Кышкыттэмлыкъя, Регламентъя но Кун Кенешлэсь ужзэ радъянъя комиссилэн кенешонэз ортчиз
16.10.2019
Туннэ кышкыттэмлыкъя, Регламентъя но Кун Кенешлэсь ужзэ радъянъя комиссилэн кенешонэз ортчиз. Нуиз сое элькун парламентлэн Тӧроезлэн нырысетӥ воштӥсез, ӧрилэн кивалтӥсез Владимир Невоструев. Депутатъёс йыружъёсын нюръяськонъя элькун программалэсь быдэсъяськемзэ эскеризы. Солэн ужамез сярысь ивортон лэсьтӥз Элькунысь кунпуш ужпумъёсъя министерствоысь Управленилэн кивалтӥсез Светлана Селёва.
Шаерамы та дыре 67 калык дружинаос но эрикрадэз утёнъя одӥг мерлыко огазеяськон ужало. Элькун коньдэт соосты возьыны муниципал кылдытэтъёслы уксё софинансирование амалэн висъя. Туэ 9 толэзь ӵоже дружинникъёс 973 эскерон ужрадъёс ортчытъязы. 1200 каттӥянъёсты алыны юрттӥзы, 15-сэ шараян уже пыриськизы. Соос пӧлын – наркотикъёсты вӧлмытонэн но адямиез вӧсь каронэн герӟаськем йыружъёс.
Кызьы вераз Светлана Селёва, туэ программалэн выль ӧръёсыз потӥзы. Соос пӧлын – азьвыл кылкутон улэ сюрылэм адямиослы уже интыяськыны юрттон. Элькун бюджет чотын адями дунтэк медосмотр ортчыны быгатэ. Озьы кылем арысен 45 мурт уже интыяськыны быгатӥз ини. Нимысьтыз уж нуиське семьяосазы ултӥян улэ сюрем нылкышноослы юрттэт сётон ласянь. Шуг югдуре сюрем нылпиос понна лагерь сменаос радъясько.
Депутатъёс саклык висъяны куризы быдэ вуымтэосын ужанлы. Туэ 8 толэзь ӵоже быдэ вуымтэосын 280 пала йыружъёс лэсьтэмын. Кылем арлэн та вакытэз ӵошатыса, со 8 процентлы тросгес. Берло дыре вӧлмыны кутскиз школаосын дышетскисьёслэн ог-огзэс ултӥянзы, ӧнерчиослэн кылынызы вераса – буллинг. Пиналъёс ёзъёссэс кылын но, ужъёсын но вӧсь карыны быгато. Та ласянь эрикрадэз утисьёс ласянь но, кат кылдытъясьёс ласянь но ӝегатскытэк чурыт ужрадъёс кутыны кулэ, пусйизы комиссилэн ёзчиосыз.
Комиссилэн кенешоназ озьы ик эскеремын вал мукет ужпумъёс но. Депутатёс, кылсярысь, умоен лыдъязы куд-ог каттӥянъёс понна административной кылкутон сярысь катэ ӵектэм воштонъёсты. Чус улон сярысь катэз кутэмен, тупатӥське солэсь куронъёссэ тӥям понна кылкутон. Озьы катэн лэзьымтэ дыре куашетэм понна нимаз адямиос сюрсысен кык но ӝыны сюрс манетозь, ужоскето адямиос – 10 сюрсысен 15 сюрс манетозь, юридик муртъёс 25 сюрсысен 50 сюрс манетозь тыриськон улэ кыскемын луыны быгатозы.
Шаерамы та дыре 67 калык дружинаос но эрикрадэз утёнъя одӥг мерлыко огазеяськон ужало. Элькун коньдэт соосты возьыны муниципал кылдытэтъёслы уксё софинансирование амалэн висъя. Туэ 9 толэзь ӵоже дружинникъёс 973 эскерон ужрадъёс ортчытъязы. 1200 каттӥянъёсты алыны юрттӥзы, 15-сэ шараян уже пыриськизы. Соос пӧлын – наркотикъёсты вӧлмытонэн но адямиез вӧсь каронэн герӟаськем йыружъёс.
Кызьы вераз Светлана Селёва, туэ программалэн выль ӧръёсыз потӥзы. Соос пӧлын – азьвыл кылкутон улэ сюрылэм адямиослы уже интыяськыны юрттон. Элькун бюджет чотын адями дунтэк медосмотр ортчыны быгатэ. Озьы кылем арысен 45 мурт уже интыяськыны быгатӥз ини. Нимысьтыз уж нуиське семьяосазы ултӥян улэ сюрем нылкышноослы юрттэт сётон ласянь. Шуг югдуре сюрем нылпиос понна лагерь сменаос радъясько.
Депутатъёс саклык висъяны куризы быдэ вуымтэосын ужанлы. Туэ 8 толэзь ӵоже быдэ вуымтэосын 280 пала йыружъёс лэсьтэмын. Кылем арлэн та вакытэз ӵошатыса, со 8 процентлы тросгес. Берло дыре вӧлмыны кутскиз школаосын дышетскисьёслэн ог-огзэс ултӥянзы, ӧнерчиослэн кылынызы вераса – буллинг. Пиналъёс ёзъёссэс кылын но, ужъёсын но вӧсь карыны быгато. Та ласянь эрикрадэз утисьёс ласянь но, кат кылдытъясьёс ласянь но ӝегатскытэк чурыт ужрадъёс кутыны кулэ, пусйизы комиссилэн ёзчиосыз.
Комиссилэн кенешоназ озьы ик эскеремын вал мукет ужпумъёс но. Депутатёс, кылсярысь, умоен лыдъязы куд-ог каттӥянъёс понна административной кылкутон сярысь катэ ӵектэм воштонъёсты. Чус улон сярысь катэз кутэмен, тупатӥське солэсь куронъёссэ тӥям понна кылкутон. Озьы катэн лэзьымтэ дыре куашетэм понна нимаз адямиос сюрсысен кык но ӝыны сюрс манетозь, ужоскето адямиос – 10 сюрсысен 15 сюрс манетозь, юридик муртъёс 25 сюрсысен 50 сюрс манетозь тыриськон улэ кыскемын луыны быгатозы.