Версия для слабовидящих
Пичи Пурга ёросын Кун Кенешысь депутатлэн Петр Басовлэн кузьымъёсыз понна хоккеен шудонъя ӵошатсконъёс ортчизы

Пичи Пурга ёросын Кун Кенешысь депутатлэн Петр Басовлэн кузьымъёсыз понна хоккеен шудонъя ӵошатсконъёс ортчизы

13.01.2020
Пичи Пурга ёросын Кун Кенешысь депутатлэн Петр Басовлэн кузьымъёсыз понна хоккеен шудонъя ӵошатсконъёс ортчизы
Шор Кечол но Пуро-Можга гуртъёсысь хоккеен шудон интыосын Кун Кенешысь наукая, дышетонъя, культурая, йӧскалык но егитъёсын ужан политикая но спортъя ялан ужась ӧрилэн тӧроезлэн воштӥсезлэн, КПРФ фракцилэн ёзчиезлэн Петр Басовлэн кузьымъёсыз понна ӵошатсконъёс ортчизы.
Ваньзэ-ӧвӧлзэ шудонъёсы 8 команда пыриськиз. Петр Басовлэн верамезъя, таӵе ӵошатсконъёс Пичи Пурга ёросын сяме пыремын ини, арлы быдэ соос тросгес шудӥсьёсты но учкисьёсты люкало. Спортсменъёслы шудонъёслы дасяськыны юрттэт сёто поселениослэн кивалтӥсьёссы. Туж пусйымон – арлыдо муртъёсын ӵош йӧ вылэ пичи пиналъёс но пото. Соин ик азьланяз шудонъёсты паськытатыны чакланъёс вань.
Ӵошатсконъёсын вормисе потӥз Шор Кечолысь команда, кыкетӥ луизы Пуро-Можгаысь хоккеистъёс, куинетӥ интыез басьтӥз Пичи Пурга черкогуртысь огазеям команда. Устоосыз шудӥсьёс ёрослэн огазеям командаяз пыртэмын луозы. Соос Пичи Пургалэсь данзэ Элькун тол гурт шудонъёсын утёзы.

Возврат к списку