Версия для слабовидящих
Яр ёрослы Тӧрое быръемын Александр Старцев

Яр ёрослы Тӧрое быръемын Александр Старцев

26.09.2019
Яр ёрослы Тӧрое быръемын Александр Старцев
Яр ёросэн кивалтоз Александр Старцев. Сое бырйизы туннэ депутатъёслэн ёрос кенешсылэн сессияз. Сессилэн ужаз пыриськиз Кун Кенешлэн Тӧроезлэн Нырысетӥ воштӥсез Владимир Невоструев. Александр Старцевлэн кандидатураез понна 20-ез депутатъёс куаразэс сётӥзы. Куинез дурбасьтӥзы Сергей Щепин понна, витез бюллетеньёс ярантэм лыдъямын.
Яр ёрослы Тӧро луон понна сизьым мурт вожвылъяськиз. Конкурслэн йылпумъян люкетаз «Пудемское» муниципал кылдытэтлэн тӧроез Сергей Щепин но Яр ёросысь депутат кенешлэн тӧроез Александр Старцев потӥзы.
Выль Тӧроез ӟечкылаз но выль интыын азинлыко ужаны сӥзиз Кун Кенешлэн Тӧроез Алексей Прасолов.
Александр Старцев вордӥськиз 1982 арын. Вылӥ тодон-валан басьтӥз Удмурт кун университетын, ужаз юрист, прокурорлэн юрттӥсез, адвокат луыса. 2014-2016 аръёсы Яр ёрос администрацилэн тӧроезлэн воштӥсез луыса тыршиз. Куинь ар талэсь азьло кивалтыны кутскиз ёросысь депутат кенешен.


Возврат к списку