Удмуртиын йылпумъянъёс лэсьтӥзы «Старшее поколение» ӵектослэн 2019 арлэн нырысетӥ палараз быдэсъяськемезлы
18.06.2019
Туннэ Совето Союзлэн Героезлэсь Ф.А. Пушиналэсь нимзэ нуллӥсь Элькун эмколледжын «Единая Россия» партилэн «Старшее поколение» проектэзлэн Мерлыко кенешез люкаськылӥз. Кенешлэн ёзчиосыз проектлэн туэ ӝыны ар ӵоже быдэсъяськемезлы йылпумъянъёс лэсьтӥзы. Вераськонэ пыриськиз Кун Кенешлэн Тӧроез, проектлэн улосвыл кураторез Алексей Прасолов, кышкыттэмлыкъя, Регламентъя но Кун Кенешлэсь ужзэ радъянъя ялан ужась ӧрилэн кивалтӥсез Елена Дербилова, ужъя, мерлыко политикая но ветеранъёслэн ужпумъёссыя ялан ужась ӧрилэн кивалтӥсез Алексей Чернов, министерствооысь но ведомствоосысь ӧнерчиос.
Мерлыко политикая но ужъя элькун министерстволэн ивортэмезъя, 15-тӥ оштолэзьлы Удмуртиын Быдӟым Атыкай ожысь 438 ветеран улэ. Соос пӧлысь 317-ез – ожмаськонъёсы пыриськемъёс, 73-ез – быдэ вуымтэ дыръязы концлагерьёсын воземъёс, 47-ез Ленинградын блокада вакыт улэмъёс. 216-ез ветеранъёс уло Ижкарын. Ӝыныез гинэ соос али асьсэ понна ураме потаны быгато на, ивортӥз Партилэн Тӧроезлэн Дмитрий Медведевлэн Удмуртиысь мерлыко приёмноезлэн кивалтӥсез Светлана Кривилёва.
Арлыдоос –депутатъёс доры тужгес ӵем вазиськылись муртъёс. Соосты сюлмаськытӥсь ужпумъёс пӧлын – жилищно-коммунальной возёсэн, мерлыко юрттэт басьтонэн, дунтэк эмъюм висъянэн герӟаськем юанъёс. Соосты сэрттон-пертчон уже ёрос но кар кенешъёсысь, элькун парламентысь но Кун Думаысь депутатъёс пырисько.
Калыкен быръемъёс озьы ик юртто оже быремъёслы синпелетъёсты тупатъяны-выльдыны. Вормисьёсты данъяса, шаерамы 20-лэсь ятыр писпу арамаос мерттэмын. «Мынӥсько ветеран доры» акци улсын депутатъёс 4000-лэсь ятыр ветеранъёс доры вуылизы, волонтёръёсын ӵош ог 2000 ветеранъёслы доразы ужъёссэс быдэстыны юрттӥзы, 300 пала интернатъёслэсь но ветеранъёслы чаклам юртъёслэсь, бырем ожгарчиослы сӥзем синпелетъёслэсь котыръёссэс чылкытатӥзы-тупатъязы.
Светлана Кривилёва пусйиз, улосъёсын арлыдоосын нуиськись ужлы Федераци Кенешын но умой дунъет сёто шуыса. Интыосын вань ӟеч кичӧлтонъёс, кудъёссэ паськытгес но кутыны луысал.
Кенешонын эскеризы арлыдоослы юрттэт сётон службаез азинтонъя Кун Кенеше вуэм ӵектонъёсты. Соосты пумиськонлэн резолюцияз пыртыны кенешемын.
Туннэ ик кенешонэ пыриськисьёс колледжысь студентъёсын ӵош Быдӟым Атыкай ожын бырем эмсузэрлы, Удмуртиын вордскем Федора Пушиналы сӥзем синпелет доры сяськаос понӥзы.
Мерлыко политикая но ужъя элькун министерстволэн ивортэмезъя, 15-тӥ оштолэзьлы Удмуртиын Быдӟым Атыкай ожысь 438 ветеран улэ. Соос пӧлысь 317-ез – ожмаськонъёсы пыриськемъёс, 73-ез – быдэ вуымтэ дыръязы концлагерьёсын воземъёс, 47-ез Ленинградын блокада вакыт улэмъёс. 216-ез ветеранъёс уло Ижкарын. Ӝыныез гинэ соос али асьсэ понна ураме потаны быгато на, ивортӥз Партилэн Тӧроезлэн Дмитрий Медведевлэн Удмуртиысь мерлыко приёмноезлэн кивалтӥсез Светлана Кривилёва.
Арлыдоос –депутатъёс доры тужгес ӵем вазиськылись муртъёс. Соосты сюлмаськытӥсь ужпумъёс пӧлын – жилищно-коммунальной возёсэн, мерлыко юрттэт басьтонэн, дунтэк эмъюм висъянэн герӟаськем юанъёс. Соосты сэрттон-пертчон уже ёрос но кар кенешъёсысь, элькун парламентысь но Кун Думаысь депутатъёс пырисько.
Калыкен быръемъёс озьы ик юртто оже быремъёслы синпелетъёсты тупатъяны-выльдыны. Вормисьёсты данъяса, шаерамы 20-лэсь ятыр писпу арамаос мерттэмын. «Мынӥсько ветеран доры» акци улсын депутатъёс 4000-лэсь ятыр ветеранъёс доры вуылизы, волонтёръёсын ӵош ог 2000 ветеранъёслы доразы ужъёссэс быдэстыны юрттӥзы, 300 пала интернатъёслэсь но ветеранъёслы чаклам юртъёслэсь, бырем ожгарчиослы сӥзем синпелетъёслэсь котыръёссэс чылкытатӥзы-тупатъязы.
Светлана Кривилёва пусйиз, улосъёсын арлыдоосын нуиськись ужлы Федераци Кенешын но умой дунъет сёто шуыса. Интыосын вань ӟеч кичӧлтонъёс, кудъёссэ паськытгес но кутыны луысал.
Кенешонын эскеризы арлыдоослы юрттэт сётон службаез азинтонъя Кун Кенеше вуэм ӵектонъёсты. Соосты пумиськонлэн резолюцияз пыртыны кенешемын.
Туннэ ик кенешонэ пыриськисьёс колледжысь студентъёсын ӵош Быдӟым Атыкай ожын бырем эмсузэрлы, Удмуртиын вордскем Федора Пушиналы сӥзем синпелет доры сяськаос понӥзы.