Кун Кенешлэн азьвыл чакламтэ сессиезлэн ужанрадэз юнматэмын
23.12.2019 Туннэ Кун Кенешлэн Президиумез азьвыл чакламтэ 20-тӥ сессилэсь ужанрадзэ юнматӥз. Элькун Тӧролэн Александр Бречаловлэн ӵектэмезъя, сессия Ижкарын 27 толсуре 10.00 часын усьтӥськоз.Сессиын 6 ужпумъёсты эскерыны чакламын. 3-ез соос пӧлысь – элькун катъёслэн ӵектосъёссы. Со сяна, депутатъёс «Росси Федерацилэн «Город трудовой доблести» дано нимез сярысь» федерал катӵектосэз эскерозы. Сое дэмлаз Россилэн Азьмуртэз Владимир Путин.
Сессилэн ужанрадаз озьы ик – быдэ вуымтэослэсь тазалыксэс утёнэн герӟаськем кӧня ке катъёсы воштонъёс. Соосты юнматӥзы ке, пиналъёслы никотин суретъёсты – снюсъёсты но пэкъёсты - вузанэз чурытатыны луоз.