Агропром огъетъя ялан ужась ӧри Удмуртилэн 2020 но вуоно аръёслы бюджетэз сярысь катлэсь ӵектоссэ эскериз
14.11.2019
Агропром огъетъя ялан ужась ӧриысь депутатъёс Удмуртилэн 2020 но вуоно аръёслы бюджетэз сярысь катлэсь ӵектоссэ эскеризы. Кенешонэз нуиз комиссилэн кивалтӥсез Владимир Варламов.
Кызьы вераз Элькунысь коньдон ужпумъёсъя министр Станислав Евдокимов, 2020 арын табышъёслэн огъя быдӟалазы 70 миллиард 108 миллион манет луоз. Уже кутыны чакламын 69 миллиард 138 миллион манетэз. Профицит – 970 миллион манет.
Азьвыл сямен ик, вуоно аръёсы валтӥсез ужпум – адямиослэсь мерлыко кулэяськонъёссэс быдэсъян. 47 процентэз уксё кутӥськоз бюджет удысъёсын тыршисьёслы уждун тырыны. Ӵектосын лыдэ басьтэмын 1 толшорысен тужгес ичи уждунэз будэтон.
99 процентэз коньдон люкиськоз 26 кун программаос куспын. 74 процентэз со – мерлыко удысъёсъя ужась программаос.
«Развитие сельского хозяйства и регулирования рынков сельскохозяйственной продукции, сырья и продовольствия» программалы 2,6 миллиард манет чакламын. Со пӧлысь 1 миллиард 409 миллион манетэз – федерал коньдэтысь. Та программа улсын фермеръёслы юрттӥськонъя но кооперациез азинтонъя, агропром удысын поттэм ваньбурез кунгож сьӧры вузанъя йоскалык проектъёслэн улосвыл ӵектосъёссы быдэсъяськозы.
Шаерысьтымы гурт возёсэз азинтыны вуоно арын 1 миллиард 334,5 миллион манет учкемын. Вераны кулэ, агропром удыслы чаклам бадӟым люкетэз коньдон федерал бюджетысь юрттэт кыскыны кулэ. Со софинансирование амалэн висъяськоз.
Гурт интывылъёсты азинтонъя федерал программа улсын элькун бюджетын благоустройстволы но практика ортчись студентъёслы кутэм уксёез берыктыны коньдон чакламын. 254 миллион манет учкемын пудо висёнъёслэсь вӧлмонзэс алон ужъёслы.
Гурт возёсъя но сиён-юон поттонъя министр Ольга Абрамова пусйиз, та арысен федерация ласянь удыслы коньдон висъян чутрак воштӥськиз шуыса. 2020 арлы юрттэт сётон валтӥсь удысъёс – йӧл кыскон, гурт техникаез выльдон, пудо гидъёсты выльдон но лэсьтон. Нимысьтыз саклык висъяськоз ӟеч выжыё пудо вордонлы, студентъёсты целевой амалэн дышетонлы. Уз аналтэ фермер но мукет пичи возёсъёсты.
Котыр инкуазь но инкуазь узырлыкъёс программа улсын Удмуртиын йӧскалык проектъёслэн 3 улосвыл проектъёссы быдэсъясько: «Чистая страна», «Сохранение уникальных водных объектов» но «Комплексная система обращения с ТКО». 2020 арын программалы 206 миллион манет чакламын, 79 миллион манетэз со пӧлысь – федерал коньдон. Программаысь валтӥсь ужрадъёс – чакламтэ интыосы люкам жуг-жагез утялтон, ву огъетэз азинтон, инкуазь узырлыкез утён но уже кутон.
Нюлэс возёсэз азинтонъя программалы 368 милллион манет висъямын. Бадӟым люкетэз со – федерал коньдон. Валтӥсь ужрадъёс пӧлын – нюлэсэз утён но выльдон. 2019 арлэн бюджетэныз ӵошатыса, та ёзэтлы коньдон висъян 5 пол будэмын. 2020 арын со 76,5 миллион манет луоз. Чакламын нюлэсэз тылпуослэсь утён техника но тӥрлык басьтыны уксё, йылэтэмын нюлэсъёсты выльдонлы чаклам юрттэт.
