Конституцилэн нуналаз Кун Кенешын егитъёслы нырысетӥ паспортъёссэс сётъян сӥё-дано ужрад ортчиз

Конституцилэн нуналаз Удмуртиысь Кун Кенешын егитъёслы нырысетӥ паспортъёссэс сётъян сӥё-дано ужрад ортчиз. Радъяськиз со «Я гражданин России» акция улсын. 60 пинал кунмуртъёслы нырысетӥ ужкагазъёссэс сётъяз Кун Кенешысь наукая, дышетонъя, культурая, егитъёсын ужан но йӧскалык политикая но спортъя ялан ужась ӧрилэн кивалтӥсез Татьяна Ишматова. Сӥё-дано ужрадэ озьы ик пыриськизы кунпуш ужпумъёсъя министерствоысь но Кивалтэтысь ужоскето муртъёс.
Татьяна Ишматова егитъёсты Кун Кенешлэн Тӧроезлэн Алексей Прасоловлэн нимыныз ӟечкылаз. «Парламентлэн юртаз туннэ пумитаськом тужгес быгатӥсь но азинлыко пиналъёсты. Тӥ асьтэды дышетсконын но, мерлыко ужъёсын но умоен возьматӥськоды. Ми шумпотӥськом таӵе егитъёс понна. Сӥзисько, тӥ но котьку данъяськыны мед быгатоды Россиялэн кунмуртъёсыз луэменыды», - шуиз Татьяна Ишматова.