Алексей Прасолов ужасьёсты дасян сӧзнэтэз умоятонъя ӵектонъёссэ вераз
06.06.2019
Туннэ Калугаын Россиысь каткылдытъясьёслэн Кенешсылэн дышетонъя но наукая комиссиезлэн но Россиысь инноваци улосвылъёслэн Ассоциацизылэн огъя кенешоназы Удмуртиысь Кун Кенешлэн Тӧроез Алексей Прасолов шаерамы ужасьёсты дасян сярысь ивортон лэсьтӥз.
Кызьы пусйиз Алексей Прасолов, Удмуртия – ӟеч азинскем промышленностен улос. Элькунын 300-лэсь ятыр предприятиосын ожгар но граждан продукция потто. Со пӧлын – пыӵал-тӥрлык но омырын утиськонъя вылӥ технологиен огъетъёс.
Промышленностьлэн азинлыкез меӵак герӟаськемын отын ужасьёслэн быгатонлыкъёсынызы. Туннэ шор ёзо ӧнерчиосты дасян нуиське элькун бюджет чотын. Шаерын ӧнер сётӥсь 48 дышетсконниос ужало. Арлы быдэ, соосты йылпумъяса, ужъя рыноке 6,5 сюрс ужасьёс пото. Бадӟым саклык висъяське дуальной шуиськись дышетон амалэз азинтонлы. Соя дышетсконниос но предприятиос одӥг герӟетын ужало.
Озьы ке но, дышетскем ужасьёслы кулэяськон бадӟым. Удмуртиысь парламентлэн спикерез соосты дасян сӧзнэтэз умоятонъя кӧня ке ӵектонъёссэ вераз. Кылсярысь, али Россиын аналтэмын дышетсконниосты йылпумъямъёсты уже интыян. Умой луысал азьвыл распределениез берыктыны но басьтэм ӧнеръя одно ик ужан дырез юнматыны. Кунамы та амалъёс кема аръёс ӵоже ужазы но асьсэлэсь пайдалыксэс уж вылын возьматӥзы ини.
Алексей Прасолов озьы ик вылӥ дышетсконниосы абитуриентъёсты целевой амалэн кутон ужпумез ӝутӥз. «Солэн кулэлыкез сярысь верало Удмуртиысь предприятиос», - пусйиз Кун Кенешлэн Тӧроез. Та амал предприятиосты ужасьёсын тырмытыны, нош егит ӧнерчиослы уж инты шедьтыны юрттоз.
Шор ёзо ӧнер сётӥсь дышетсконниослэсь базазэс выльдон ужез федерал тӧрлык вылэ выжтоно. Али со улосвылъёслы сётэмын. Нош интыосын та ужез кулэезъя быдэсъяны коньдон уг тырмы. Соин ик студентъёс туала оборудованиен ужась предприятиосы вужмем тӥрлык вылын дышетскыса лыкто. Удмуртилэн эшшо одӥг ӵектонэз – экономикалы кулэ луись кадръёсъя огъя федерал база кылдытон.
Кенешонын мукет улосвылъёс но асьсэлэсь дэмланъёссэс но куронъёссэс шараязы. Кызьы вераз комиссилэн кивалтӥсез, Томск улосвыл Думалэн Тӧроез Оксана Козловская, вань чузъяськем ӵектонъёс рос-прос эскеремын но 24-тӥ инвожое Кун Думае парламент кылзонъёсы поттэмын луозы.
Кызьы пусйиз Алексей Прасолов, Удмуртия – ӟеч азинскем промышленностен улос. Элькунын 300-лэсь ятыр предприятиосын ожгар но граждан продукция потто. Со пӧлын – пыӵал-тӥрлык но омырын утиськонъя вылӥ технологиен огъетъёс.
Промышленностьлэн азинлыкез меӵак герӟаськемын отын ужасьёслэн быгатонлыкъёсынызы. Туннэ шор ёзо ӧнерчиосты дасян нуиське элькун бюджет чотын. Шаерын ӧнер сётӥсь 48 дышетсконниос ужало. Арлы быдэ, соосты йылпумъяса, ужъя рыноке 6,5 сюрс ужасьёс пото. Бадӟым саклык висъяське дуальной шуиськись дышетон амалэз азинтонлы. Соя дышетсконниос но предприятиос одӥг герӟетын ужало.
Озьы ке но, дышетскем ужасьёслы кулэяськон бадӟым. Удмуртиысь парламентлэн спикерез соосты дасян сӧзнэтэз умоятонъя кӧня ке ӵектонъёссэ вераз. Кылсярысь, али Россиын аналтэмын дышетсконниосты йылпумъямъёсты уже интыян. Умой луысал азьвыл распределениез берыктыны но басьтэм ӧнеръя одно ик ужан дырез юнматыны. Кунамы та амалъёс кема аръёс ӵоже ужазы но асьсэлэсь пайдалыксэс уж вылын возьматӥзы ини.
Алексей Прасолов озьы ик вылӥ дышетсконниосы абитуриентъёсты целевой амалэн кутон ужпумез ӝутӥз. «Солэн кулэлыкез сярысь верало Удмуртиысь предприятиос», - пусйиз Кун Кенешлэн Тӧроез. Та амал предприятиосты ужасьёсын тырмытыны, нош егит ӧнерчиослы уж инты шедьтыны юрттоз.
Шор ёзо ӧнер сётӥсь дышетсконниослэсь базазэс выльдон ужез федерал тӧрлык вылэ выжтоно. Али со улосвылъёслы сётэмын. Нош интыосын та ужез кулэезъя быдэсъяны коньдон уг тырмы. Соин ик студентъёс туала оборудованиен ужась предприятиосы вужмем тӥрлык вылын дышетскыса лыкто. Удмуртилэн эшшо одӥг ӵектонэз – экономикалы кулэ луись кадръёсъя огъя федерал база кылдытон.
Кенешонын мукет улосвылъёс но асьсэлэсь дэмланъёссэс но куронъёссэс шараязы. Кызьы вераз комиссилэн кивалтӥсез, Томск улосвыл Думалэн Тӧроез Оксана Козловская, вань чузъяськем ӵектонъёс рос-прос эскеремын но 24-тӥ инвожое Кун Думае парламент кылзонъёсы поттэмын луозы.