Депутатъёс катӵектос понна дурбасьтӥзы. Сое сессиын нырысетӥ лыдӟемен юнматыны дэмлазы.
Кызьы вераз Элькунысь коньдон ужпумъёсъя министр Станислав Евдокимов, 2020 арын табышъёслэн огъя быдӟалазы 70 миллиард 108 миллион манет луоз. Уже кутыны чакламын 69 миллиард 138 миллион манетэз. Профицит – 970 миллион манет.
Азьвыл сямен ик, вуоно аръёсы валтӥсез ужпум – адямиослэсь мерлыко кулэяськонъёссэс быдэсъян. 47 процентэз уксё кутӥськоз бюджет удысъёсын тыршисьёслы уждун тырыны. Ӵектосын лыдэ басьтэмын 1 толшорысен тужгес ичи уждунэз будэтон.
99 процентэз коньдон люкиськоз 26 кун программаос куспын. 74 процентэз со – мерлыко удысъёсъя ужась программаос.
«Развитие сельского хозяйства и регулирования рынков сельскохозяйственной продукции, сырья и продовольствия» программалы 2,6 миллиард манет чакламын. Со пӧлысь 1 миллиард 409 миллион манетэз – федерал коньдэтысь. Та программа улсын фермеръёслы юрттӥськонъя но кооперациез азинтонъя, агропром удысын поттэм ваньбурез кунгож сьӧры вузанъя йоскалык проектъёслэн улосвыл ӵектосъёссы быдэсъяськозы.
Шаерысьтымы гурт возёсэз азинтыны вуоно арын 1 миллиард 334,5 миллион манет учкемын. Вераны кулэ, агропром удыслы чаклам бадӟым люкетэз коньдон федерал бюджетысь юрттэт кыскыны кулэ. Со софинансирование амалэн висъяськоз.
Гурт интывылъёсты азинтонъя федерал программа улсын элькун бюджетын благоустройстволы но практика ортчись студентъёслы кутэм уксёез берыктыны коньдон чакламын. 254 миллион манет учкемын пудо висёнъёслэсь вӧлмонзэс алон ужъёслы.
Гурт возёсъя но сиён-юон поттонъя министр Ольга Абрамова пусйиз, та арысен федерация ласянь удыслы коньдон висъян чутрак воштӥськиз шуыса. 2020 арлы юрттэт сётон валтӥсь удысъёс – йӧл кыскон, гурт техникаез выльдон, пудо гидъёсты выльдон но лэсьтон. Нимысьтыз саклык висъяськоз ӟеч выжыё пудо вордонлы, студентъёсты целевой амалэн дышетонлы. Уз аналтэ фермер но мукет пичи возёсъёсты.
Котыр инкуазь но инкуазь узырлыкъёс программа улсын Удмуртиын йӧскалык проектъёслэн 3 улосвыл проектъёссы быдэсъясько: «Чистая страна», «Сохранение уникальных водных объектов» но «Комплексная система обращения с ТКО». 2020 арын программалы 206 миллион манет чакламын, 79 миллион манетэз со пӧлысь – федерал коньдон. Программаысь валтӥсь ужрадъёс – чакламтэ интыосы люкам жуг-жагез утялтон, ву огъетэз азинтон, инкуазь узырлыкез утён но уже кутон.
Нюлэс возёсэз азинтонъя программалы 368 милллион манет висъямын. Бадӟым люкетэз со – федерал коньдон. Валтӥсь ужрадъёс пӧлын – нюлэсэз утён но выльдон. 2019 арлэн бюджетэныз ӵошатыса, та ёзэтлы коньдон висъян 5 пол будэмын. 2020 арын со 76,5 миллион манет луоз. Чакламын нюлэсэз тылпуослэсь утён техника но тӥрлык басьтыны уксё, йылэтэмын нюлэсъёсты выльдонлы чаклам юрттэт.
Депутатъёс катӵектос понна дурбасьтӥзы. Сое сессиын нырысетӥ лыдӟемен юнматыны дэмлазы.