«Сектаськон интыосъя» федерал катӵектосэз эскериз «Единая Россия» фракциослэн кивалтӥсьёссылэн Кенешсы
11.10.2019
Кун Думаысь «Единая Россия» фракцилэн кивалтӥсезлэн Сергей Неверовлэн кивалтэмез улсын Москваын «Единая Россия» фракциослэн кивалтӥсьёссылэн Кенешсы ортчиз. Пумиськонэ ветлӥз Удмуртилэн Кун Кенешысьтыз «Единая Россия» фракцилэн киивалтӥсез Елена Дербилова.
Эскероно ужпумъёс полын – улон коркаослэн нырысетӥ этажъёсазы интыяськем «сектаськон интыос» сярысь федерал катӵектос.
Тодады вайытом, дас ньылетӥ сессияз Удмуртиысь Кун Кенеш Россиысь Кун Думалы вазиськон ыстӥз. Депутатъёс кудӟытӥсьсэ калыкез сюдон интыосын вузанэз радъян ужоскетъёсты улосъёслы берыктыны куризы. Али интыосын радъяны луэ вузкаронниослэсь ужзэс. Нош кафеослэн но калыкез сюдон мукет интыослэн ужзы тупатӥське федерал законъёсын. Соин валче улон коркаослэн нырысетӥ этажъёсазы усьтӥськем куд-ог вузкаронниос асьсэды кафе яке бар шуыса нимазы но кудӟытӥсьсэ лэзьяса вузаны кутскизы. Та пумысен депутатъёс доры уно ӝожтӥськонъёс вуыны ӧдъязы.
Удмуртиысь Кун Кенешлэн ӵектосэзлы дурбасьтэмзэс веразы уно мукет улосъёсысь депутатъёс. Озьы туэ 24-тӥ куарусёнэ та выллем «сектаськон интыосын» нюръяськонъя катӵектосэз Кун Дума нырысетӥ лыдӟемен юнматӥз. Кыкетӥ лыдӟонлы дасян улсын, ӵектосэз улосъёслы эскерыны келязы. Кызьы пусйиз Кун Думаысь комитетлэн кивалтӥсезлэн воштӥсез Александр Хинштейн, катэз кутыку, вань улосъёслэн куронъёссы лыдэ басьтэмын луозы. Куронъёсъя ужась кафеосты выль кат уз йӧтылы, валэктӥз депутат. Со ужбергатонлы но бизнеслы могӟетъёс кылдытыны кулэ ӧвӧл.
Удмурт парламентысь фракцилэн кивалтӥсез Елена Дербилова, кенешонын вераськыкуз, пусйиз, Удмуртиын та дыре 60 пала алдарчи баръёс но кафеос лыдъясько. Бадӟым люкетэз соос интыяськемын Ижкарын. Туэ 9 толэзь ӵоже шаерысь сюресъёс вылын кудӟем водительёсын сэрен луэм 145 шуккиськон учыр пусъемын. Куиньмосэз соос уин луэмын.
«Кудӟытӥсь юонъёсты вузанэз радъян ласянь Кун Кенешен но, эрикрадэз утись ёзъёсын но бадӟым уж нуиське. Но катрадлыкысь тырмымтэос уин улон коркаосын вузкаронэз дугдытыны луонлык уг сёто»,- вераз Дербилова.
Со озьы ик куриз кудӟытӥсьсэ вузаны быгатӥсь кафеослэсь но баръёслэсь быдӟалазэс юнматонэз улосъёслы сётыны яке федерал катэн тужгес пичи лыдпусъёсты пусйыны. Кылсярысь, каръёсын со инты 50 квадрат метрлэсь пичи медам луы, нош гуртъёсын – 30 квадрат метрлэсь. Али эскериськись федерал катӵектосъя вузкарон интылэн калыкез пумитаны чаклам интыез 20 квадрат метрлэсь пичи луыны уг яра. Озьы ик пусйыны кулэ пукон интыослэсь но ӝӧкъёслэсь тужгес ичи мындалазэс, чектӥз Елена Дербилова.
