Алдаськонэ сюрем дольщикъёслы юрттон ужпумъёсты эскеризы Приволжск федерал округысь каткылдытъясьёслэн Ассоциацизылэн кенешоназ
05.12.2019
Туннэ Саратовын Приволжск федерал округысь каткылдытъясьёслэн Ассоциацизылэн кенешонэз ортчиз. Отчы 14 улосъёсысь кат кылдытъясь ёзъёслэн кивалтӥсьёссы пыриськизы. Соос пӧлын – Удмуртиысь Кун Кенешлэн Тӧроез Алексей Прасолов.
Кенешонэз усьтӥз Росси Азьмуртлэн Приволжск федерал округысь ужоскето муртэз Игорь Комаров. Со пусйиз, пумиськонын ӝутэм ужпум туннэ округ понна одӥгез тужгес лэчытэз луэ шуыса. Туэ 1-тӥ коньывуонлы 607 юртъёсты лэсьтон куспетӥ луэмын. 40 сюрс мурт алдаськонэ сюремын.
«Али «проблемный объект» валатон катэн юнматэмын ини. Со дольщикъёслэсь эрикрадъёссэс утьыны бадӟым юрттэт луэ, - вераз Комаров. – Лэсьтытэк кельтэм трос квартираем юртъёсты йылаз-пумаз вуттон понна федерал бюджетысь коньдон висъян сярысь кенешемын. Та уж нуиське лэсьтӥськонэ пыриськем кунмуртъёслэсь эрикрадъёссэс утёнъя Фонд пыр».
Алдаськонэ сюрем дольщикъёсын ужамзы сярысь ивортӥз Саратовысь улос Думалэн кивалтӥсез Александр Романов. Солэн верамезъя, улосын со понна кылдытэмын удыскуспо ӧри. Берло куинь ар ӵоже со 20 аналтэм юртъёсты лэсьтонэз йылаз-пумаз вуттыны юрттӥз, туэ эшшо 10-сэ быдэстыны чаклало. Озьы 2 сюрслэсь ятыр семьяос улон интыен ужпумзэс сэрттыны-пертчыны быгатӥзы.
Дасямын Саратов улос Думалэн иворъёсты вӧлмытон ёзэзлэн материалъёсызъя
Кенешонэз усьтӥз Росси Азьмуртлэн Приволжск федерал округысь ужоскето муртэз Игорь Комаров. Со пусйиз, пумиськонын ӝутэм ужпум туннэ округ понна одӥгез тужгес лэчытэз луэ шуыса. Туэ 1-тӥ коньывуонлы 607 юртъёсты лэсьтон куспетӥ луэмын. 40 сюрс мурт алдаськонэ сюремын.
«Али «проблемный объект» валатон катэн юнматэмын ини. Со дольщикъёслэсь эрикрадъёссэс утьыны бадӟым юрттэт луэ, - вераз Комаров. – Лэсьтытэк кельтэм трос квартираем юртъёсты йылаз-пумаз вуттон понна федерал бюджетысь коньдон висъян сярысь кенешемын. Та уж нуиське лэсьтӥськонэ пыриськем кунмуртъёслэсь эрикрадъёссэс утёнъя Фонд пыр».
Алдаськонэ сюрем дольщикъёсын ужамзы сярысь ивортӥз Саратовысь улос Думалэн кивалтӥсез Александр Романов. Солэн верамезъя, улосын со понна кылдытэмын удыскуспо ӧри. Берло куинь ар ӵоже со 20 аналтэм юртъёсты лэсьтонэз йылаз-пумаз вуттыны юрттӥз, туэ эшшо 10-сэ быдэстыны чаклало. Озьы 2 сюрслэсь ятыр семьяос улон интыен ужпумзэс сэрттыны-пертчыны быгатӥзы.
Дасямын Саратов улос Думалэн иворъёсты вӧлмытон ёзэзлэн материалъёсызъя