Экономика политикая ялан ужась ӧри умоен лыдъяз выт тыронъя капчиятонъёс кылдытон сярысь катӵектосэз
10.10.2019
Александр Майер экономика политикая, промышленностья но инвестициосъя ялан ужась ӧрилэсь кенешонзэ ортчытӥз. Депутатъёс «Производительность труда и поддержка занятости» йӧскалык проектэ пыриськись предприятиослы выт тыронъя капчиятонъёс кылдытон сярысь катӵектосэз эскеризы.
Кызьы валэктӥз Элькунысь экономикая министр Михаил Тумин, 2019 арысен Удмуртия йӧскалык проектъя ужась предприятиослы выт тыронъя капчиятонъёс сётонъя экспериментэ пыриське. Ваньмыз-ӧвӧлэз та ужрадэ 6 улосъёс пыртэмын луозы. Но ваньмаз отын эскерон уж мытэмын луоз вуоно арысен, Удмуртиын гинэ – та арысен.
Таин валче кык элькун катъёсы воштонъёс пыртыны чакламын. Соосъя йӧскалык проектэ пыриськись предприятиос шаерамы пуктэм выль юртъёссы понна ваньбурлы выт тыронлэсь мозмытэмын луозы.
Капчиятонъёс кылдытыны чакламын улосвыл инвестици проектъёсты быдэсъясь предприятиослы. Пуктэм юртъёссы сяна, выт тыронлэсь мозмытэмын луоз соослэн басьтэм но тупатъям ваньбурзы но. Та капчиятонъёс ваньбурез учётэ пуктэм дырысен 5 ар ӵожелы чакламын.
Та ужрадъёс Удмурт Элькунлэсь инвестициосты кыскыны луонлыкъёссэ будэтозы, ваньбур поттонэз юрттозы, выль уж интыос кылдытозы, ужан пайдалыкез – производительностез - будэтозы.
Михаил Тумин тодэ вайытӥз, 2019 арын Удмуртиысь шор но бадӟым предприятиосын ужлэн пайдалыкез 2 но 2 дасмос процентлы будыны кулэ, 2020 арын – эшшо 3 но 1 дасмос процентлы. 2024 арлы со арлы быдэ ӧжытсэ 5 процентлы йылыны кулэ.
Депутатъёс катӵектосэз умоен лыдъязы. Кун Кенешлэн вуоно сессияз сое юнматыны быгатозы.
Комиссилэн кенешоназ мукет ужпумъёсты но эскеризы.
Кызьы валэктӥз Элькунысь экономикая министр Михаил Тумин, 2019 арысен Удмуртия йӧскалык проектъя ужась предприятиослы выт тыронъя капчиятонъёс сётонъя экспериментэ пыриське. Ваньмыз-ӧвӧлэз та ужрадэ 6 улосъёс пыртэмын луозы. Но ваньмаз отын эскерон уж мытэмын луоз вуоно арысен, Удмуртиын гинэ – та арысен.
Таин валче кык элькун катъёсы воштонъёс пыртыны чакламын. Соосъя йӧскалык проектэ пыриськись предприятиос шаерамы пуктэм выль юртъёссы понна ваньбурлы выт тыронлэсь мозмытэмын луозы.
Капчиятонъёс кылдытыны чакламын улосвыл инвестици проектъёсты быдэсъясь предприятиослы. Пуктэм юртъёссы сяна, выт тыронлэсь мозмытэмын луоз соослэн басьтэм но тупатъям ваньбурзы но. Та капчиятонъёс ваньбурез учётэ пуктэм дырысен 5 ар ӵожелы чакламын.
Та ужрадъёс Удмурт Элькунлэсь инвестициосты кыскыны луонлыкъёссэ будэтозы, ваньбур поттонэз юрттозы, выль уж интыос кылдытозы, ужан пайдалыкез – производительностез - будэтозы.
Михаил Тумин тодэ вайытӥз, 2019 арын Удмуртиысь шор но бадӟым предприятиосын ужлэн пайдалыкез 2 но 2 дасмос процентлы будыны кулэ, 2020 арын – эшшо 3 но 1 дасмос процентлы. 2024 арлы со арлы быдэ ӧжытсэ 5 процентлы йылыны кулэ.
Депутатъёс катӵектосэз умоен лыдъязы. Кун Кенешлэн вуоно сессияз сое юнматыны быгатозы.
Комиссилэн кенешоназ мукет ужпумъёсты но эскеризы.