«Единая Россия» депутат фракцилэн кивалтӥсез Анатолий Наумов пресс-конференция ортчытӥз
27.05.2019
Туннэ Кун Кенешысь «Единая Россия» депутат фракцилэн кивалтӥсез Анатолий Наумов журналистъёсын пумиськылӥз. Со фракцилэн ужамез сярысь ивортӥз, элькунэз азинтонэн герӟаськем куд-ог ужпумъёс сярысь вераз.
Партилэн улосвыл ёзэз туэ кӧня ке проектъёсты быдэсъян бордын ужа. Соос пӧлын: диспансерациез ортчытонъя но висёнъёсты алонъя «Эскеры тазалыктэ», калыкез тазалыко улон сямъёслы дышетӥсь волонтёръёсты дасянъя «Армия здоровья». Одӥгез проект дефибрилляторъёсты уже кутыны дышетӥсь материалъёсты дасян понна малпамын. Нимаське со «Умей помочь» шуыса. Озьы ик эко-культураез ӝ утонъя, спортэн дунтэк вырон интыосты шедьтыны, библиотекаослэсь книгаосын фондъёссэс узырмытыны юрттонъя проектъёс вань.
Пресс-конференциын Анатолий Наумов озьы ик партилэн кылем шутэтскон нуналъёсы ортчытэм паймеризэзлэсь нырысь-валысь йылпумъянъёссэ шараяз. Куара сётон радъяськиз Ижкарысь кык быръён округъёсын – одӥг мандатъем 7 номеро Центральной но одӥг мандатъем 12 номеро Молодёжной округъёсын. Ӵапак отын туэ сӥзьыл Кун Кенеше ватсаса быръёнъёс ортчозы.
Анатолий Наумовлэн верамезъя, Молодёжной округъя вормисе потӥз электромеханикая «Купол» заводлэн кивалтӥсезлэн юрттӥсез Алексей Перминов, Центральной округъя – «Калашников» Концернлэн быдэсъясь директорез Дмитрий Тарасов. Соос участокъёсы лыктэм муртъёслэсь 80 процентлэсь ятыр куараоссэс люказы. Праймеризлэн йылпумъянъёсыз юнматэмын луозы улосвыл оргкомитетлэн кенешоназ.
«Чакламъёсъя, участокъёсы 1600-лэсь ятыр бырйисьёс вуылӥзы, - вераз Анатолий Наумов. – Куронъёсты тӥян учыръёс пусъемын ӧвӧл». Праймеризлэн вормисьёсыз 8-тӥ куарусёнэ ортчоно быръёнъёсы ӵектэмын луозы.
Фракцилэн кивалтӥсез Кун Кенешлэн Росси Кун Думае лэзем катӵектосэз сярысь но вераз. Со герӟаськемын калыкез сюдон интыосын кудӟытӥсь юонъёсын вузкаронэз чурытатонэн. Ӵектос «Единая Россия» фракцилэн кичӧлтэмезъя дасямын. Али улосвылъёс кудӟытӥсь юонъёсты вузкаронниосын вӧлмытонэз радъяны быгато, нош калыкез сюдон интыослэн ужазы пыриськемзы соослэн уг луы. Та удыслэсь ужзэ радъя федерал катрадлык. Соин ик амало ужбергатӥсьёс вузкарон интызэс сиськонни шуыса пусъё но отын уй-нунал ӵоже сектаськыны быгато. Депутатъёслы сыӵе интыос вӧзын улӥсьеслэсь ялан ӝожтӥськонъёс вуо. Анатолий Наумов оскемзэ вераз, Удмуртиысь депутатъёслэн ӵектонзы понна Кун Дума дурбасьтоз шуыса.
«Катӵектосмы Кун Думае келямын, пусъемын, отын сое эскерон кутске. Ужпум борды басьтӥськиз Элькунмылэн Тӧроез Александр Владимирович Бречалов, кичӧлтонмес умоен лыдъяз Андрей Константинович Исаев», - вераз Анатолий Наумов. Солэн чакламезъя, шаерамы улӥсь ог тямыстон процентэз калык та законэз возьма. Депутатъёслэн котькудаз сямен пумиськоназы та юан ӝутэмын луэ.
