Татьяна Ишматова радиокылзӥсьёслэн юанъёссылы валэктонъёс сётӥз
29.05.2019
Кун Кенешысь тодосъя, дышетонъя, лулчеберетъя, йӧскалык но егитъёсын ужан политикая но спортъя ялан ужась ӧрилэн кивалтӥсез Татьяна Ишматова «Мынам Удмуртие» радиолэн меӵак эфираз мынӥсь радиоверанэ пыриськиз. Депутат вераз дышетон удысэ пыртэм но пыртыны дасяськись воштонъёс, та удысъя ужась йӧскалык проектъёс сярысь.
Депутат комиссиен та ар ӵоже кутэм куд-ог катъёс сярысь но ивортӥз. Озьы, кемалась ӧвӧл юнматэмын физкультура, патриотизм мылкыд пыӵатон сярысь элькун катъёс. Трос уж лэсьтэмын анай-атайтэк кылем пиналъёсын герӟаськем катрадлыкез тупатъянъя. Али ӧриысь депутатъёс музей уж сярысь катӵектос бордын ужало.
Кылзӥсьёс «Земский учитель» программалэн ку но кызьы быдэсъяськыны кутскемез сярысь юанъёсын вазиськизы. Кызьы валэктӥз Татьяна Ишматова, программа ужаны кутскыны кулэ 2020-тӥ арысен. Соин ик выль дышетскон аре школае ужаны лыктэмъёс со улэ уг сюро на. Но та дыре программае пыртыны ӵектонъёсты дасян но кутон азьланьтӥське. Котькуд мылкыд карись комиссие аслэсьтыз дэмланъёссэ сётыны быгатэ.
Депутат комиссиен та ар ӵоже кутэм куд-ог катъёс сярысь но ивортӥз. Озьы, кемалась ӧвӧл юнматэмын физкультура, патриотизм мылкыд пыӵатон сярысь элькун катъёс. Трос уж лэсьтэмын анай-атайтэк кылем пиналъёсын герӟаськем катрадлыкез тупатъянъя. Али ӧриысь депутатъёс музей уж сярысь катӵектос бордын ужало.
Кылзӥсьёс «Земский учитель» программалэн ку но кызьы быдэсъяськыны кутскемез сярысь юанъёсын вазиськизы. Кызьы валэктӥз Татьяна Ишматова, программа ужаны кутскыны кулэ 2020-тӥ арысен. Соин ик выль дышетскон аре школае ужаны лыктэмъёс со улэ уг сюро на. Но та дыре программае пыртыны ӵектонъёсты дасян но кутон азьланьтӥське. Котькуд мылкыд карись комиссие аслэсьтыз дэмланъёссэ сётыны быгатэ.