Ваньмыз чакламъя мынэ. Ува ёросын йӧскалык ӵектосъёслэсь быдэсъяськемзэс эскеризы
14.08.2019
Кун Кенешлэн Тӧроезлэн нырысетӥ воштӥсез Владимир Невоструев 13 гудырикошконэ ужаз Ува ёросын. Интыысь кивалтӥсьёсын ӵош со йӧскалык ӵектосъёслэсь быдэсъяськемзэс эскериз.
Эскерон ортчытон нырысетӥез инты – Нылга черкогурт. Отын «Жильё и городская среда» проектъя ужъёс мыно. Заводской урамын азбар тупатъямын. Ужъёсты толэзь ӵоже быдэстӥзы. Табере пильылӥськем асфальт интые паськыт тротуар вӧлдэмын, подъездъёс вӧзы ӟусъёс пуктылэмын. Ужъёс 300 сюрс манет тыр усизы. Азьланяз азбарез югдытыны, палисадник лэсьтыны чаклало на. «Улӥсьёсмы шумпото, городын кадь чебер луиз шуыса», - вераз «Нылга» муниципал кылдытэтлэн тӧроез Александр Акбаев.
Проект улсын азьланьтӥське «Клубный сад» нимо паркез тупатъян. Со – Нылга черкогуртлэн шорсюлэмыз. Кылем арын ужъёслы 740 сюрс манет висъямын вал. Коньдонэн пыдын ветлон выль сюрес вӧлдӥзы, ӟусъёс пуктылӥзы но шудон инты лэсьтӥзы. 2019 арын ужъёс азьланьтӥськизы. «Парке писпуос мерттыны, шудон интыез узырмытыны но Быдӟым Атыкай оже ветлэмъёслы синпелет пуктыны чакласьком на», - ивортӥз Ува ёросысь депутат кенешлэн тӧроез Ирина Митрюкова.
Ужась группа озьы ик тодматскиз Ува каргуртын нылпи сад лэсьтонлэн мынэменыз. Со 3 аресозь пиналъёслы чакламын. Лэсьтӥськон Росси Азьмуртэн ӵектэм «Демография» проект улсын мынэ.
«80 интылы нылпи садэз пуктыны кутскизы туэ гужем. 1-тӥ шуркынмонлы сое быдэстыны чакламын ини. Та дыре юртлэсь пушсэ чеберъян ужъёс мыно, озьы ик липетсэ лэсьтон азьланьтӥське. Куазь шоры учкытэк, ужъёс чакламлэсь 2 арнялы ӝоггес мыно», - ивортӥз Кун Кенешысь депутат Фарит Халитов.
Эскеризы на ёросысь «Юность» культура юртын мынӥсь ужъёсты. «Культура малой родины» федерал проектъя отын ву гумыос воштэмын, тылпулэсь утиськон сӧзнэт, борддоръёс, вӧлдэт выльдэмын, канализация лэсьтэмын. Туэ воштэмын ини выж, али пуконъёсты выльдо. «Шыръям коньдонэн катанчи басьтыны луоз на», - вераз Владимир Невоструев.
Эскерон ортчытон нырысетӥез инты – Нылга черкогурт. Отын «Жильё и городская среда» проектъя ужъёс мыно. Заводской урамын азбар тупатъямын. Ужъёсты толэзь ӵоже быдэстӥзы. Табере пильылӥськем асфальт интые паськыт тротуар вӧлдэмын, подъездъёс вӧзы ӟусъёс пуктылэмын. Ужъёс 300 сюрс манет тыр усизы. Азьланяз азбарез югдытыны, палисадник лэсьтыны чаклало на. «Улӥсьёсмы шумпото, городын кадь чебер луиз шуыса», - вераз «Нылга» муниципал кылдытэтлэн тӧроез Александр Акбаев.
Проект улсын азьланьтӥське «Клубный сад» нимо паркез тупатъян. Со – Нылга черкогуртлэн шорсюлэмыз. Кылем арын ужъёслы 740 сюрс манет висъямын вал. Коньдонэн пыдын ветлон выль сюрес вӧлдӥзы, ӟусъёс пуктылӥзы но шудон инты лэсьтӥзы. 2019 арын ужъёс азьланьтӥськизы. «Парке писпуос мерттыны, шудон интыез узырмытыны но Быдӟым Атыкай оже ветлэмъёслы синпелет пуктыны чакласьком на», - ивортӥз Ува ёросысь депутат кенешлэн тӧроез Ирина Митрюкова.
Ужась группа озьы ик тодматскиз Ува каргуртын нылпи сад лэсьтонлэн мынэменыз. Со 3 аресозь пиналъёслы чакламын. Лэсьтӥськон Росси Азьмуртэн ӵектэм «Демография» проект улсын мынэ.
«80 интылы нылпи садэз пуктыны кутскизы туэ гужем. 1-тӥ шуркынмонлы сое быдэстыны чакламын ини. Та дыре юртлэсь пушсэ чеберъян ужъёс мыно, озьы ик липетсэ лэсьтон азьланьтӥське. Куазь шоры учкытэк, ужъёс чакламлэсь 2 арнялы ӝоггес мыно», - ивортӥз Кун Кенешысь депутат Фарит Халитов.
Эскеризы на ёросысь «Юность» культура юртын мынӥсь ужъёсты. «Культура малой родины» федерал проектъя отын ву гумыос воштэмын, тылпулэсь утиськон сӧзнэт, борддоръёс, вӧлдэт выльдэмын, канализация лэсьтэмын. Туэ воштэмын ини выж, али пуконъёсты выльдо. «Шыръям коньдонэн катанчи басьтыны луоз на», - вераз Владимир Невоструев.