Партилэн улосвыл ёзэз туэ кӧня ке проектъёсты быдэсъян бордын ужа. Соос пӧлын: диспансерациез ортчытонъя но висёнъёсты алонъя «Эскеры тазалыктэ», калыкез тазалыко улон сямъёслы дышетӥсь волонтёръёсты дасянъя «Армия здоровья». Одӥгез проект дефибрилляторъёсты уже кутыны дышетӥсь материалъёсты дасян понна малпамын. Нимаське со «Умей помочь» шуыса. Озьы ик эко-культураез ӝ утонъя, спортэн дунтэк вырон интыосты шедьтыны, библиотекаослэсь книгаосын фондъёссэс узырмытыны юрттонъя проектъёс вань.
Пресс-конференциын Анатолий Наумов озьы ик партилэн кылем шутэтскон нуналъёсы ортчытэм паймеризэзлэсь нырысь-валысь йылпумъянъёссэ шараяз. Куара сётон радъяськиз Ижкарысь кык быръён округъёсын – одӥг мандатъем 7 номеро Центральной но одӥг мандатъем 12 номеро Молодёжной округъёсын. Ӵапак отын туэ сӥзьыл Кун Кенеше ватсаса быръёнъёс ортчозы.
Анатолий Наумовлэн верамезъя, Молодёжной округъя вормисе потӥз электромеханикая «Купол» заводлэн кивалтӥсезлэн юрттӥсез Алексей Перминов, Центральной округъя – «Калашников» Концернлэн быдэсъясь директорез Дмитрий Тарасов. Соос участокъёсы лыктэм муртъёслэсь 80 процентлэсь ятыр куараоссэс люказы. Праймеризлэн йылпумъянъёсыз юнматэмын луозы улосвыл оргкомитетлэн кенешоназ.
«Чакламъёсъя, участокъёсы 1600-лэсь ятыр бырйисьёс вуылӥзы, - вераз Анатолий Наумов. – Куронъёсты тӥян учыръёс пусъемын ӧвӧл». Праймеризлэн вормисьёсыз 8-тӥ куарусёнэ ортчоно быръёнъёсы ӵектэмын луозы.
Фракцилэн кивалтӥсез Кун Кенешлэн Росси Кун Думае лэзем катӵектосэз сярысь но вераз. Со герӟаськемын калыкез сюдон интыосын кудӟытӥсь юонъёсын вузкаронэз чурытатонэн. Ӵектос «Единая Россия» фракцилэн кичӧлтэмезъя дасямын. Али улосвылъёс кудӟытӥсь юонъёсты вузкаронниосын вӧлмытонэз радъяны быгато, нош калыкез сюдон интыослэн ужазы пыриськемзы соослэн уг луы. Та удыслэсь ужзэ радъя федерал катрадлык. Соин ик амало ужбергатӥсьёс вузкарон интызэс сиськонни шуыса пусъё но отын уй-нунал ӵоже сектаськыны быгато. Депутатъёслы сыӵе интыос вӧзын улӥсьеслэсь ялан ӝожтӥськонъёс вуо. Анатолий Наумов оскемзэ вераз, Удмуртиысь депутатъёслэн ӵектонзы понна Кун Дума дурбасьтоз шуыса.
«Катӵектосмы Кун Думае келямын, пусъемын, отын сое эскерон кутске. Ужпум борды басьтӥськиз Элькунмылэн Тӧроез Александр Владимирович Бречалов, кичӧлтонмес умоен лыдъяз Андрей Константинович Исаев», - вераз Анатолий Наумов. Солэн чакламезъя, шаерамы улӥсь ог тямыстон процентэз калык та законэз возьма. Депутатъёслэн котькудаз сямен пумиськоназы та юан ӝутэмын луэ.