Со оскемзэ вераз, туэ сӥзьыл сессиын ини кат быдэсак кутэмын луоз шуыса.
Эскероно ужпумъёс полын – улон коркаослэн нырысетӥ этажъёсазы интыяськем «сектаськон интыос» сярысь федерал катӵектос.
Тодады вайытом, дас ньылетӥ сессияз Удмуртиысь Кун Кенеш Россиысь Кун Думалы вазиськон ыстӥз. Депутатъёс кудӟытӥсьсэ калыкез сюдон интыосын вузанэз радъян ужоскетъёсты улосъёслы берыктыны куризы. Али интыосын радъяны луэ вузкаронниослэсь ужзэс. Нош кафеослэн но калыкез сюдон мукет интыослэн ужзы тупатӥське федерал законъёсын. Соин валче улон коркаослэн нырысетӥ этажъёсазы усьтӥськем куд-ог вузкаронниос асьсэды кафе яке бар шуыса нимазы но кудӟытӥсьсэ лэзьяса вузаны кутскизы. Та пумысен депутатъёс доры уно ӝожтӥськонъёс вуыны ӧдъязы.
Удмуртиысь Кун Кенешлэн ӵектосэзлы дурбасьтэмзэс веразы уно мукет улосъёсысь депутатъёс. Озьы туэ 24-тӥ куарусёнэ та выллем «сектаськон интыосын» нюръяськонъя катӵектосэз Кун Дума нырысетӥ лыдӟемен юнматӥз. Кыкетӥ лыдӟонлы дасян улсын, ӵектосэз улосъёслы эскерыны келязы. Кызьы пусйиз Кун Думаысь комитетлэн кивалтӥсезлэн воштӥсез Александр Хинштейн, катэз кутыку, вань улосъёслэн куронъёссы лыдэ басьтэмын луозы. Куронъёсъя ужась кафеосты выль кат уз йӧтылы, валэктӥз депутат. Со ужбергатонлы но бизнеслы могӟетъёс кылдытыны кулэ ӧвӧл.
Удмурт парламентысь фракцилэн кивалтӥсез Елена Дербилова, кенешонын вераськыкуз, пусйиз, Удмуртиын та дыре 60 пала алдарчи баръёс но кафеос лыдъясько. Бадӟым люкетэз соос интыяськемын Ижкарын. Туэ 9 толэзь ӵоже шаерысь сюресъёс вылын кудӟем водительёсын сэрен луэм 145 шуккиськон учыр пусъемын. Куиньмосэз соос уин луэмын.
«Кудӟытӥсь юонъёсты вузанэз радъян ласянь Кун Кенешен но, эрикрадэз утись ёзъёсын но бадӟым уж нуиське. Но катрадлыкысь тырмымтэос уин улон коркаосын вузкаронэз дугдытыны луонлык уг сёто»,- вераз Дербилова.
Со озьы ик куриз кудӟытӥсьсэ вузаны быгатӥсь кафеослэсь но баръёслэсь быдӟалазэс юнматонэз улосъёслы сётыны яке федерал катэн тужгес пичи лыдпусъёсты пусйыны. Кылсярысь, каръёсын со инты 50 квадрат метрлэсь пичи медам луы, нош гуртъёсын – 30 квадрат метрлэсь. Али эскериськись федерал катӵектосъя вузкарон интылэн калыкез пумитаны чаклам интыез 20 квадрат метрлэсь пичи луыны уг яра. Озьы ик пусйыны кулэ пукон интыослэсь но ӝӧкъёслэсь тужгес ичи мындалазэс, чектӥз Елена Дербилова.
Со оскемзэ вераз, туэ сӥзьыл сессиын ини кат быдэсак кутэмын луоз шуыса.