Версия для слабовидящих
Алексей Чернов журналистъёсын пумиськылӥз

Алексей Чернов журналистъёсын пумиськылӥз

06.06.2019
Алексей Чернов журналистъёсын пумиськылӥз
Туннэ Кун Кенешысь ужъя, мерлык политикая но ветеранъёслэн ужпумъёссыя ялан ужась ӧрилэн кивалтисез Алексей Чернов журналистъёсын пумиськылӥз. Со ивортӥз комиссилэн каткылдытъян, мерлык политикаысь лэчыт ужпумъёсты сэрттон-пертчон бордын ужамез сярысь, журналистъёслэн юанъёссылы валэктонъёс сётӥз.
Кызьы вераз Алексей Чернов, Кун Кенешысь ужъя, мерлык политикая но ветеранъёслэн ужпумъёссыя ялан ужась ӧри сосыръёсты уже кутонъя куронъёсы воштонъёс пыртыны ӵектэ. Со пумысен Росси Кивалтэтэ вазиськон ыстэмын. Али ужась куронъёсъя, сӧсыр муртъёслы биологи факторъя кышкытлыкен ужъёсты быдэсъяны уг яра. Соин валче нокыӵе но группаен инвалидъёс ужаны уг быгато эмужъюртъёсын. Угось, отын котькыӵе ужез биологи факторъя кышкытлыкоен лыдъяны луэ. Кун Кенешысь депутатъёс санитарной куронъёсты тупатыны куро. Медосмотрлэн йылпумъянъёсызъя луонлык вань ке, эмчиын ужась инвалидъёс биологи факторъя кышкытлыкен ужъёсы интыяськыны мед быгатозы. Алекей Черновлэн верамезъя, таӵе воштонъёс кутэмын луизы ке, Удмуртиын гинэ эмужъюртъёсын сюрслэсь ятыр сӧсыр муртъёс ужалозы.
Комиссилэн кивалтӥсез нимысьтыз саклык висъяз «Доступная среда» программаез быдэсъян ужпумъёслы. Алексей Черновлэн верамезъя, 2019-тӥ арын трос уж лэсьтӥськоз спорт но дышетскон объектъёсты программалэн куронъёсызъя тупатъянлы. Эскеремын луоз кинотеатр юртъёслэн сӧсыръёслы тупамон луэмзы.

Возврат к списку