Версия для слабовидящих
Удмуртиын бесерман культурая нырысетӥез улосвылкуспо этнофестиваль ортчиз

Удмуртиын бесерман культурая нырысетӥез улосвылкуспо этнофестиваль ортчиз

02.12.2019
Удмуртиын бесерман культурая нырысетӥез улосвылкуспо этнофестиваль ортчиз
Бесерман лулчеберетлы сӥзем "Наследие бесермян: от прошлого к настоящему" нырысетӥез улосвылкуспо этнофестиваль ортчиз Юкаменск ёросын. Со улсын 29-30 шуркынмонэ 16 пӧртэм ужрадъёс радъяськизы. Фестивальлэн ужаз пыриськизы Кун Кенешлэн Тӧроезлэн Нырысетӥ воштӥсез, кышкыттэмлыкъя, Регламентъя но Кун Кенешлэсь ужзэ радъянъя ӧрилэн кивалтӥсез Владимир Невоструев, наукая, дышетонъя, культурая, егитъёсын ужан но йӧскалык политикая но спортъя ялан ужась ӧрилэн кивалтӥсез Татьяна Ишматова, йӧскалык политикая министр Лариса Буранова.
Ужрадлэн валтӥсь ужпумез – бесерман калык лулчеберетэз егитъёс пӧлын вӧлмытон, кылэз но культураез улӟытон. Бесерманъёс озьы ик егитъёслэсь огазеяськонзэс кылдытыны чаклало. Та ужрадын солы кутскон сётэмын.
Бесерманъёс - Удмуртилэн уйпал но шунды пуксён пал ёросъёсаз улӥсь ичи лыдъем калык. 2010 арын ортчытэм лыдъян-гожъянъя, соослэн лыдзы 2201 адями. Ӝыныезлэсь ятырез бесерманъёс уло Юкаменск ёросын. Конференцие озьы ик Яр, Глаз, Эгра, Можга но Балезино ёросъёсысь куноос вуылӥзы.

Возврат к списку