Удмуртиын прессалэн сяме пырем Балэз ортчиз
17.01.2020
Россиысь печатьлэсь нуналзэ пусъён улсын туннэ «Берёзка» лагерьын элькунысь иворъёсты вӧлмытон удысын ужасьёслэн сямен пырем сӥё-дано ужрадзы – Балзы – ортчиз.
Иворъёсты вӧлмытон элькун но муниципал ёзъёсын ужасьёсты ӟечкылаз Кун Кенешлэн Тӧроезлэн Нырысетӥ воштӥсез, кышкыттэмлыкъя, Регламентъя но Кун Кенешлэсь ужзэ радъянъя комиссилэн кивалтӥсез Владимир Невоструев. Со нимысьтыз саклык висъяз гуртъёсысь газетъёслэсь ужамзылы.
Удысысь устооссэ ужасьёсты данъетъёсын пусйизы. Кун Кенешлэн Тӧроезлэсь Тау карон гожтэтъёссэ басьтӥзы «Известия Удмуртской Республики» газетлэн чеберлыкъя редакторез Татьяна Кузьмина но «Удмурт дунне» газетысь ёзлэн редакторез Елена Скворцова.
Шараямын вал Элькун кивалтэтлэн Литературая премиезлэн лауреатъёсыз. Соос пӧлын – «Шаян пи» пьесалэн авторез Сергей Антонов («Драматургияя устоез произведение» номинация) но «Гудырипуз» бичетлэн авторез Римма Перевозчикова («Нылпиос но егитъёс понна устоез произведение» номинация).
Ужрадын озьы ик данъязы Эрик Батуев нимо премилэсь лауреатъёссэ. Удмурт йӧскалык журналистикаез азинтэмзы, удмурт кылэз но культураез юнматэмзы понна Кун Кенешысь наукая, дышетонъя, культурая, йӧскалык но егитъёсын ужан политикая но спортъя ялан ужась ӧрилэн кивалтӥсез, «Удмурт кенеш» ассоциацилэн Тӧроез Татьяна Ишматова та премиез сётӥз Удмуртиысь калык писательлы Вячеслав Ар-Сергилы но «Алнаш колхозник» газетлэн валтӥсь редакторезлэн воштӥсезлы Людмила Сурчаковалы.
Иворъёсты вӧлмытон элькун но муниципал ёзъёсын ужасьёсты ӟечкылаз Кун Кенешлэн Тӧроезлэн Нырысетӥ воштӥсез, кышкыттэмлыкъя, Регламентъя но Кун Кенешлэсь ужзэ радъянъя комиссилэн кивалтӥсез Владимир Невоструев. Со нимысьтыз саклык висъяз гуртъёсысь газетъёслэсь ужамзылы.
Удысысь устооссэ ужасьёсты данъетъёсын пусйизы. Кун Кенешлэн Тӧроезлэсь Тау карон гожтэтъёссэ басьтӥзы «Известия Удмуртской Республики» газетлэн чеберлыкъя редакторез Татьяна Кузьмина но «Удмурт дунне» газетысь ёзлэн редакторез Елена Скворцова.
Шараямын вал Элькун кивалтэтлэн Литературая премиезлэн лауреатъёсыз. Соос пӧлын – «Шаян пи» пьесалэн авторез Сергей Антонов («Драматургияя устоез произведение» номинация) но «Гудырипуз» бичетлэн авторез Римма Перевозчикова («Нылпиос но егитъёс понна устоез произведение» номинация).
Ужрадын озьы ик данъязы Эрик Батуев нимо премилэсь лауреатъёссэ. Удмурт йӧскалык журналистикаез азинтэмзы, удмурт кылэз но культураез юнматэмзы понна Кун Кенешысь наукая, дышетонъя, культурая, йӧскалык но егитъёсын ужан политикая но спортъя ялан ужась ӧрилэн кивалтӥсез, «Удмурт кенеш» ассоциацилэн Тӧроез Татьяна Ишматова та премиез сётӥз Удмуртиысь калык писательлы Вячеслав Ар-Сергилы но «Алнаш колхозник» газетлэн валтӥсь редакторезлэн воштӥсезлы Людмила Сурчаковалы.