Кун Кенешын Элькунлэн 2018-тӥ арлы бюджетэзлэн быдэстӥськемез сярысь калык кылзонъёс ортчозы

03.06.2019 Туннэ Кун Кенешлэн Президиумез люкаськылӥз. Кенешонэз парламентлэн Тӧроез Алексей Прасолов нуиз. Депутатъёс «Удмурт Элькунлэн 2018-тӥ арлы бюджетэзлэн быдэстӥськемез сярысь» катӵектосъя калык кылзонъёс ортчытыны кенешизы.
Кылзонъёс кык люкетэн радъяськозы. Заочной люкетэз 3-тӥысен 8-тӥ инвожоозь мыноз. Соку котькуд мылкыд карись мурт коньдэтлэн быдэстӥськемезъя ӵектонъёссэ но юанъёссэ бюджетъя комиссие budjet@gossovet.udm.ru адресъя лэзьыны яке гожтэтэн Ижкар, пл. 50 лет Октября, 15, каб. № 411 ыстыны быгатоз.
Кылзонъёслэн очной люкетсы Кун Кенешлэн юртаз 2019 арын 10 инвожое ортчоз. Кутсконэз 10 часын. Кылзонъёсы пыриськозы элькун парламентысь депутатъёс, улосвыл ведомствоослэн кивалтӥсьёссы, муниципал кылдытэтъёслэн тӧрооссы, мерлыко огазеяськонъёслэн ёзчиоссы, иворъёсты вӧлмытӥсьёс.
Катлэн ӵектосэныз но калык кылзонъёсты ортчытон сярысь пыр-поч ивортонэн тодматскыны луоз та ссылкая.