Версия для слабовидящих
Валентина Матвиенко: Удмуртилы вань маин данъяськыны

Валентина Матвиенко: Удмуртилы вань маин данъяськыны

25.11.2019
Туннэ Федераци Кенешлэн 469-тӥ кенешоназ «Час субъекта Российской Федерации» улсын Удмурт Элькунэн тодматскон ортчиз. Сенаторъёс азьын ивортон лэсьтӥзы Удмуртилэн Тӧроез Александр Бречалов но Кун Кенешлэн Тӧроез Алексей Прасолов. Кивалтӥсьёс Удмурт Элькунлэн экономика но мерлык удысъёсъя азинскемез сярысь веразы.
Валентина Матвиенко вераз, туэ быдэс Россия Михаил Калашниковлы 100 ар тырмонэз пусйиз шуыса. Удмуртия нырысь ик – пыӵал-тӥрлык поттӥсь улосвыл. Али шаерысь предприятиос граждан продукци поттон вылэ выжо.
Нош вуоно арын шаермылэн кунлык басьтэм дырысеныз 100 ар тырмоз. Федераци кенешлэн кивалтӥсез пусйиз, туннэ Удмуртия азинсконъёсын ужа шуыса. Адскымон вамышъёс вань бюджетэз нуон удысын. Матвиенко тодэ вайытӥз, Удмуртилэн бюджетэзлы ватсаса 2 миллиард манет субсиди висъямын. Матысь куинь аръёсы улослы озьы ик юрттэт чакламын. «Удмуртилэн бадӟымесь луонлыкъёсыз туризмез азинтон ласянь. Сое адӟыны луиз презентациысь», - шуиз Матвиенко.
Вань кенешонъёслы йылпумъянъёс лэсьтыса, сенаторъёс «Удмурт элькунлэн мерлык но экономика азинсконэзлы кун юрттэт сярысь» постановление кутӥзы.


Возврат к списку