Кун Кенешлэн Президиумез «Социальная поддержка граждан» кун программалэсь быдэсъяськемзэ эскериз
18.10.2019
Туннэ Кун Кенешлэн Президиумез «Социальная поддержка граждан» кун программалэсь быдэсъяськемзэ эскериз. Шаерамы со 2015 арысен ужа.
Кызьы вераз Элькунысь мерлыко политикая но ужъя министр Татьяна Чуракова, программа улонлэсь ӟечлыксэ ӝутыны, мерлыко юрттэт сётонэз умоятыны, демографи югдурез тупатыны, семьялэсь интызэ юнматыны юрттон понна чакламын. 2019 арын программаысь ужрадъёсты быдэсъяны 9,3 миллиард манет чакламын. Бадӟым люкетэз со мынэ мерлыко тыронъёслы. Валтӥсез луэ егит но трос нылпиё семьяослы юрттэт сётон. Нырысетӥ палар ӵоже нырысетӥ пиналзэс вордэм яке вордыны басьтэм 4 сюрс пала кулэяськись семьяос юрттэт басьтыны кутскизы ини. Толэзьлы быдэ тыронъёс озьы ик лэсьтӥсько 3-тӥ но со бӧрсьы пинал вордэм 4,5 сюрс семьяослы.
2019 арысен одӥг пол сётӥськись юрттэт чакламын студент семьяослы. Туэ сое 90 пала семьяос басьтозы.
Кун Кенешысь ужъя, мерлыко политикая но ветеранъёслэн ужъёссыя комиссилэн кивалтӥсез Алексей Чернов пыр-поч вераз мерлыко юрттэт сётон амалъёсты выльдонъя подпрограмма сярысь. Кызьы ивортӥз депутат, элькун парламентлэн матысь сессияз эскеремын луоз выль катӵектос. Соя Элькунлэн Тӧроез арлы быдэ ивортон лэсьтоз культура, тазалыкез утён, дышетон, мерлыко юрттэт сётон удысъёсысь юртъёслэн ужамзылэн ӟечлыкезъя.
Кызьы вераз Элькунысь мерлыко политикая но ужъя министр Татьяна Чуракова, программа улонлэсь ӟечлыксэ ӝутыны, мерлыко юрттэт сётонэз умоятыны, демографи югдурез тупатыны, семьялэсь интызэ юнматыны юрттон понна чакламын. 2019 арын программаысь ужрадъёсты быдэсъяны 9,3 миллиард манет чакламын. Бадӟым люкетэз со мынэ мерлыко тыронъёслы. Валтӥсез луэ егит но трос нылпиё семьяослы юрттэт сётон. Нырысетӥ палар ӵоже нырысетӥ пиналзэс вордэм яке вордыны басьтэм 4 сюрс пала кулэяськись семьяос юрттэт басьтыны кутскизы ини. Толэзьлы быдэ тыронъёс озьы ик лэсьтӥсько 3-тӥ но со бӧрсьы пинал вордэм 4,5 сюрс семьяослы.
2019 арысен одӥг пол сётӥськись юрттэт чакламын студент семьяослы. Туэ сое 90 пала семьяос басьтозы.
Кун Кенешысь ужъя, мерлыко политикая но ветеранъёслэн ужъёссыя комиссилэн кивалтӥсез Алексей Чернов пыр-поч вераз мерлыко юрттэт сётон амалъёсты выльдонъя подпрограмма сярысь. Кызьы ивортӥз депутат, элькун парламентлэн матысь сессияз эскеремын луоз выль катӵектос. Соя Элькунлэн Тӧроез арлы быдэ ивортон лэсьтоз культура, тазалыкез утён, дышетон, мерлыко юрттэт сётон удысъёсысь юртъёслэн ужамзылэн ӟечлыкезъя.