Версия для слабовидящих
Агропром огъетын но нюлэс возёсын ужбергатонэз азинтонъя катрадлыкез тупатъян ужпумъёсты эскеризы

Агропром огъетын но нюлэс возёсын ужбергатонэз азинтонъя катрадлыкез тупатъян ужпумъёсты эскеризы

31.05.2019
Агропром огъетын но нюлэс возёсын ужбергатонэз азинтонъя катрадлыкез тупатъян ужпумъёсты эскеризы
Агропром огъетъя, музъем кусыпъёсъя, инкуазез уже кутонъя но утёнъя ялан ужась ӧрилэн кивалтӥсез Владимир Варламов гурт удысын но нюлэс возёсын ужбергатонэз азинтон ужпумъёслы сӥзем кенешон ортчытӥз. 
Кызьы пусйиз Владимир Варламов, Федерал Собранилы вазиськоназ Россилэн Азьмуртэз Владимир Путин ужбергатонэз азинтыны люкетӥсь куронъёсты палэнтыны косӥз. Та пумысен Удмуртиысь Кун Кенешлэн Тӧроез Алексей Прасолов вераз, бизнеслы могӟетъёс кылдытӥсь ужрадъёсты шараян понна, улосвыл катрадлыкез рос-прос эскерон ортчытэмын луоз шуыса. 
Кенешонын вераськизы комиссие министерствоослэсь но ведомствоослэсь, озьы ик Элькунысь фермеръёслэн огазеяськонзылэсь вуэм ӵектонъёс сярысь. Соос герӟаськемын кыедэз 3 но 4 классъем кышкытлыко кылем-мылемъёс пӧлысь поттонэн. Со понна федерал катрадлыке воштонъёс пыртоно. 
Кун Кенешысь депутатлэн, Удмуртиысь фермеръёслэн огазеяськонзылэн кивалтӥсезлэн Михаил Лебедевлэн верамезъя, тупатоно фермеръёсын но нимаз хозяйство возись муртъёсын герӟаськем куронъёсты. Со дыре ик кужмоятоно кунлэсь юрттэт басьтонъя валэктон ужез. Михаил Лебедев озьы ик гурт ваньбур поттӥсьёс понна дыкужымлы тарифъёсты кулэстыны, поттэм ваньбурез вузаны луонлыкъёсты паськытатон амалъёс утчаны ӵектӥз. Али шаерысьтымы гуртоослы вузкаронниосы пырыны секыт, нош федерал сетьёсын тросэн вӧлмытӥсько мукет улосъёсысь ваем вузъёс. 



Возврат к списку