчизы огъя ёросысь нылпи садъёс понна лэчыт луись ужпумъёсты но. Соос пӧлын – писпуослэсь йылъёссэс вандылон, пересьмемъёссэ писпуосты погыръян.
Пумиськон дыръя анай-атайёс нылпиосты утёнъя асьсэлэсь куронъёссэс кагаз вылэ гожъяны быгатӥзы. Сыӵе юалляськонъёс радъяськозы мукет нылпи садъёсын но. Чузъяськем ӵектонъёсты Ижкарлэсь вуоно арлы бюджетсэ кылдытыку лыдэ басьтозы.