Ӧнерчиосты целевой амалэн дасян ужпумъёсты эскеризы
13.11.2019
Ӧнерчиосты целевой амалэн дасян ужпумъёсты эскеризы Кун Кенешысь наукая, дышетонъя, культурая, егитъёсын ужан но йӧскалык политикая но спортъя ялан ужась ӧрилэн но Удмуртиысь вылӥ дышетсконниослэн ректоръёссылэн Кенешсылэн пумиськоназы. Вераськонэ пыриськизы Кун Кенешысь «Единая Россия» фракцилэн кивалтӥсез Елена Дербилова, элькунысь физкультурая, спортъя но егитъёсын ужан политикая министр Александр Варшавский, дышетонъя но наукая министрлэн нырысетӥ воштӥсез Ирина Крохина, вылӥ дышетсконниослэн но школаослэн кивалтӥсьёссы. Пумиськон ортчиз Удмурт кун университетлэн В. А. Журавлёв нимо библиотекаяз.
Кызьы вераз Удмуртиысь вылӥ дышетсконниослэн ректоръёссылэн Кенешсылэн кивалтӥсез Галина Мерзлякова, туэ элькунысьтымы вузъёслы шӧдскымон тросгес целевой интыос висъямын вал. Но абитуриентъёс но, ужасьёслы кулэяськись предприятиос но Россиын та ласянь ужаны кутскем выль куронъёслы дась вылӥллямтэ. Целевикъёслы чаклам интыосты дышетсконниос ворсаны ӧз быгатэ. Соосты мукет абитуриентъёслы сётӥзы.
«Удмурт кун университет целевой амалэн дышетыны 232 адямиез кутыны быгатэ вал. Со 3 но ӝыны поллы тросгес миым сярысь. Но тазьы ӧнер басьтыны мылкыд кариз 32 мурт гинэ. Кылемзэ интыосты огъя конкурс улэ сётоно луиз. Отчы ЕГЭ-я уно балл люкам егитъёс пыризы», - ивортӥз Галина Мерзлякова.
Ректоръёслэн малпамзыя, таӵе югдур нырысь ик потӥз предприятиос бордысь. Выль куронъёсъя, угось, соос вылэ бадӟым ныпъет куштӥське. Студентэз дышетыны лэзьыса, огазеяськон солы ватсаса стипедия тырыны, улыны интыяны кулэ. Чурыт куронъёс пуктӥсько абитуриент азе но. Диплом басьтэмез бере со, кылсярысь, предприятиын одно ик 3 ар ӵоже ужаны кулэ.
Умойгес югдур та ласянь Ижкарысь эмчиосты дасясь академиын. Отын вань целевой интыос тырмытэмын.
Кун Кенешысь наукая, дышетонъя, культурая, егитъёсын ужан но йӧскалык политикая но спортъя ялан ужась ӧрилэн кивалтӥсез Татьяна Ишматова пусйиз, котькуд удысъя ӧнерчиосты дасянлэн аслаз пӧртэмлыкез вань. Соин ик котькудӥзъя нимысьтыз радлык кылдытоно. «Али комиссия мукет улосъёслэсь егит ӧнерчиосты дасян ласянь ужамзэс эскероз. Умойёссэ амалъёсты асьме дорын но пыӵатыны быгатом», - ӵектӥз депутат.
Со сяна, дышетонъя но наукая, тазалыкез утёнъя, гурт возёсъя но сиён-юон поттонъя министерствоослы ректоръёслэн Кенешенызы ӵош целевой амалэн дышетыны егитъёсты быръён радлыкез кылдытыны дэмламын.
Огъя кенешонын озьы ик данъязы школаосты, кудъёссэ йылпумъям тужгес трос егитъёс 2019 арын вылӥ дышетсконниосы пыризы. Та ласянь тужгес устоен нимамын Ижкарысь 86№ лицей, 16-тӥ школа, 56-тӥ гимназия но дышетонъя калыккуспо Гармония огъет – 97-тӥ школа. Ёросъёс пӧлын азьмынӥсь радъёсын Ува, Вотка, Дэри но Сарапул.
Кызьы вераз Удмуртиысь вылӥ дышетсконниослэн ректоръёссылэн Кенешсылэн кивалтӥсез Галина Мерзлякова, туэ элькунысьтымы вузъёслы шӧдскымон тросгес целевой интыос висъямын вал. Но абитуриентъёс но, ужасьёслы кулэяськись предприятиос но Россиын та ласянь ужаны кутскем выль куронъёслы дась вылӥллямтэ. Целевикъёслы чаклам интыосты дышетсконниос ворсаны ӧз быгатэ. Соосты мукет абитуриентъёслы сётӥзы.
«Удмурт кун университет целевой амалэн дышетыны 232 адямиез кутыны быгатэ вал. Со 3 но ӝыны поллы тросгес миым сярысь. Но тазьы ӧнер басьтыны мылкыд кариз 32 мурт гинэ. Кылемзэ интыосты огъя конкурс улэ сётоно луиз. Отчы ЕГЭ-я уно балл люкам егитъёс пыризы», - ивортӥз Галина Мерзлякова.
Ректоръёслэн малпамзыя, таӵе югдур нырысь ик потӥз предприятиос бордысь. Выль куронъёсъя, угось, соос вылэ бадӟым ныпъет куштӥське. Студентэз дышетыны лэзьыса, огазеяськон солы ватсаса стипедия тырыны, улыны интыяны кулэ. Чурыт куронъёс пуктӥсько абитуриент азе но. Диплом басьтэмез бере со, кылсярысь, предприятиын одно ик 3 ар ӵоже ужаны кулэ.
Умойгес югдур та ласянь Ижкарысь эмчиосты дасясь академиын. Отын вань целевой интыос тырмытэмын.
Кун Кенешысь наукая, дышетонъя, культурая, егитъёсын ужан но йӧскалык политикая но спортъя ялан ужась ӧрилэн кивалтӥсез Татьяна Ишматова пусйиз, котькуд удысъя ӧнерчиосты дасянлэн аслаз пӧртэмлыкез вань. Соин ик котькудӥзъя нимысьтыз радлык кылдытоно. «Али комиссия мукет улосъёслэсь егит ӧнерчиосты дасян ласянь ужамзэс эскероз. Умойёссэ амалъёсты асьме дорын но пыӵатыны быгатом», - ӵектӥз депутат.
Со сяна, дышетонъя но наукая, тазалыкез утёнъя, гурт возёсъя но сиён-юон поттонъя министерствоослы ректоръёслэн Кенешенызы ӵош целевой амалэн дышетыны егитъёсты быръён радлыкез кылдытыны дэмламын.
Огъя кенешонын озьы ик данъязы школаосты, кудъёссэ йылпумъям тужгес трос егитъёс 2019 арын вылӥ дышетсконниосы пыризы. Та ласянь тужгес устоен нимамын Ижкарысь 86№ лицей, 16-тӥ школа, 56-тӥ гимназия но дышетонъя калыккуспо Гармония огъет – 97-тӥ школа. Ёросъёс пӧлын азьмынӥсь радъёсын Ува, Вотка, Дэри но Сарапул.