Версия для слабовидящих
Алексей Прасолов Россилэн вуоно арлы бюджетэзлэн ӵектосэзъя парламент кылзонъёсы пыриськоз

Алексей Прасолов Россилэн вуоно арлы бюджетэзлэн ӵектосэзъя парламент кылзонъёсы пыриськоз

03.10.2019
Алексей Прасолов Россилэн вуоно арлы бюджетэзлэн ӵектосэзъя парламент кылзонъёсы пыриськоз
4-тӥ коньывуонэ 2019-тӥ арын Россилэн Федерал Собраниысьтыз Федераци Кенешын федерал бюджетлэн вуоно аръёслы ӵектосэзъя парламент кылзонъёс ортчозы. Нуоз соосты Росси парламентлэн вылӥ палатаезлэн кивалтӥсез Валентина Матвиенко.
Удмуртилэн нимыныз та ужрадэ пыриськоз Кун Кенешлэн Тӧроез Алексей Прасолов.
Валтӥсь ивортон лэсьтоз Росси Кивалтэтлэн нырысетӥ воштӥсез – коньдон ужпумъёсъя Министр Антон Силуанов. Федерал бюджетлэн 2020-2022-тӥ аръёслы ӵектосэз Кун Думае 30-тӥ куарусёнэ вуиз. Кивалтэтлэн чакланъёсызъя, вуоно арын табышъёс 2,1 процентлы йылозы но 20,4 трлн манет луозы. 2022-тӥ арын коньдэтэ 22,1 трлн манет вуыны кулэ. Уже кутон коньдон, та арен ӵошатыса, 6,6 процентлы будоз. 2020-тӥ арын со 19,5 трлн манет луоз, 2022-тӥ арлы 21,8 трлн манетозь вуоз.
Профицитлэн быдӟалаез 2020-тӥ арын 876,1 миллиард, 2021-тӥ арын - 612,5 миллиард, 2022-тӥ арын - 295 миллиард манет луоз шуыса чакламын.

Возврат к списку