Кун Кенешлэн Президиумезлэн ёзчиосыз Удмуртилэн Кун Думаысь депутатъёсыныз пумиськылӥзы
01.11.2019
Туннэ Кун Кенешлэн Президиумезлэн ёзчиосыз Удмуртилэн Кун Думаысь депутатъёсыныз пумиськылӥзы. «Единая Россия» фракцилэн кивалтӥсезлэн воштӥсез Андрей Исаев но бюджетъя но вытъёсъя Комитетлэн ёзчиез Валерий Бузилов шаерамы улосвыл ужан арнязэс ортчыто. Пумиськонын федерал катрадлыкысь воштӥськонъёс, Удмуртилэн отчы пыртыны куд-ог ӵектонъёсыз сярысь вераськон мынӥз.
Валерий Бузилов федерал коньдэтлэн ӵектосэз бордын ужлэн мынэмез сярысь вераз. Кун Думалэн Тӧроез Вячеслав Володин депутатъёс азе ужпум пуктӥз бюджетысь уксё пайдалыко мед кутӥськоз шуыса. Нимысьтыз саклык висъяны куриз улосъёсы лэзем коньдонэз ужатонлы. Бюджетлэн кыкетӥ лыдӟонэзлы пусъемын луыны кулэ, кыӵе улосъёсы кӧня коньдон келямын луоз вуоно арын. 1-тӥ толшорозь улосвылъёсын огкылъёсты юнматъяно ини, ивортӥз депутат.
Кыкетӥез ужпум – улосвылъёслэсь бюджет азьын луонлыкъёссэс ӵошкатон. Кун Дума та ласянь Россилэн Кивалтэтэзлы нимысьтыз дорожной карта дасяны курыса вазиськиз. Угось, али пӧртэм улосвылъёслэн федерал бюджетысь басьтоно юрттэтсы сизьым пол висъяськыны быгатэ. Кун Думаысь спикерен пуктэм куинетӥез ужпум – улосвылъёсысь инвестици проектъёслы юрттӥськон, инвестици фондъёс кылдытон.
Кун Думаысь «Единая Россия» фракцилэн кивалтӥсезлэн воштӥсез Андрей Исаев парламентлэн улӥ палатаяз дасяськись катӵектосъёс сярысь вераз. Кылсярысь, школаын дышетскись пичи пиналъёсты дунтэк сюдон. Та катӵектос пиналъёсты шонер но таза сюдон радлыкез тупатэ, сиён-юонлэсь ӟечлыксэ но кышкыттэм луэмзэ эскеронэз пусъе. Андрей Исаевлэн верамезъя, али та катӵектосэз коньдонэн юнматон амалъёсты эскеро.
Кун Кенешлэн Президиумезлэн ёзчиосыз асьсэлэсь куронъёссэс но ӵектонъёссэс шараязы. Вераськизы гурт удысын ужамъёслы пенси тырон, йӧскалык телевещаниез утён но мукет ужпумъёс сярысь.
Валерий Бузилов федерал коньдэтлэн ӵектосэз бордын ужлэн мынэмез сярысь вераз. Кун Думалэн Тӧроез Вячеслав Володин депутатъёс азе ужпум пуктӥз бюджетысь уксё пайдалыко мед кутӥськоз шуыса. Нимысьтыз саклык висъяны куриз улосъёсы лэзем коньдонэз ужатонлы. Бюджетлэн кыкетӥ лыдӟонэзлы пусъемын луыны кулэ, кыӵе улосъёсы кӧня коньдон келямын луоз вуоно арын. 1-тӥ толшорозь улосвылъёсын огкылъёсты юнматъяно ини, ивортӥз депутат.
Кыкетӥез ужпум – улосвылъёслэсь бюджет азьын луонлыкъёссэс ӵошкатон. Кун Дума та ласянь Россилэн Кивалтэтэзлы нимысьтыз дорожной карта дасяны курыса вазиськиз. Угось, али пӧртэм улосвылъёслэн федерал бюджетысь басьтоно юрттэтсы сизьым пол висъяськыны быгатэ. Кун Думаысь спикерен пуктэм куинетӥез ужпум – улосвылъёсысь инвестици проектъёслы юрттӥськон, инвестици фондъёс кылдытон.
Кун Думаысь «Единая Россия» фракцилэн кивалтӥсезлэн воштӥсез Андрей Исаев парламентлэн улӥ палатаяз дасяськись катӵектосъёс сярысь вераз. Кылсярысь, школаын дышетскись пичи пиналъёсты дунтэк сюдон. Та катӵектос пиналъёсты шонер но таза сюдон радлыкез тупатэ, сиён-юонлэсь ӟечлыксэ но кышкыттэм луэмзэ эскеронэз пусъе. Андрей Исаевлэн верамезъя, али та катӵектосэз коньдонэн юнматон амалъёсты эскеро.
Кун Кенешлэн Президиумезлэн ёзчиосыз асьсэлэсь куронъёссэс но ӵектонъёссэс шараязы. Вераськизы гурт удысын ужамъёслы пенси тырон, йӧскалык телевещаниез утён но мукет ужпумъёс сярысь.