Версия для слабовидящих
Кун Кенешын дышетон удысысь лэчыт ужпумъёсты эскеризы

Кун Кенешын дышетон удысысь лэчыт ужпумъёсты эскеризы

21.05.2019
Кун Кенешын дышетон удысысь лэчыт ужпумъёсты эскеризы
Туннэ Кун Кенешлэн Тӧроез Алексей Прасолов дышетон удысысь лэчыт ужпумъёслы сӥзем кенешон ортчытӥз. Пумиськонэ пыриськизы Элькун Кивалтэтлэн Тӧроезлэн воштӥсез Анатолий Строков, элькун парламентлэн вице-спикерез, тазалыкез утёнъя, семья но демографи политикая ялан ужась ӧрилэн кивалтӥсез Надежда Михайлова, наукая, дышетонъя, культурая, йӧскалык но егитъёсын ужан политикая, спортъя ялан ужась ӧрилэн кивалтӥсез Татьяна Ишматова, экономика политикая, промышленностья но инвестициосъя ялан ужась ӧрилэн кивалтӥсез Александр Майер, Элькунысь ужъя но мерлык политикая министр Татьяна Чуракова но мукетъёсыз.
«Дышетон удысысь ужпумъёс - котькуд вакытэ тужгес лэчытъёсыз пӧлын», - шуиз, кенешонэз усьтыса, Алексей Прасолов. Оштолэзе соосты эскериз Россиысь каткылдытъясьёслэн Кенешсы но. Соку Удмуртиысь парламентлэн спикерез школаосы огъя программаосты но дышетон книгаосты берыктыны ӵектӥз.
5 инвожое Россиысь каткылдытъясьёслэн Кенешсылэн дышетонъя Комитетэз Калугаын экономикалэн вылӥ технологиё удысъёсызлы ӧнерчиосты дасян ужпумъёслы сӥзем бадӟым кенешон ортчытоз. Туннэ пумиськонын отчы ӵектонъёсты дасяны кулэ, пусйиз Алексей Прасолов. «Али асьмеос бадӟым саклык висъяськом быгатӥсь пиналъёсты но егитъёсты шараян но соослы юрттон ужпумъёслы. Соин валче вунэтыны уг яра инъет луись тодон-валанъёсты сётон но вань пиналъёслы дышетскыны луонлыкъёс кылдытон сярысь», - сюлмаськемзэ вераз спикер.
Анатолий Строков совето вакытысь но куд-ог ужан амалъёсты берыктонлэсь кулэлыксэ пусйиз. Кылсярысь, туннэ ассэ умой возьматысал бюджет интыосы дышетскисьёсты целевой амалэн кутон но бӧрысь соосты уже лэзён амал. Таӵе ӵектон шараямын вал Росси Кивалтэтысь вице-премьеръёсын ортчем кенешонын но. Нуиз сое Кивалтэтлэн Тӧроез Дмитрий Медведев. Распределение амал предприятиосты ужасьёсын тырмытыны, нош егит ӧнерчиослы уж инты шедьтыны юрттоз. Соин ӵош ужъя рынокез эскеронэз рос-прос радъяно, тужгес кулэ ӧнеръёслы кун заказ лэсьтоно.
Кун ласянь сэрттэм-пертчемез кулэ каро эшшо кӧня ке лэчыт ужпумъёс. Одӥгез со герӟаськемын асьсэды дышетӥсьёсты дасянэн. Мукетыз - ӧнер сётӥсь дышетсконниослэсь тӥрлыксэс выльдонэн. Али ӵемысь студентъёс предприятиосын кутӥськись туала тӥрлыкен тодматскыны уг быгато. Угось, дышетсконниослэн ваньбурен базазы шӧдскымон вужгес. Катъёсын юнматэмез кулэ каре дуальной шуиськись дышетон сӧзнэтэз радъян. Соку дышетскись теорияя тодон-валанъёсты басьтэ дышетсконниын, нош практикая занятиос мыно предприятиын.
Кенешонын чузъяськем вань ӵектонъёс рос-прос эскеремын но Россиысь каткылдытъясьёслэн Кенешсылэн Комитетэзлэн Калугаын ортчоно кенешоназ лэземын луозы.

Возврат к списку